السلام عليكم ورحمة الله وبركاته
اخواتي الغاليات وخصوصا الزوجات لي ضحاو بالدراسة من اجل الاسرة ديالهم ووليداتهم اكيد كتحسو مثلي بواحد الغصة فصدركم على عدم متابعة الدراسة ديالكم وصابرين
ولكن الحمد لله بعد هاد المدة لي تجاوزات 15 سنة قررت وتوكلت على الله ورجعت هاد السنة وتسجلت فالباك وغادة نتبع دراستي بعون الله وياريت لو كاينا فالمنتدى البنات بحالي نتعاونو مع بعضنا ونقدمو المساعدة بخصوص المقرر والاستفسارات وياريت الاخوات لي يقدرو يعانونا باش متنقصشي العزيمة ديالنا على تحقيق النجاح باذن الله
انا كنعرف بزاف ديال الناس لي كانو كيقراو باك حرة معظمهم فشلو بسبب نقص فالعزيمة او الياس والتخلي عن الهدف المنشود او ربما لي بحالي عندهم اسرة ومسؤوليات وشقى الدار وضغوطات الحياة ولكن الامر غادي يختلف باذن الله يلا تجمعنا وتعرفنا على بعض و ناقشنا التحديات لي كتواجهنا ولقينا لي يشجعنا فالمنتدى وينصحنا ويارب نلقى تجاوب من الجميع وشكرا لكم وبالتوفيق اخواتي
fh;hg,vdh Hpvhv >>> aufm hgug,l hghkshkdm wufm
السلام عليكم هاني أختي بحالك ولكن كين واحد تجمع ديل باك حر هى رابط ديالو
المشاركة الأصلية كتبت بواسطة chaiba 
السلام عليكم هاني أختي بحالك ولكن كين واحد تجمع ديل باك حر هى رابط ديالو
شكرا احبيبة الله لا يخطيك
هاداك هو المطلوب وانا زيدوني معاكم وربي يفقكم جميع يارب