الى الدكتورة بشرى-زيادة كبيرة في عدد الحيونات المنوية+ضعف في الحركة

السلام عليك عزيزتي وعلى كل العضوات وحتى الزائرات
بغيت مساعدة واستفسار الى كان ممكن
انا ام لزوج بنات والحمل كان عادي بدون اي تدخلات لكن هادي تقريبا 5سنوات تنحاول الحمل انما بدون جدوى الحمل الدورة ديالي منتظمة والسن 35 سنة فكرت نشوف اخصائية ودرت تحليل الغدة الذرقية لان عندي خمول الغدة الذرقية والنتيجة مزيانة ودرت راديو الكرون الرحم مزيان والانبوب الايمن جيد اما الانبوب الايسر شوية مخنوق انما داز منو المحلول اثناء عملية الاشعة بالصبغة قالتلي الطبيبة ماشي مشكل راه الحمل تيكون غي بانبوب واحد
وحتى الزوج ديالي دار تحاليل السائل المنوي النتيجة كانت مشكل في زيادة ظƒط¨ظٹط±ط© في عدد ط§ظ„ط­ظٹظˆظ†ط§طھ المنوية لدرجة ان فالمختبر انداهشوا للامر وكذلك الطبيبة الاخصائية -حاليا متنذكرش العدد والتحاليل عند الزوج ديالي -وحتى ضعف في حركة الحيوانات المنوية كانت النتيجة 43
قريت ان كثرة عدد الحيوانات المنوية يضعف ط§ظ„ط­ط±ظƒط©
اشنو الراي ديالك دكتورة بشرى وباش تنصحيني جزاك الله تعالى خير الدنيا والاخرة

---

hgn hg];j,vm favn-.dh]m ;fdvm td u]] hgpd,khj hglk,dm+qut hgpv;m

الاخوات الي مروا من مثل هاذ الحالة انتمنى تحكيولي التجارب اديالكم وكيف كانت النتائج
في امان الله

معنديش اختي شي فكرة على الزيادة فعدد الحيوانات المنوية حتى انا عندي بنت ومنين بغيت نحمل من جديد ستنينا 8 شهور منين مكان والو مشينا درنا التحاليل انا وزوجي ولقينا عندو نقص وتشوه فالحيوانات المنوية ولكن الحركة كانت مزيانة
وعطاه الطبيب واحد المكمل الغدائي ومن بعد 3 شهور وقع حمل طبيعي عندي دبا 5 سيمانات ماشاء الله
انا نصحك تبعي مع الطبيب وإلا عطاه شي دوا يتبعوا وبحثي على هاد المشكل فالنت وإلا كانت شي وصفات عاونيه بيهم ومتضيعش الوقت ستنيتي 5 سنين مدة طويلة
انا كنت كنعاون راجلي بوصفات جانبية بالاضافة للدوا
الله يسهل عليك هاد العواشر و يرزقك بشي عزري باش تخاوي بناتك يا رب

أختي الله إجازيك بخير ممكن تقولي ليا المكمل الغذائي اللي عطاه الطبيب لراجلك راه راجلي عندو نفس المشكل
والله إخليك ممكن تقوليلي الوصفات الطبيعية اللي كنتي كديري ليه الله إجازيك بالخير

الأخت عدرة الله إشوف منحالنا ويسهل في الحمل ياربي أمين

انا نقولك شنو درت لراجلي وجاب ربي التيسير
منين عرفنا إنّو عند نقص وتشوه فالحيوانات المنوية درت ليه الوصفة نتاع جمال الصقلي لفيها الحمص وزريعة الكرافس وزريعة اللفت و …… راها كاينة في YouTube كنت كندير ربع معلقة من كل حاجة مع حفنة نتاع الحمص ونفزكهم فالماء فالليل وفالصباح كيطنو ويشربو او كيصفيه ويشرب ألما ديالو ويكل الحمص تبعها تقريبا شي شهر وخا كانت كتجيه مرا كنت كنقولو تشربها بزز
ودرت نصف كيلو عسل حر وزدت معاه 5g غداء ملكة النحل و5g حبوب اللقاح و5g طلح النخيل وخلطتهوم مزيان وكان كيكل منو معلقة فالصباح ومعلقة فالليل
وجبت مجموعة من المكسرات اللوز الكركاع والحمص …. وطحنتهم غي شوية وخلطتهم مع العسل وكان كيكل منهم
وقاتلي الطبيبة يكل الفواكه الحمراء بزاف بحال لفريز وتوت وكان كيكلهم حتى هما
بالاضافة للمكمل الغدائي لعطاه ليه الطبيب proxeed plus
و3 شهور وجاب ربي التيسير ومنين مشيت نهار الأربعاء. عند الطبيبة قتلها انا كنت كنقول محال ميوقع حمل طبيعي مع ديك نسبة التشوه قاتلي المني كيجدد نفسو كل شهرين يعني ادا خدا شي حاجة دابا كتبان النتيجة فالمني بعد شهرين
جربي اختي حتى نتي والله يجيبلك التيسير هاد لعواشر

السلاام عليكم اختي واش نتي اللي من بلجبكاااا ختي فرحتلييييك بزاااف مبرووك الف مبروووك تانا راجلي عند ضعف الحركة والعدد وكيشرب نفس الدواااا ولكن هاد الوصفااات مكنتش عارفاهم غادي نديرهم ليه انشاء الله واش كيتباعو فبروكسيل حيت انا فبروكسيل ولا خصني نجيبهم من المغرب

سيري أختي الله إجازيك بألف خير ويسر أمورك ياربي أمين
خاصني دبا غير مين نجيب هادشي

ربي لا تذرني فردا وأنت خير الوارثين

آه اختي انا من بلجيكا
الله يبارك فيك الحبيبة وعقبا ليك ان شاء بشي حمل سليم معافى فهاد لعواشر يا رب
انا اختي وصيت أمي الله يخليها لي و صفطتهم لي من المغرب

الله يبارك فيك اختي ويرزقك عما قريب يا رب
الا مكنتيش ساكنة فالمغرب حاولي توصي عليهم يصفطهم ليك والله يجيب التيسير ان شاء الله
انا جربت داك الانتضار كل شهر كنقول هاد الشهر ومنين ربي بغا في لحضة سبحانه