السلام عليكم اخواتي الانيقات نتمنى كلكم تكونو بخير وعلى خير ……….
اول شئ اعتذربزاااااااااااف حيت ماكتبتش حتى رد مور ما ولدت اول سبب حيت الانترنيت كان مقطوع وثاني سبب حيت كنت مريضة ما قدرتش نبقى حدا البيسي …..
انا غادي نحكي تجربتي كاملة مع الولادة القيصرية ومع ابرة الظهر ومع كلش …هاهاها..
اول حاجة ط§ظ„طظ…ط¯ لله لي تفكيت وربي رزقني بقصي الله يحفظو ليا وبدون تفاخر ربي عطاني جوهرة وليد في قمة الجمال وبصحة جيدة والحمد لله فاش الطبيب خرجو من كرشي بقيت كنسمعو هو والممرضين لي معاه والقابلة كيقولو ما شاء الله زوييين بزاف سبحان الخالق وقلبي بفا كيضرب بزااااف وزاد شوقي لشوفتو وفاش جابتولي القابلة قالتلي شوفي الزين لي جبتي وبوستو وقلت في نفسي ط§ظ„طظ…ط¯ لله على سلامتك اولدي وفاش نزلوني للغرفة ديالي بقاو الممرضات كيقولولي ولدك زويييييييين بزاف دايما كنشوفو المواليد وهادا الاجمل سبحان الله وكانو عائلتي كلهم شافوه وفرحانين به والحمد لله …..نتمنى يعيش ويكبر ونشوفو في احسن الاحوال يار ب هو ووليدات المسلمين….
دابا نقولكم التفاصيل يوم الخميس 30 يناير مشيت للمصحة مع 9 صباحا من بعد ما صليت وقريت القران ودعيت الله يعاوني بالتي هي احسن ليا ولولدي ودخلت لقيت القابلة والطبيب كيتسناوني وجهزتني القابلة للعملية ودخلت وانا ندعي وانا كنسبقلي طلبت من الطبيب يديرلي تخذير كامل ولكن طبيب التخذير رفض قالي صعيب على الكلاوي المهم جلسوني وشداتني الممرضة والطبيب دارلي الابرة والصراحة ما حسيت بحتى وخز ولا الم غي مجرد ما دخلت الابرة رجلي ترفعات بحدها كان رد فعل لا ارادي واتسطحت وبداو رجليا يبردو ومابقيتش كنحس بيهم وداك الاحساس طلعلي حت للصدر وانا كان فيا البرد مخنوقة ونيفي مسدود وزاد في غرفة العمليات حيت باردة بزاف للدرجة ما نقدش نتنفس ومانقدش نطلع الهوا بصدري حيت كلش مبنج وبقاو دايرينلي الاوكسجين حتى خرجت من العملية وبقيت غي كندعي ونحاول نتفكر كل واحد طلبني ندعي معاه وقريت القران ومرة مرة كندوخ هاهاها… وخرجت وطلعت للغرفة ديالي ولقيت ماما واختي وعجوجتي وزوجي كلهم كيتساوني وفرحانين بقصي واحمدت الله على شوفتهم وملي بدا يمشي مفعول لبنج بدا الحريييق وقالي اللطبيب غادي تصبري للحريق من غير الى وصل لدرجة ما قديتيش تستحملي عاد اتصلي بنا ودوزت ليلة كاملة وانا منتلوى بالالم وبايتة ماما معايا وما بغياش نحسسها بالالم باش ما تخلعش حت صبح الحال وبقيت مسطحة على ظهري يومين حتى يوم السبت بدون وسادة وما كنتحركش وباقيا بالسيروم وانبوب البول حتى لبعد الظهر وجاو الاطباء وهما جلسوني وماقدرتش نبقا جالسة حيت دخت بزاف وجاني حريييق فظيييييييييييييييييييييع في اسفل الراس ما نقدش نوصفو بحالا الكلاب كيعظوني وغي كنتجبد كيمشي ما نقدش نترفع وعاد شرحولي الاسباب وعرفت علاش ما داروليش ابر الالم وعلاش بقيت يومين مسطحة غير كل السيدات لي دارو العملية حيت انا عندي حساسية من مجموعة من الادوية وخاصة الاسبرين وهو لي كيحيدو به هاد الالام وخطر كبييير عليا الى درتو يعني الحل الوحيد اني نتحمل 5 او 7 ايام ويزول الالم بالتدريج وبقيت مدة 4 ايام وخرجت وباقي فيا الحريق وبقا فيا 7 ايام وانا كنهدا غي بدوليبران والصراحة كنت غادي نهبل بهاداك الحريق صعيييييييييييب بزاف قلت للطبيب حنا درت العملية غي باش ما نتوجعش من الكلي وصدقت كنتعذب من راسي وبكيييت بزااف وبقا فيا راسي بزاااف وكنرجع نستغفر ونحمد الله على لي عطاني ونعتبره امتحان كيجرب صبري به…
ودابا ط§ظ„طظ…ط¯ لله الجرح مزيان حيدت الالغرزة الوحيدة في 7 ايام والضماد في 10 ايام ومشيت للدوش غسلت وكلش مزيان ولكن حريق الراس باقي شوية يمشي ويجي ولكن ماشي بديك الحدة كاع وراني منرضع ببزولة وحدة خلرجلها شوية الراس والثانية ما بغاش يخرج الراس وفيا الحليب ط§ظ„طظ…ط¯ لله ولكن كنزيدلو بيبرون 3 مرات في اليوم اه نسيت كان فيا بوصفير وكان حتى فيولدي فاش تزاد ودابا مشالنا بزوج بدون ادوية قاليك غي بالرضاعة كيمشي ودوزت السبوع وداز رائع ودابا نهار على نهار كنكون احسن ولكن مشكل الكلية باقي غدا نتصل بالطبيب باش نمشي نحيد الانبوب حيت دايرلي الحرييق بزاف فاش ندخل المرحاض واصلا باغيا نتهنا من هادشئ ونديرر عملية تفتيت الحصى ونتهنى من هاد الالام يا رب تسمحلي ولكن فوق طاقتي الله يرزقني غي شوية من صبر ايوب باش نزيد نصبر ونقاوم اكثر حيت بديت كنضعف ونفشل وليت نخاف من الالام الله يغفرلي ولكن كنبقى امة ضعيفة ….
وهادي قصتي والحمد لله وبغيت نشكر كل الاخوات لي كانو ينتاظرو ردي ولي دعاو معايا ولي قراو وتابعو موضوعي بزااااف بزااااف والصراحة انا دعيت مع كل الاخوات لي طلبوني ونتمنى دعوتي تتقبل ويحقق لكل الوحدة مرادها ….وشكرا لهاد المنتدى والمشرفات عليه لي عطاونا فرصة ومنبر نعبرو فيه على معاناتنا وافراحنا ونتشاركوهم ونتواصلو منه مع ناس ماكنعرفوهمش ولكن نبغيوهم ويبغيونا ….
نتلقاو ان شاء الله مع خبر جديد ومع تتمة القصة ……
للاطلاع على التفاصيل ..
https://www.anaqamaghribia.com/vb/sho…d.php?t=373146
h,gh huj`v lk hg[ldu ,ehkdh hgpl] ggi >>>>>>>>>>>>>>*rwm ,gh]jd * hklh rwm
يمكن لك ديري كوبيي كولي للقصة ديالك وتحطيها فموضوع قصص الولادات
نجيو نخطبو سي قصي هههههه
الله يكبر ويعيش يارب