اول مرة ندير هاد الميلفوي يالاه دخلو وقولولي كيجاكم

نبداو على بركة الله هنا المقادير هاهية باينة كيلو دقيق ملعقة صغيرة خل نصف ملعقة ملح شيكولا للتزيين 250 غ زبدة اللينة خصنا نخدمو بالزبدة وهي لينة باش تساعدنا ونجيبو كدالك كريمة الخاصة بالميلفوي انا هنا شريتها واجدا تقدرو تصاوبوها فالمنزل ديالكم راها معروفة ولي بغات المقادير ديالها ماكان موشكيل و خاص الحليب لتر حليب و الفانيلا و السكر 4 معالق كبارو سكر كلاصي للتزيين نبداو بالنسبة للعجينة عندنا كيلو دقيق قبصة ملح 1 ملعقة صغيرة خل و الماء بارد للعجن نخلطو ها دو كاملين باش يعطينة عجينة لينة بحال ديال المسمن ملي نكملو العجن ندهنوها بشوية ديال زيت ونديروها ف بلاستيكة ترتاح لمدة نصف ساعة

هنا ملي رتاحت سرحتها ب المدلك مزيان بحال لي فصورة ودرت الزبدة اللينة فوقها

ومن بعد طويتها على 3 ديال جيهات

ملي طويتها وليت سرحتها بالمدلك ونطويوها حتى نكمل 15 مرة باش نجي هشيشة ورطبة

من بعد قطعتها على 4 ديال جهات بحال هاكا

هنا جبت فرشيطة وتكيتها باش ماتنفخش ليا ملي ندخلها الفرن

هنا ملي خرجتهم من الفرن

هنا جا دور ديال لكريمة د رت معاها لتر حليب والسكر

هنا جبت طبقة الاولى ودرت فوقها القليل ديال الكريمة بهاد شكل

ملي درت كريمة زدت طبقة التانية ودرت لكريمة وهكدا حتا كملت طبقات آلاربعة

هنا غادي نجيو للمرحلة ديال التزيين نجيبو سكر كلاسي ندوبوه فشوية ديال الماء من الاحسن نديرو ماء الزهر كايجي غزال مالي نخلطوه نكبوه فوقها من بعد ندوب الشيكولا في حمام مريم ودرتو ف بلاستيكا تقبتها بيبرة وبديت ظ†ط¯ظٹط± خطوط فوق سكر كلاسي لي عملناه بحال لي فالصورة

هنا ملي كملتها وقطعت دوك الحواف وهدا الشكل النهائي ديالها نتمنا تعجبكم ونقولكم جات لديدة والله مابقا حتا طرف منها مابوروهاليش حمد الله ولي بغات تسول على شي حاجة انا في الخدمة ظٹط§ظ„ط§ظ‡ كانستنا ردود ديالكم وسمحولي طولت عليكم