تبت بواسطة المغرب وطني
بتاريخ12/06/2019
بسم الله الرحمن الرحيم و الصلاة و السلام على أشرف المرسلين، سيدنا محمد و على آله و صحبه أجمعين.
السلام عليكم و رحمة الله تعالى و بركاته.
الأغلبية من الأمهات مطروح عندهم مشكل تغدية وليداتهم و بالخصوص الوليدات أقل من عام، صعيب باش ترضيهم بلا ملح و سكر و توابل…
صوبا يوميا كيملوها و حنا ماعندناش اختيارات كثيرة… المهم الفكرة خديتها من المعقودة، ممكن نوجدوها بخضر مطحونة سهلة فالهضم و فحدود الشروت الصحية… و نخرجو وليداتنا من روتين ط§ظ„طµظˆط¨ط§ و السوائل.
أطرح الفكرة على بركة الله :
طريقة المعقودة عامة معروفه و كل وحد ليها أسلوبها الخاص
***
معقودة بالكفيتة و خيزو محكوك
* بطاطا متوسطة
* خيزو
* نصف بصلة متوسطة
* طريف من الكفتة
* بيضة (ناخدو الأصفر فقط حيت المكونات قليلة)
الطريقة معروفة
نصلق بطاطا فالماء و أكيد بدون ملح
البصلة دخلها الطياب ناخدها و نضفيها للكفيتة و نمزجهم مزيـــــان و نرجعهم يطيبو (كنفضل هاد الطريقة فتحضير الكفتة غالبا)
***
نضيفو لبطاطا مصلوقة معلقه زيت الزيتون و رشة زعتر للتنسيم
نمعكو البطاطا مزيان و نضيفو خيزو و الكفتة و صفر البيض
***
***
و بالصحة و الراحة
و نقدموهم مرفقين بعصير ولا دانون… باش ميجيهمش الغدا ناشف
******************
معقودة بالفطر
بنفس الطريقه و ممكن نغيرو فالمكونات كما بغينا…
بالصحة و الراحة
******************
معقودة بالسبانخ
كما سبقلي و كتبت ممكن نوجدوها بمكونات عديدة و ممكن نكتافيو بالخضر منوعة فقط
بالصحة و الراحة
**********
نتمنى الفكرة تعجبكم و تعجب وليداتكم كما عجبت بنتي، و نتمنى نكون فدتكم و لو بالقليل.
و متنساونيش بدعيوات الخير و لكن بالمثل
f]dg hgw,fh gg,gd]hj Hrg lk skm j]og
رابط لوحة المفاتيح بالعربية
السلام عليكم ورحمة الله وبركاته تبارك الله اختي حنان رب يخليللك سيمسيمة
بان لي هدا المعقودة ماتعطى لهم حتى يديرو عام فما فوق
اليس كدلك
بنتي عندها 11 شهر.
و الأكلة أكيد للوليدات لي فوق الشهر الثامن لي ممكن نعطيوهم الخضر كلها و الأسماك و اللحوم…
من جهة أخرى معقودة خفيفه و رطيطبة ماتحتاج سنان للمضغ… أنا كنعطيها لبنتي طريفات صغار بالعلقة و ممكن نفرتتوها كما أشارة الأخت أم روعة.
عطيتها لبنتي و كلاتها عادي مالقيت معاها حتى مشكل و لله الحمد و الشكر و هادي هي الطريقة لي بديت ناخدها كبديل ملي متاكلش الصوبا و الحمد لله لقيت نتيجة تفرح
أختي أنتِ أدرى بقدرات بنتك الله يخليها ليك
كان خصني نوضح أكثر فالعنوان . فأعتذر عن اللبس.
بنتي عندها 11 شهر كما سبقلي دكرت، و مؤخراً عاد بديت نوجدهاليها مع حريق السنان مابقات عندها شهية… و لقيت هدا الحل الوحيد لي ممكن ندمجو فيه ميع الخضر و اللحوم و الأسماك بطريقة سهلة للهضم…