السلام عليكم أخواتي
ثبت الموضوع في تاريخه
من طرف أم أســامة وإيــمان
جربت هاد البسبوسة كانت دارتها شميشة الأسبوع اللي فات جات غزالة وقلت نوريها ليكم نتمنى تعجبكم
نبداو على بركة الله
المقادير
300 غ سميدة متوسطة
60 غ زبدة (تقريبا 3 م كبار)
1 خمارة
قشرة حامضة
250 غ سكر سنيدة
100 غ لوز ومسلوق ومحمر(خلطت معاه وهو سخون معلقة كاكاو + شوية لوز ايفيلي اختياري) زدتها من عندي هههه
400 غ اللبن
سيرو للسقي :
كاس ماء
كاس عصير حامض
2 كيسان سكر
قشور الحامض (ماشي ضروري)
للتزيين
اللوز ايفيلي محمر
كريمة الليمون ( هاد الكريمة جربتها بمقادير الأخت لطيفة الله يجازيها بخير)
مقاديرالكريمة : 150 غ سكر سنيدة + بيضة كاملة + 50 غ زبدة وحامضة معصرة ومحكوكة
الطريقة
كناخدو ايناء نوضعو فيه السميدة والزبدة ونبسبسوهم مزيان باش ملي طيب تبقى باينة السميدة مفروزة متعجنش من بعد نزيد باقي المقادير كلها ونخلطها مزيان تم نضي اللبن ونحرك ونوضعو فمول اللي غادي ندخلو للفران من بعد ما ندهنو مزيان بالزبدة ونرشوه بالسميدة
وملي يطيب نخروه ونسقيوه مباشرة بالسيرو اللي كنكونو حضرناه وبرد شوية
تم نزينوها بالكريمة واللوز ونخليوها تبرد ونقدموها بالصحة والراحة
طريقة الكريمة :
كتخلطي السكر والبيضة فكاسرونة وتوضعيها فوق عافية مهيلة ومن بعد زيدي الزبدة وملي دوب زيدي عصير الحامضة وحركي وخليها حتى تعقد شوية فعلا كتجي زوينة بزاف
نخليكم مع الصور كتوضح كلشي
وهاهي ملي بردات مع كاس ديال العصير
الى كان اي استفسار أنا رهن الاشارة
fsf,sm fhgg,. livla
المشاركة الأصلية كتبت بواسطة najat12 
الله يبارك فيك أختي
المشاركة الأصلية كتبت بواسطة المرضية في الجنة شكرا أختي دائما منورة مواضيعي
مع احلى تقيييييييم
المشاركة الأصلية كتبت بواسطة nasamat ward الله يبارك فيك أختي
المشاركة الأصلية كتبت بواسطة ام إسراء وياسمين مع احلى تقيييييييم
الله يبارك فيك ويجازيك بخير على التقييم