الى ساكنة مدينة الناضور

السلام عليكم حبيباتي
انا مقيمة بالناضور ومازال مامفرشاش داري وكانقلب والصراحة مشيت عند الخياطة دياول الفراش وخلعوني ماكاين غير 220 و 230 درهم للمتر هادي غير للطلامط بلا السدادر والماطلات وجاتني غالية بزاف خصوصا انني مازال مادرت داري ،غير كارية وباغا ندير شي حاجة عادية غير باش نعمر إلى جا عندي شي حد وصافي؛هههه عاودتليكم قصة حياتي ياك،ايوا يالالا انا بغتكم إلى كاتعرفو فين نقدر نلقى فراش مابيهش وبتمن معقول وخا حتي شي حاجة قديمة ديال الفوطوي ماعنديش مشكل،وريوهالي الله يجعلها في ميزان حسناتكم وشكرا

---

hgn sh;km l]dkm hgkhq,v hld

اختي حتى انا من الناظور واش ساكنة فالناظور المدينة ولا برا كوليلي يمكن نقدر نساعدك

اهلا بيك اختي متشرفين،انا ساكنة فالناضور فالعري الشيخ حبيبتي وخدامة فالحي الاداري،ياليت احبيبة تعاونيني الله يجازيك الجنة وكانقلب حتى علي الكرا حيت كارية ب 2500 درهم وماكرهتش شي حاجة في حدود 2024 درهم الى عندك شي معلومة

اختي السوبير مارشي فيه الخير والبركة والتمن معقول لا فالطلامط ولا حتى فالخياطة

chokran lik okhti nadoria saraha maswltch f super marché daba nmchi nchouf barak laho fik

ههههههه اوا عليها السوبير مارشي هو لي خاصك تبداي به اوا وردي عليا الخبار للاسف انا بعيدة دابا لوكان خرجت معك نوريك

الله يااختي فكرتيني ملي كنت ساكنة تماك دوزت فيها شي تلات سنوات فناضور
الصراحة كاين الغلا تماك وحتى الطلامط واخا تمشي لمركب اي سوبر مارشي كتلقاي فرق فالاتمنة على الداخل لاحقاش كيقولو حتا هما راه جايبينهم من فاس وكازا
اما طلامط زاز ودصالونات مكين غير الكوى
ولكن يلا كنت بغاهم غير لبيت الكلاس وباش تقيضي راه تلقاي نشاء الله
انا كنت ساكنة فلول فحي المطار ديور الشعبي كنت كارية 30الف ريال ومن بعد كرينا فولاد براهيم حدا المطبعة ديل بلمقدم يلا كتعرفيها كرينا ب"’34الف ريال وصراحة كاع ديور لي دزت فيهم كلهم كبار ومضويين ومشمشين هههههههههههههه فكرتيتني فايامي تماك وخرجت على موضوعك واقيلا

نسيت مقلت ليك راه فطريق تاويمة كاين واحد المحل سميتو ياديكو
شريت من عندهم السدادر دبيت الكلاس راه كايبقاو من داكشي هاهما كيسمعو فيك كان مساكن فيهم كلشي الكلاس ونعاس يلا جا عندي شي حد وخديت من عندهم حتا طوابل ديالهم ولي زوينة عندهم انهم كيتصارفو معاك
هادشي لي كاين يلا كانت شي حاجة تفكرتها دابا نرجع ليك

الغلا فعلا موجود والمحلات لي فيهم الغلا راهم معروفين بحال لي فنواحي بزار 2024 و كاينة القيصارية التمن فيها مناسب والسوبير مارشي فيه الطلامط من 30 درهم للمتر حتى ل 150 درهم او اكتر وانا متاكدة غادي تلقاي لي بغيتي غير فسوبير مارشي غير دوري مزيان شوفي الطابق الاول والثاني

اختي راكي كارية بالغلا بزااااف 2500 شوفي فلعراصي ولا فولاد ابراهيم لكرا شويا رخيص اما بالنسبة لفوطويات ديرو دورة لسوق العروي نهار الحد كايكونو فوطويات قدام مافيهوم ما يتشاف بدليلهوم الثوب ايوليو جداد تحلفي شارياهوم جداد واحد صاحبتي داتهوم مبهدلين ما تديهومش باطل بدلاتليهوم الثوب ولاو كايشعلو تحلفي ما هما او تقدري تلقاي حتى سدادر قدام تصبغيهوم وتسعمليهوم اما بالنسبة للتوب سوق لالمانية معروف بالثوب ها الرخيص ها الغالي نتمنى نكون فدتك او اى استفسار انا رهن الاشارة