السلام عليكم حبيباتي جربت شي شهيوات من شدا الاسرة كيجيبو فيه واحد الخبيرة فالطبخ والحلويات غزالة هديك السيدة وكاع للي جربتها لها صدقات تبارك الله عليها والله يجعل كاع للي كتقوم به فميزان حسناتها جربت بزاف ومكنتش كنصور وهد المرة تفكرت نصور جربت البارح خبيزات الحليب لفطور الوليدات جاو غزالين ولادي عجبوهم وجرب ت البطبوط بطريقة الكوكوط جا مفشفش درت العادي والاخر بالفوة حيت الشهر للي فات وقع لي اجهاض الله ينجيكم ونزفت بزاف ومن اللقاء المفتوح جربت الدجاج معمر بطريقة جديدة جا غزال بزاف مشبعتش منو اوا باركة من الهضرا وها الصور 
هاهما 3 زلايف فرص-4 م ك نيدو-ربع م ص ملح 1 خمارة الحلوى م ك خميرة الخبز-بيضة – زلافة الحليب دافي 100 زبدة لينة الى بغيتيهم حلوين ديري 4 م ك سنيدة والى لا ديري 1 م ك سنيدة انا درت غي وحدة فقصرية نديرو الفرص وكاع المواد الاخرى وتجمع بالحليب دافي نغطيها 5 دقايق ونرجع نحربلها على شكل طولي ونديرها فالطاوة حتى تخمر وندهن ببيضة مطربة مع شوي السكر كلاصي نخليها تخمر نص ساعة ودخليها طيب دغيا كيوجدو ومتيحتاجوش بزاف الدليك وملي تبغي تقدميهم دهني بالنوتيلا او الفرماج
البطبوط فيه زلافة فرص وزلافة حرش وشوي سنيدة وخميرة الخبز م ك حليب نيدو 2 م ك زبدة لينة وتجمع بالما دافي وتدهن كوكوط بالزيت وديري فيها العجينة بلا دليك وسدي عيليها بالصفارة 20 دقيقة تلقايها مدلوكة قطعيها كويرات وملي تطلق قرصيها وطيبيه جا غزال بحال السفنج
ها مقادير الدجاج كتغسلي الدجاجة مزيان وتقطعيه على الطول على 21 بلا متفرقيها وتصاوبي شرمولةمكونة من الربيع مقطع عصير الحامض الملح ابزار سكنجبير الخرقوم وشي من توابل الشوارما غي شوي بصلة وحدة صغيرة محكوكة 2 ضروس التومة ونخلط وندخل هدشي فالدجاجة مزيان ونخليها ترقد اطول مدة ممكنة من بعد ندهن طاوة الفرن بالزيت ونحط دجاجة على الصدر للي حلينا بالموس وندير بابي كويسون عاد بابي المنيوم وندخلها للفرن طيب ومن بعد نعريها ونخليها تتحمر شوي الحشوة نص كرومبة محكوكة طويلة 2 كريعات محكوكين طوال 2 خزوات محكوكين طوال بصلة صغيرة مشلظة والربيه وضريس التومة والزيت البلدية وملح وابزار نحط هدشي فمقلاة ونبقا ندية ونجيبو حتى يطيب ويهبط عاد نزيد باكية صغيرة ديال الشعرية الصينية مرطبة فالما ومقطعة وشوي الهريسة وشوي قشور المصير مقطعين رقاق ونخلط مزيان حتى يندامجو نطفي عليهم ونعمر الجاجة من الصدر ونشتت شوي بين رجليها ونقدمها انا قبل منعريها تتحمر عمرتها بالحشوة عاد خليتهم يتحمرو باش تتنسم العمارة بنكهة ديال الدجاج جا غزال بزاف
للي بغات المقادير انا حاضرة ومتنساوش الردود في امان الله
fuq j[hvfd lk hgvh]d, iiii
بغيت المقادير ديال بان بالحليب من فضلك
راني مفهمتش كيفاش البطبوط في ااكوكوط شرحاي هادي راني مخسنيش تفوتني ههههه
المشاركة الأصلية كتبت بواسطة ام رزان واياد 
هاهما 3 زلايف فرص-4 م ك نيدو-ربع م ص ملح 1 خمارة الحلوى م ك خميرة الخبز-بيضة – زلافة الحليب دافي 100 زبدة لينة الى بغيتيهم حلوين ديري 4 م ك سنيدة والى لا ديري 1 م ك سنيدة انا درت غي وحدة فقصرية نديرو الفرص وكاع المواد الاخرى وتجمع بالحليب دافي نغطيها 5 دقايق ونرجع نحربلها على شكل طولي ونديرها فالطاوة حتى تخمر وندهن ببيضة مطربة مع شوي السكر كلاصي نخليها تخمر نص ساعة ودخليها طيب دغيا كيوجدو ومتيحتاجوش بزاف الدليك وملي تبغي تقدميهم دهني بالنوتيلا او الفرماج
المشاركة الأصلية كتبت بواسطة سلطانه فاسية بغيت المقادير ديال بان بالحليب من فضلك
راني مفهمتش كيفاش البطبوط في ااكوكوط شرحاي هادي راني مخسنيش تفوتني ههههه
البطبوط فيه زلافة فرص وزلافة حرش وشوي سنيدة وخميرة الخبز م ك حليب نيدو 2 م ك زبدة لينة وتجمع بالما دافي وتدهن كوكوط بالزيت وديري فيها العجينة بلا دليك وسدي عيليها بالصفارة 20 دقيقة تلقايها مدلوكة قطعيها كويرات وملي تطلق قرصيها وطيبيه جا غزال بحال السفنج
المشاركة الأصلية كتبت بواسطة ام رزان واياد ها مقادير الدجاج كتغسلي الدجاجة مزيان وتقطعيه على الطول على 21 بلا متفرقيها وتصاوبي شرمولةمكونة من الربيع مقطع عصير الحامض الملح ابزار سكنجبير الخرقوم وشي من توابل الشوارما غي شوي بصلة وحدة صغيرة محكوكة 2 ضروس التومة ونخلط وندخل هدشي فالدجاجة مزيان ونخليها ترقد اطول مدة ممكنة من بعد ندهن طاوة الفرن بالزيت ونحط دجاجة على الصدر للي حلينا بالموس وندير بابي كويسون عاد بابي المنيوم وندخلها للفرن طيب ومن بعد نعريها ونخليها تتحمر شوي الحشوة نص كرومبة محكوكة طويلة 2 كريعات محكوكين طوال 2 خزوات محكوكين طوال بصلة صغيرة مشلظة والربيه وضريس التومة والزيت البلدية وملح وابزار نحط هدشي فمقلاة ونبقا ندية ونجيبو حتى يطيب ويهبط عاد نزيد باكية صغيرة ديال الشعرية الصينية مرطبة فالما ومقطعة وشوي الهريسة وشوي قشور المصير مقطعين رقاق ونخلط مزيان حتى يندامجو نطفي عليهم ونعمر الجاجة من الصدر ونشتت شوي بين رجليها ونقدمها انا قبل منعريها تتحمر عمرتها بالحشوة عاد خليتهم يتحمرو باش تتنسم العمارة بنكهة ديال الدجاج جا غزال بزاف
المشاركة الأصلية كتبت بواسطة Maraim ربي يخليك حبيبتي