السلام عليكم
المقادير ساااهلة و رخيصة و هي زوج بيضات نعبرو بكاس العنبة ,,,,,,,,,, كاس زيت كاس دقيق كاس كوك كاس سنيدة كاس سميدة رقيقة كاس حليب واحد دانون فاني و حدة ساشي فاني و زوج خمارات حمرين الزا
نخلطو في الاول البيض و السنيدة و ساشي فاني و الزيت نزيدو االحليب و دانون من بعد الكوك و السميدة و اخيرا الدقيق مع الخمارات و في هاد الاتناء ندخلو المقلة التقيلة تسخن في الفران من بعد ما دهناها بالزبدة و رشيناها بالسميد ة الرقيقة
و في هاد الاتناء كنخلطو كلشي يا اما بالباتور يا مولينكس الا الدقيق طبعا
نخرجو المقلة التقيلة نخو فيها الخليط من بعد ندخلوها طيب في الفران في هاد الاتناء نوجدو كريمة الليمون الي ساهلة و هي كالتالي كاس الليمون و تلات معالق سنيدة وتلات معالق مايزينا كلشي على نار مهيلة ملي تعقاد كريمة نحبسو و الى مكنش الليمون نشرو واحد نكتاري ديال خمسين ريال و نقطعو البنان دوائر رقيقة ملي نخرجو تبرد و نستفو عليها البنان و ندهنوها بالكريم من الفوق و هاهي واااجدة بالصحة و الراحة
شي دعوة نجتمع مع راجلي
fsf,sm otdtm f;vdlm hgdl,k , l.,rm fhgfkhk
ربي يجمعكم في القريب اختي
تم التثبيت غاليتي
تبارك الله عليك
والله يحقق ليك الي فبالك