بريوش بالياغورت ساهل وخفيف /من مطبخي /

– 600 غ دقيق ممتاز -1 ياغورت مسوس -1 بيضة –

2 معالق كبار سكر – نص كاس / عنبة / زيت -ملح –

معلقة كبيرة خميرة معجونة -ماء دافي لجمع العجينة –

* الطرقة *

كنديرو الدقيق فاناء كنضيفو الملح والزيت والبيضة والسكر والياغورت

والخميرة ونبداو نزيدو الما دافي حتى تجمع العجينة وتكون مرخوفة

كندلكوها مزيان ونغطيوها ونوضعوها فمكان دافي

هاهي مللي خمرات

كنرشو المكان بالدقيق ونبداو نشكلوها والطريقة موضحة بالصور

كنوضعوهم فلاطة مدهونة وكنخلطو معلقة كبيرة عسل مع ربع كاس ماء وندهنوهم

ونرشوهم بالجنجلان والحبة السوداء او نخليوهم عاديين.

كنخليوهم يخمرو مرة ثانية فاللاطة وندخلوهم للفران حتى يتحمرو وهذا شكلهم

وهذا شكلهم من الداخل كيجيو بحال القطن وخفاف