السلام عليكم ورحمة الله اختي ظ‡ط¯ط§ظٹط© ربي يارب يسر لكي و يجمعكي انتي وخظيبكي عاجلا يارب انا يا اختي مشيت عند العدول جبت الورقة لي فيها الوثائق الزواج رسلت الخظيبي في الاميل الورقة شاف الوثائق وصاوبهم كلهم جا خظيبي جاب معاه كلشي ورقو ولقاني انا ايضا صاوب لي الواليد ديالي كل اوراقي احسن شيء يا اختي القى خظيبك وجدتي وراقك باش منين اجي تبداي فالاجراءات بسرعة وتكسبي الوقت المهم يا اختي قولي الخظيبك اجيب كل اوراقو ميخلي والو للان اي ورقة انساها ميتعطفوش معاه المهم خدي اوراقك انتي وخظيبك وسيرو عند العدول العدول غدي لايرتبو ليكم اوراقكم وهما عارفين شغلهم غدي يعملو اربع فطوكوبي لي اوراقك واوراق خظيبك غدي غدي تاخدي الملفات ديالك لي كيقدو ليك العدول وخديهم لي كاتب القاضي كاتب القاضي غدي يدخلك لعند القاضي باش القاضي يقبل الملف غدي يشوفو القاضي الى مخصوكم اي ورقة غدي يقبلو بسرعة غدي يرسلكم لي النيابة العامة النيابة العامة كيشوفو الملف ديالك كيعطوك واحد الورقة اقولك ديها لي الوكيل الملك وكيل الملك كيوقع على ديك الورقة الورقة كترجعيها تاني لي النيابة العامة النيابة العامة كتعتيك واحد البرى تاني فيها كيقولك سيري لي عند الشرطة الشرطة كيقولو ليك جيبي 4 صور ليك و4 لي خظيبك و شهادة طبية ديال خظيبك وشهادة طيبية ديالك وشهادة طبية اخرى تعني بانكي غير حامل كتعتيهم هدشي وكيديرو ليكم البحث نتي وياه اسئلة سهلة بزاااف ومتخفيش ربع ساعة كيقولو ليك فين قريتي واش لاباقية كتقري فاش خدام الواليد ديالك وامك هل تشتغل وفين تعرفتي على هد السيد واش كانت بينتكم اي علاقة جنسية صافي وكيقولو ليك جي فالمساء الى عندك الزهر غدي اقولو ليك جي فالعشية باش اعطوك الورقة ترجعيها للنيابة العامة كيكون فيها ردك على الاسئلة لي سولكم ويقدر اقولو ليك رجي فصباح المهم كتاخدي الورقة ورجعيها للنيابة ونيابة كيعطوك ملفك تديه للقاضي والقاضي كيعطيك الموافقة ديال الزواج وكيصفطك لعند العدول لي باش ديري العقد ومنين تمشي لعند العدول باش ديري العقد قولي ليهم عفاكم راه زوجي قرب اكمل ليه الكونجي خرجو لينا العقد بسرعة وهما غدي اخرجوه ليكم فمدة يومين او 3 ايام زائد اربع ايام ديال جري وجري فاوراق والمحكمة هيا اسبوع وياربي يسر لكي كلشي بسرعة ياربي غير منين تصلي طلبي الله فصلاتك وخدي يسهل لكي كلشي والله يا اختي انا سهل ليا الله فكلشي الحمد لله واي سؤال انا رهنة اشارتك
hgn hghoj i]hdm vfd tags
غير اختي بغيت نعرف منك واش زعما فاكادير غادي يكونوالاجراءات شوية ساهلة كيما فتارودانت ولا العكس يعني جميع الاجراءات فجميع المدن المغربية واحدة مكتختلفش؟ بالنسبة للرباط بلا انا ماشي ضروري نمشي ليه ياك اختي ؟ وسمحلي ليا بززززاف اختي صدعنك معايا الله يجيزك كل خير
ديالك يكون واجدين صافي من خطيبك واش ابريطانيا