اول يوم لبنتي فالمدرسة

صباح الخير عليكم الانيقات نتمنى تكونو بالف خير
انا دابا يلاه دخلت للدار ديت بنتي للمدرسة اول مرة تمشيليها فصباح داك العام كنت كنديها غي فالعشيات و اليوم غير هزتها قلت ليها ندى فيقي واش تمشي المدرسة اولا تنعسي قاتلي لا نفيق و مسكينة كلها حماس واخا فيها النعاس و فرحانة باغة غي امتا تمشي و كتسولني على المعلمة ديالها حيت عزيزة علبها و كتعاملها مزيان والله حت فكراتني فراسي فاش كنا كنبغيو نمشيو المدرسة احساس زوين و الهوا ديال الصباح منعش حيت من النادر فاش كنفيق فهاد الوقت كنخرج والله حتى رجعاتني ليامات زويييييييينة سمحوليا الا طولت عليكم غي الاحساس اللي حسيتو مقدرتش منوصفوش و الله يخليلكم وليداتكم واللي باق كتسنا الله يرزقها الذرية الصالحة و صباحكم مبروك

---

h,g d,l gfkjd thgl]vsm

الله يخلي ليك البنوتة و ان شاء الله تولف ليك تجلس النهار كامل شحال في عمرها دابا

ياربي احفظ ندى وأمها من كل سوء

ربي يخليك اختي و يخليلكما عز عليك عندها ثلاث سنوات و اربعة اشهر

اللهم امين و الله يرحم لك لوالدين على هاد الدعيوةوالله ينولك اللي تمناي واللي فبالك

الله يخلي ليك البنوتة و ان شاء الله تولف ليك المدرسة

الله يحفظ ليك بنتك ويفرحك بيها

ماشاء الله عليها الله يكبرها بين يديك اختي
امضرا كيف داز نهارها البارح ما بكاتش ههه

يارب يحفظ ليك البنوته و يخليها و يفرحك بها و يجعلها من حمله كتاب الله الصالحات ان شاء الله

حتى انا بنتي هذا اليوم الثاني ليها ولكن ديما كتبكي منين كيجي النقل المدرسي دعيو معايا تولف ليا بنتي المدرسه الله يخلي ليكم وليداتكم

غير صبري معها طبيعي تبكي عندها اسبوع او اقل و تولف ليك