بداية خروج الاسنان

السلام عليكم ،أنا أم جديدة و عضوة جديدة،ارجوكم رحبوا بي و جاوبوا على سؤالي:هل منكن من جربت طريقة لكي تخرج اسنان الرضيع بسرعة،قالت لي احدى الصديقات أن أدهن له اللثة بالزيت ديال التون اللي كا يتباع فالحانوت،واش شي وحدة مجربة هاد الطريقة وشكرا لكن مسبقا,

---

f]hdm ov,[ hghskhk

الله اعلم اختي انا ولد اختي عندو دابة 6 اشهر ويخرجو طبيعيين سنان دياولو

علاش أختي أشنو الحكمة من السرعة في إخراج الأسنان؟

خلي أحبيبتي ولدك ينوض سنيناتو على خاطرو… ومسألة زيت التون ما عمري سمعت بيها ولا قريت عليها!!!!

شكرا كثيرا على الردود,ولدي دابا عندو 8اشهر و ما زال مناضولو السنين,هادي جوج ليلات كينوض بزاف فالليل و ينوض مخلوع و يبكي بحال اللي كتنغزو شي حاجة.واش هادا هو الوجع ديال السنينات

غالبا اختي غيكونو غير السنينات هادوك لي جايين

إيلا كان كيدير ليك السخانة عطيه دوليبران ولا أسبيجيك لي كيوالم السن ديالو

يقدر يدير ليك حتى الإسهال… ما تخافيش غير شي يامات إن شاء الله يبانو السنينات وتختفي الأعراض كاملة