اول طارطة الشطرنش ليا بالفوندون يا ريت تعجبكم

بالنسبة للعجين الابيض
3 بيضات
كاس ديال الياغورت عامر بسنيدة
بنفس الكاس نديرو الزيت ميكونش عامر بزاف
نصف يوغورت فاني او بانان لي حبيتو
15g خمارة الحلوى
خمارة الفاني
و 3 كيسان ديال الطحين و نتينا عينك ميزانك

بالنسبة للعجين ديال الكاكاو
نفس المقادير الا الطحين عوض مندير 3 كيسان نديرو 2,5 و النصف الاخر نديروه كاكاو مسوس
نخلطو كلشي عادي فحال اي كيك و ندخلوه الفران انا هادو درتهم فالكوكوط كنت شفت الوصفة عند الاخت khodandaj الله يجازيها بخير
و من بعد ما كيطيبو كنخليوهوم يبردو مزيان و عاد كنقطعوهوم على جوج او على ثلاتة يعني على حسب الكيك الى كان مرتفع بزاف ممكن تقسميه حتى على 4

و تقطعيه بالقطاعات او باش ما كان المهم يكون هحال هاد الشكل

و دابا نبداو نمونطيو و الصور كتوضح اكثر

و الاهم فينما نبغيو ركبو شي قطعة ندهنو بالشونتييه

و حنا كنمونطيو و حنا كنخالفو القطع بحرا باش فالاخير كيكون عندنا شكل شطرنج

حتى كنكملو الكيك كلو

من بعد كندهنو كولو بالشونتييه باش نتبت عليه الفوندون
انا هنا عندي عجينة الفوندون ( عجين السكر او الباستياج ) انا كنت خديت المقادير من عند الاخت ام اسامة الله يجازيها بالخير

ها الرابط ديالها

https://www.anaqamaghribia.com/vb/sho…d.php?t=196495


كنطلقها و نغطي بها الكيك و من بعد كناخد عجبنة الفوندون ملونة الالوان لي بغيتو و بديت كنشكلها على شكل وريدات
طلقت العجينة و قطعتها بكات ثم خديت الدائرة و قصمتها نصفين



كنزولو العجين الشايط


و كنحطها فالبلاطو ديال البيض باش تبقا محافظة على الفورمة ديالها

صافي و من بعد كنزينو كيفما بغينا و كل وحدة و دويكر لي كتبغي ديرو لطارطا و هذا الشكل النهائي

و هكدا كتجي من الداخل


نتمنا تكون عجباتكم و هدي راه اول مرة كنزعم ندير طارط