سلام عليكم ورحمة الله تعالى و بركاته
اكيد كل وحدة و طريقتها حبيت نشارككم طريقتي ، ماكنتش ناوية نصورها حتى الاخير عاد تفكرت
المهيم نبداو المقادير علا حسب الاشخاص انا درتها غير ليا والزوجي و كندير عيني ميزاني الورقة صايبتها بيدي
المقادير : دجاج +بصل معدنوس+ملح+بزار+كامون+قرفة+زعفران+سكين جبير+زيت+بيض+شعرية صينية+زيتون بلا علفة مقطع دوائر
مقادير الورقة: انا درت 2 كيسان فورص+ 2 كيسان ماء+ قبصة ملح
للتزيين : لوز مهرمش+سكر ڭلاصي+قرفة
الطريقة معروفة فكوكوط نديرو دجاج يتقلى مع البصلة+ملح+زعفران حتى تدبال البصلة نضيفو المعدنوس+بزار كمون قرفة سكين جبير ونرويو ونسدو عليه حتى يطيب مين يطيب نفرتتو دجاج والمرقة يلا كان فيها روا بزاف نخليوه يوكح ونضيفولو زيتون والبيض ونبقاو نحركو حتى يطيب ونخليوه علا جنب يبرد
انا مين كان يطيب دجاج كنت نصايب الورقة فمولينيكس كنديرو الما و فورص+الملح ونخليوه يتخلط مزيان مزيان
ثم فمقلاة نديرو فيها الماء ونحطو فوق منها وحدة اخرى مكتلسقش ونبداو بشيتة ندوزو عليها داك الخليط ديال العجين غيبقى فيسع ينشف نعاودو منو فيسع واحدا اخرى باش تجينا الورقة مزيانا مين تشد نحايدوها وندهنوها بزيت ونغطيوها بالميكة حتى نساليو العجين لي عندنا .
نقليو اللوز ونطحنوه انا مادرت معاه وآآلو حيت مبغيتهاش تجي حلووة
شعرية نكبو عليها الماء سخوون ونستقطروها مين تقطر نقطعوها بالمقص مين بغيت نستعملها خلطت معاها شوية من الخليط نتاع البيض والمرقة العاقدين وهنا سر ديالي دائما الحشوة لي كتكون فيها شعرية صينية كل مرة باش كنخلطها باش تجيني منسمة و لديدة،
كنبداو تعمار ناخدو لاطة شكل لي بغينا انا دارتها دايرية فالمول ليكيتحل من جناب نسرحو الورقة كيف معروف وندير اشوية شعرية هي الاولى تم الحشوة ديال البيض فوق منو دجاج وفوقو اللوز مهرمش تم نزيد شعرية ليبقات وندير فوقها واحد الورقة تم نبدا نسد وانا كندهن بالبيض للاشارة انا عاع ماستعملت الزبدة
ندخل البسطيلة للفرن طيب مزيان وتحمر مين تحمر نديرپها فطبق التقديم وبصفاية نرش عليها سكر ڭلاصي تم فوق منه ندير طبقة باللوز انزوق بخطوط من القرفة و سكر ڭلاصي ونقدمها بالصحة والرحة
فالحقيقة جات رائعة بسهادت زوجي وهادي اول مرة ندير بسطيلة حلوة حيت مكتعجبنيش لحلوة ولكن قولت نجربها ط¨ط·ط±ظٹظ‚طھظٹ لي تعجبني بلا منحرم راسي وراجلي هههه نتمنى تجربوها راه فعلا جات لديدة ومعتادلة فالحلاوة بالنسبة لمرضى سكري يقدرو يكلوها علاش نحرموهم كترت عليكم فالهضرة نخليكم مع الصور وقولولي رايكم
fs’dddddgm fhg][h[ f’vdrjd
تم التقييم غاليتي
المشاركة الأصلية كتبت بواسطة ghizous 
فنة فنة هههه المقادير راني كتبتهم اختي علا حساب القياس ليبغيتي انا درت 2 كيسان فورص 2 ماء و قبصة ملح
خلطهم مزيان مزيان فمولينيكس والطريقة ديال طياب راها معروفة ان شاء الله نعاود نديرها ونصور الطريقة بالتفصيل
المشاركة الأصلية كتبت بواسطة أم هنية ومنصف تم التقييم غاليتي
شكرا عزيزتي مرورك العطر هو تقييم بنفسو
ماكاين ماحسن من حاجة ديال الدار
عن طريق : samsung – GT-I9105P
المشاركة الأصلية كتبت بواسطة مرضية واليديها ماكاين ماحسن من حاجة ديال الدار
اميييين احبيبة ربي يخاليك الغزالة ويا ربي يرزقك بالزوج الصالح وتبارعيه شهيوات هههه
المشاركة الأصلية كتبت بواسطة omo zaid الله يحفظك اختي ،هاديك صينية خديتها العام لي داز من المغرب ب 100 درهم هي راه غي صغيرة هههه خاصة غي ليا ولزوجي نتبرعو بيها ههه