بريوات اخرين من ايدي تفضلو مرحبا

ندوز معاكم للمقادير
انا درت جوج دجاجات زولت منهم الصدر والعنق مدرتهومش ههه حيث مافيهم لحم وغادي يشدو لي غير لبلاصة
عود قرفة
قزبر وعدنوس
من ربعة تالخمسة بصل
ليبزار اكحل وسكنجبير وزعفران او ملون غدائي
سكر سنيدة قرفة دقوقة
والبيض من خمسة حتى لستة دلبيضات
ملح وزيت
الطريقة
كانشلظو البصلة ونزيدو عليها قزبر ومعدنوس مفرومينوسكنجبير وليبزار وملح وزيت وعود قرفةونشرمولو بيهم دجاج ونخليوه يرتاح باش يشرب لقوام من بعد كانديروه فوق لبوطة ونبداو نحركوه على عافية مهيلة تايطلق البصل الما ديالو ثم كانضيفو عليه الما ماشي بزاف غير شوية فاش يطيب وكانسدو لكوكوط وكانبقاو نحركوها مرة مرة باش متلصقش ملي يطيب اللحم كانزولوه ونخليو المرقة حتى تعقاد وكانزيدو عليها سكر سنيدة وقرفة مدقوقة على حسب الدوق ونحركو مزيان تاتبان لينا مابقاش فيها حس الما كناخدو البيض كانضربوه مزيان ونقصو لعافية ونبدا نزيدو لبيض بحاااااال خويط باش مايتكللش لنا ملي يعقد لخليط نضيفو عليه دجاج بعد مزولنا منو لعضام وفرتتناه ونخلطو مزيان باش دجاج يتشرب لنا تاهو لحلاوة ولقرفة ويزيد ينشف كانخليوه يبرد ونعمرو به لبريوات نخليكم مع الصور

IMG]https://www.anaqamaghribia.com/pic/images/6y2bxo8nbppbohpo3t3p.jpg[/IMG]

فهاد لمرحلة كانزيدو دجاج ونحركو مزيان تايتشرب دجاج وكانحصلو على الحشوة

fvd,hj hovdk lk hd]d jtqg, lvpfh h[vd,