انا محتاجة نسمع نصائحكم

المشكل كيتعلق بولد ختي عمر الان 6ans ولكن مكيكبرش كيبان بحال الى عندو 2ans
عيات متديه عند الاطباء دارتلو تحاليل مشاو حتى لفرنسا دون جدوى قالولها عندو عضم ديال عامين
وهاد الايام داتو لعند واحد الدكتور قاليها بانه عندو حساسية القمح اهاد المرض قليل قالها خاصنا ناخد ليه شوية من الامعاء باش اشخصو حالتو

الله اجزيكم بالخير لعندها شمعلومة ولو بسيطة متبخلش عليها بها را ربي لعالم بحالها او دعيوة فظهر الغيب
دبا خاصو ريجيم قاصي مفيهش ابدا القمح او شعير او فرينة مسكين غيتحرم من اشياء كثيرة gateau petie pain………………………………………
فاش قالها لهم طبيب قالو واش انا منفطرش مسكين بقا فيا ولكن الحمد لله على كل حال

---

hkh lpjh[m kslu kwhzp;l

اختي ما عنديش شي فكرة على الموضوع وكنتمنى الشفاء لولد اختك ولجميع وليدات المسلمين يا ربي

اختي ماعندي حتى علم على هاد المرض نتمنى الاخوات افيدوك والله يعمل ربي اشافيه واعافيه راه فعلا صعيب مسكين فهاد العمر يتحرم من هادشي

نعم أختي

هاد المرض هو حساسية ضد المواد اللي فيها الكلوتين

هاد المادة كاينة في الدقيق القمح و الفورص و الشعير

بالنسبة للريجيم هو أنه ياكل غير الدرة و الارز بالنسبة للدقيق

و المواد الاخرى تستهلك بطريقة عادية

الله يشافيه و يعافيه

اختي كان ولد عمي بحالو و عملاتلو الام ديالو غير الدقيق الدرة يعني كلشي بالدقيق الدرة الخبز و الحرشة و الحلوى والاتبارك الله راه طوال فوق القياس ما يكون ولد الاخت ديالك الله يجيب الشفاء

ختي الله يشافيه ويعافيه ليكم،ولكن نصيحة من الاحسن ماتخليه يهز ليه من الامعاء دياله لانه غتولي عنده لا قدر الله قرحة الله ينجيه منها.تعمل ليه ريجيم وتشوف عالله ينمو طبيعي

معرفتش كفاش نشكركم يا اطيب ناس والله هاد المنتدى نعمة من عند الله
غنوصل لها كلامك بالحرف
والله حتى بكيتوني ابالاخص لقلو بانه غيكبر ايولي طبيعي يارب من فمكم لله يارب تشافيه اتعافيه
يارب ترزق كل محرومة

اختي الله اجزيك بالخير الى كان عندك كيف ديري باش اتوصلو هي اختي راها معارفا مدير
على شحال بدا اتحسن
اشنو كانت كطيب ليه
انا في انتظار ردك

جزاك الله خيرا على مرورك ودعائك

شكرا على مرورك اختي يكفي انك دعيتي معاه