السلام عليكم اخواتي بغيت نطرح عليكم المشكل ديالي لعل وعسى نلقى عندكم شي حل المشكل ديالي مع ولدي الله اهديه فعمرو 13 سنة اش غادي نقول هو مجتهد الي درجة الامتياز ما شاء الله من نهار دخل للمدرسة هو دائما الاول فالقسم العام اللي فات جا الاول فالمدرسة فالقسم السادس الاساتذة كلهم كيشكروا فيه وفالاخلاق ديالو الجيران تيقولوا لراجلي تبارك الله ونعم التربية لهو لخوه اللي فعمر 11 سنة المشكل هو انه ملي كيدخل لدار كيولي واحد اخر خصوصا معايا ومع خوتوا خصوصا ختوا الصغيرة فعمرها عامين كيضل اغوت عليها سيري بعدي مني الى قاستو اضربها اما انا كاع ما كيسميني بعض المرات اجي ابوس ليا راسي واش اندير ليك امي اش نجيب ليك ولكن 80 فالمئة ديال الوقت ماشاء الله ا صافي الى قلت ليه كلمة اجاوب ليا بعشرة الى هزيت ادي نضربوا حتي هو بغا اضربني وليت كنطلب معاه غير السلاكة كنحاول ما نهضرش معاه غير فالضروري والكن والو بلعاني كيمشي لختوا ادير ليها شي حاجة باش استفزني نغوت عليه كنت الي قال ليا شي كلمة وتقلقت عليه كيجي اقول ليا سمحي ليا امي و ابوس ليا راسي دابا والوا كاع ما مسوق تقلقت عليه او كلست اش غندير معاه الله اجازيكم بخير قولوا ليا اش ندير باش ارجع احترمني ويبغيني واش هادشي اللي كيدير طبيعي فالسن ديالوا او لا اش ندير
hkh ,hfkd lh`h htug
المشاركة الأصلية كتبت بواسطة عروسة الصحراء 
شكرا ليك اختي على الرد ديالك بالنسبة للاب ديالو راه هو اللي مفشش من صغر حتي ولى هاكا ومع ذلك راه باه كيحترمو ا كيخاف منو
المشاركة الأصلية كتبت بواسطة مستغفرة لربها شكرا ليك اختي على الرد ديالك بالنسبة الغيرة من اختو راه كيغير منها بلا قياس كيقول ليا مفششها وعزيزة عليك كتر منا بالنسبة لسلبيات والاعصاب كنحاول ندير داك الشي اللي قلتي وليني دغيا كنفقد الاعصاب ديالي خصوصا الى دار شي حاجة لختو الله اعيني وخلاص
المشاركة الأصلية كتبت بواسطة كلمة الخير الله اجازيك بخير اختي على الرد ديالك الى اضطريت غندير هاد الشئ اللي قلتي
وتناقشي نتي وياه على بر الوالدين وعاقبة للي كيعصيهم
المشاركة الأصلية كتبت بواسطة دعبلة انا متفقة 100 ف 100 مع الاخت لان ولاد هاد السن مكيبغيوش اللي يعاندهم الى زيرتي عليه غيتمرد اكتر وانا شفت هادشي فخويا الى غوتات عليه مي وهدداتو انها غتقولها لبا كيحس بالحكرة وكيقولها علاه انا باقي صغير وعاد كيزيد فيه وكيدير اللي عجبو لدلك اختي كيف قالت الاخت جربي انك تهدري معاه بوحدو ونزلي للسن تاعو وعرفي اشنو مقلقو جربي معاه الخاطر عل وعسى يرطاب ويراجع نفسو والله يهديه يارب ولاد هاد السن صعاب