تم التثبيت بواسطة*ليلى ام سارة*
بتاريخ
25/6/2019
كيف حالكم انيقاتي الحبيبات
بارك الله لكم في شعبان وبلغكم رمضان في احسن الاحوال
وكل يوم وانتم الى الله اقرب ……
اليوم نوريكم كيف كنكولجلي الفواكه وحيت يجيكم
شي ضيف بردوه بشي عصير راه الصهد قريب
غير جبدي من الكونجيلاتور وحطي فالميكسور
وها العصير واجد وباااااارد
اولا حاجتنا لساشيات انا كيعجبوني هادو شكلهم طويل ومجموعين كناخدهم من الهري نص كيلو ب 12 درهم
خديت الخوخ والشهدية والمشماش نغسلوهم مزيان ونزولو ليهم العظم الدخلاني
باش يجيك ساهل دوري بالموس على الخوخة وشديها ودوري
بحال الى بغيتي تحلي شي قرعة
خديت السويهلة حتى هي وقشرتها
سرحتهم فبلاطو ودخلتم للكونجيلاتور
خليتهم باتو كيتبردو معا راسهم فهاد الصهد
وهنا حيت جبدتهم فالصباح وعمرتهم فبلاستيكات كنخلط شوية من كل فاكهة
وحيت كنحتاجهم كنجبد ساشيا ونكبها فالميكسور مع عصير الليمون او اي حاجة كنفضلها
وهنا دخلتهم يتكونجلاو
ودبا نوريكم ماطيشة لي بديت كنوجد
مطيشة كنغسلها ونقطعها على جوج
نسد عليها الكوكوت بدون ماء وبدون صفارة على عافيا مهيلة
بحال كيف كتشوفو
لمدة نصف ساعة نحلو عليها نزيدو العافية ونشحروها من الماء
هادا شكلها من بعد ما تشحرات
وهنا من بعد ما طحنتها فالميكسور
وحيت بردات عمرتها فالميكات وسديت عليها باللصقة لي كنكتب عليها التاريخ حيت هاد اللصقة كتكون حرشة
تقدري تكتبي فيها لي بغيتي
ودمتم في رعاية الله وحفظه .
fuq jpqdvhjd ggaiv hgtqdg
المشاركة الأصلية كتبت بواسطة محبة الأنبياء 
ها التصاور الالة راه غير كانو حشمانين وتخبعو ههههههههههه
عواشر مباركة اختي باش ماتمنيتي
عواشر مباركة
عواشر مباركة