النوم المتقطع عند الاطفال

السلام عليكم انا عندي وليد فعمرو تقريبا عام ولكن مين دار 7 اشهر تقريبا رجع عندو النعاس متقطع بالليل واخا كانعشيه مزيان وحيدت عليه الرضاعة دالليل اواخا هاكدك باقي نفس المشكل كانبقى نطبطب عليه حتى يعاود ينعس وللاشارة هو كايفيق 2 مرات بالليل و3 مع الفجر تماك كانرضعو طبيعي الله يخليكم الي داز عليها نفس المشكل وعالجاتو تفيدني ولا لي عندها شي اقتراح تعتقني بيه الله يرحم ليكم الوالدين

hgk,l hgljr’u uk] hgh’thg

نفس المشكيل عندي معولدي عندو8 شهور معلينا غيربالصبر

نفس الشيء ،انا بنتي من نهار تزادت وهي تفيق بالليل عدة مرات ومازال نفس المشكيل وخى عندها عام و3 اشهر.

حتي انا كانت تتفيق وتتبقا تبكي بحال الا كتخلع منين كانت عندها عام ولكن منين نزلت للمغرب مرضت لي شوي وديتها لوحد البيدياطر مزيااان وحكيت له علي دكشي اعطاني وحد السبرو معلقة صغيرة بالليل مدة 15 ليوم ونوقفوو لها والحمد لله نشا منها دكشي قلت له وش نقدر نعطيه لها مرة اخري قالي اااااامن مامنو حتي شي تخوف ممكن تعطيه لها من بعد وحد ستة شهور نفس المدة ونوقفو وزكشي لي درت الابغيتي تجرببه لها سمه ايفيكال علي فكرة حتي منين كان عندها 4 شهور كانت مرضت لي شوي وعطاه لها بيدياطر اخر نفس المقدار ونفس الطرييقة يعني اامن ماتخافيش

المشاركة الأصلية كتبت بواسطة نوال33 حتي انا كانت تتفيق وتتبقا تبكي بحال الا كتخلع منين كانت عندها عام ولكن منين نزلت للمغرب مرضت لي شوي وديتها لوحد البيدياطر مزيااان وحكيت له علي دكشي اعطاني وحد السبرو معلقة صغيرة بالليل مدة 15 ليوم ونوقفوو لها والحمد لله نشا منها دكشي قلت له وش نقدر نعطيه لها مرة اخري قالي اااااامن مامنو حتي شي تخوف ممكن تعطيه لها من بعد وحد ستة شهور نفس المدة ونوقفو وزكشي لي درت الابغيتي تجرببه لها سمه ايفيكال علي فكرة حتي منين كان عندها 4 شهور كانت مرضت لي شوي وعطاه لها بيدياطر اخر نفس المقدار ونفس الطرييقة يعني اامن ماتخافيش شكرا اختي على الرد واش مين عطيتيه لها رجعات تنعس مزيان بالليل

شكرا لكل اخت جاوباتني والله يشوف من حالنا وحال وليداتنا

حتى انا نفس المشكل

ايه اختي منين تبعتو لها 15 ليوم رجعت تنعس لي عادي وااحمد لله وخا وقفتو من بعد نعاسها تقاد جربيه اختي وماتخافيش راه ااااااامن باذن الله غير ماتغوتيش معلقة صغيورة. مرة وحدة بالليل وصافي

المشاركة الأصلية كتبت بواسطة نوال33 ايه اختي منين تبعتو لها 15 ليوم رجعت تنعس لي عادي وااحمد لله وخا وقفتو من بعد نعاسها تقاد جربيه اختي وماتخافيش راه ااااااامن باذن الله غير ماتغوتيش معلقة صغيورة. مرة وحدة بالليل وصافي لهلا يخطيك اختي والله يرحم ليك الوالدين ويخلي لك بنيتك ويعطيك باش تخاويها

مساء الانوار اختي نوال و الله عاد شفت سؤالك اولا سمحو ليا نكول ليكم بعدو على السيروات د النعاس راه عندهم تاثير سلبي على الوليدات و دماغهم .ايفيكال كان خرجو ليا الطبيب البيدياتر على قبل الشهية د بنتي هادي 10 سنوات و انا الحمد لله كنبحت على اي حاجة خصوووصا الدواء قبل منعطيه لبناتي و لقيت بانه ككاااافة المنومات و فاتحات الشهية اتاره الجانبية اكبر بكثييييييييييير عن فوائده الوليدات فعامهم الاول كيكونو كيبحتو على طريقة نومهم اللي كتريحهم نحاولو نخليوهم يلقاوها راسهم المهم هو اننا نكونو متاكدين انخم شبعانين مبدلين مكضرهم تا حاجة صاااافي نخليوهم هما يقلبو على النعاس ماشي حنا نبززوه عليهم .انا لا فبناتي للاولين لا دابا عمرني مهزيتهم باش ينعسو كيبقاو فبلاصتهم كنعطيهم الدودو ديالهم و كيبقاو فبليصتهم حتى كينعسو . هدا فبداية الليل فوسط النوم حما كلنا كنعرفو اننا حنا الكبار كنحلمو حتا الوليدات هاكاك ماشي غير يبكي خصني نتدخل راه بعد المرات نيكونو غير تيحلمو و تيبكيو و تيرجعو فنعاسهم راسهم بدون تدخل .المهم حنا نراقبو و ماشي غير فين ما كال اييه نبدى نطبطب عليه. و حاجة اخرى الوليدات ماشاء الله تيكونو اذكياء و هما تيحاولو يوصلو لشي حاجة الا بغاوها بطريقة البكاء .لا خاصني نفهمو بان الا كانت الحاجة ماشي فمصلحتو وااااخا يبكي منديرهاش ليه