بخصوص البناء

السلام عليكم
بغيت نسولكوم على واحد القضية واش كاينا نيت في البلان تاع الدار هادي مدة الوالد مدابز معاه اومابغا اخرج او كل مرة كايطلبو ليه لفلوس .
هاد المرة تاصل واد السيد من الجماعة او قال ليه خاصك تخلص 750 درهم ديال رجال الاطفاء راه خرج قانون جديد للي غايبني ولابد اخلصو.
واش هاد القضية كاينا اولا لا.والغريب فالامر انو عمري ماشفت شي رجل اطفاء فالدوار وكاع ما كاين المقر ديالهوم عندنا فالبلاد.
الله اجازيكم بالخير جاوبوني

---

fow,w hgfkhx

السلام عليكم اختي راه كاينة بصح ماشي كدوب
لمكانش عندكم المقر ديالهم فالدوار راه كاينين فالمدينة الكبيرة لتابعين ليها
غير هية ماشي فبلان فالرخصة لغاديين تخرجوها باش يسمحو ليكم تبنو
انا غادية نخرج الرخصة فالعيد انشاء الله وشرحو ليا اشنو
……………………
دفعت البلان 50 الف ريال
والرخصة 70 الف ريال
………………………..
واش اختي عاد غاديين تبنو او ساكنين

وي اختي كيسيفطوكم تخلصو ديال الاطفاء وتجيبو منهم ورقه
انا هدا الشي كلو درتو

شكرا اختي على التوضيحات
احنا هدي مدة طويلة كنجدوا باش نبنيو واحد الارض خرجوا قيها عنين دلعديان حسبي الله ونعم الوكيل اللي شافها كيقول لينا بقعة زوينة تجي فيها فيلا
دبا الوراق كلشي كيتعكس اوتيطلبوا بزاف دلفلوس باش دير الرخصة

اعملي بلان متل مايبغو واخا يكون صغير وعادي
ومن تبني بدلي البلان وغير خلصي الخطيا من تسكني وصافي

دكرتيني

شكون صاقست بشحال كيبنو طاشرون للمترو