بديل الصوبا للوليدات أقل من سنة

أطرح الفكرة على بركة الله :

طريقة المعقودة عامة معروفه و كل وحد ليها أسلوبها الخاص

***

معقودة بالكفيتة و خيزو محكوك

* بطاطا متوسطة
* خيزو
* نصف بصلة متوسطة
* طريف من الكفتة
* بيضة (ناخدو الأصفر فقط حيت المكونات قليلة)

الطريقة معروفة

نصلق بطاطا فالماء و أكيد بدون ملح

نشحر البصلة فملعقة زيت زيتون

نشحر خيزو فشوية زبدة

البصلة دخلها الطياب ناخدها و نضفيها للكفيتة و نمزجهم مزيـــــان و نرجعهم يطيبو (كنفضل هاد الطريقة فتحضير الكفتة غالبا)

***

نضيفو لبطاطا مصلوقة معلقه زيت الزيتون و رشة زعتر للتنسيم

نمعكو البطاطا مزيان و نضيفو خيزو و الكفتة و صفر البيض

***

و نبداو نوجدو كويرات المعقودة

***

و بالصحة و الراحة

و نقدموهم مرفقين بعصير ولا دانون… باش ميجيهمش الغدا ناشف

******************

معقودة بالفطر

بنفس الطريقه و ممكن نغيرو فالمكونات كما بغينا…

بالصحة و الراحة

******************

معقودة بالسبانخ

كما سبقلي و كتبت ممكن نوجدوها بمكونات عديدة و ممكن نكتافيو بالخضر منوعة فقط

سبانخ قطعتها رقيقة و فورتها

بالصحة و الراحة

**********

نتمنى الفكرة تعجبكم و تعجب وليداتكم كما عجبت بنتي، و نتمنى نكون فدتكم و لو بالقليل.

و متنساونيش بدعيوات الخير و لكن بالمثل

f]dg hgw,fh gg,gd]hj Hrg lk skm j]og

رابط لوحة المفاتيح بالعربية