السلام عليكن ورحمة الله تعالى وبركاته
اولا مبروك اخواتي القسم الجديد في المنتدى واتمنى منكونش تعطلت بزاف في وضع اي مشاركة فيه والله يدخلوا علينا بالصحة والسلامة وكل مايبهج النفس فيه من ط§ظ„ظ†ط¨ط§طھط§طھ وكل الزراعات الطبيعية ويخضر عويناتنا آآآمين ولي عودة ان شاء الله لرؤية جميع المواضيع فيه باذن الله
انا كذلك من محبات ط§ظ„ظ†ط¨ط§طھط§طھ وهي كابناء لمحبيهاولكن دبا بغيتكم تعتقوني بشي حاجة لننقذ فيها وليداتي من الشمام اي (النمل) راه تفاجأت مما رايت سبحان الله العظيم راه التراب كلوا فتلوه مثل الكسكسو رجعوه كل حبة منفصلة على اختها مع العلم متنصحونيش لا بالكمون ولا زنجلان لانني عملتوا والو غير بذرت الكمون وراه مطحون على اليد يعني مجهد والوا ههه والزنجلان سبحان الله من شفوه فحال لشفوا كنز ياالله على منظر وليت كنضحك غير وحدي فالسطح انا رميتوا من جهة ومن رجعت لقيتهم هازينوا كل نملة هزة حبة مدابزا معاها وكاين الي كيتعاون ويوصلوه لبلاصتوا وعاود يرجعوا سبحان الله العظيم خدامين مساكن الله يعاونهم وخى في الشتاء ههه اوى بركة طولت عليكن واعطيوني شي حل الله يجازيكن بالخيروميكونش كيقتل لانني مبغاش نقتلهم غير نبعدهم فقط وكذلك لحشرات سوداء كتلصق في ط§ظ„ظ†ط¨ط§طھط§طھ بكثرة وتحياتي للجميع
hgk[]m>>>ig lk pg ghfuh] hgklg hgjvfm ,hgpavhj hgkfhjhj hgk[]mig
المشاركة الأصلية كتبت بواسطة أم سدين 
السلام عليكم ام سدين كفت ووفت حتى انا كنستعمل الملح وكتهنيني من النمل
وقربت شي مرة في المنتدى حتى الخل مزيان رشيه من بلايص لي كيخرج منه النمل فهو مكيحملس ريحتو
المشاركة الأصلية كتبت بواسطة أم سدين جزاك الله خيرا على مرورك الطيب اختي وسعيدة به وتحياتي لك والله يخليك ديما ضاحكة بالنسبة للفريخات حتى انا هدوك راه ساكنين بالماء والضو دار دارهم اما انا غييير جارتهم هههه وخى كنعمل معاهم السياسة وبالحوار كنعطيهم يشربوا وياكلوا كنقولهم ها الماكلة ديالكم الله يهديكم بعدوا شوية يعني لاضرر ولا ضرار وزرعت لهم الشعير والزرع كيقولولي كوليه انت هذاك ههه وزائد حتى حمام الحومة كيعاونهم نطلع السطح غير بشوية ويطيروا وكنلقاهم طيرو امعاهم كلشي ويقوللك للحقتي وذنك عظيها ههه راه مبقاوش كيحشموا شي نهار غدي نريش شي واحد حي هههه ومع ذلك عندهم الحل شوية مشي فحال النمل كيلصق فيك وكيقرص كينوض هو ولادوا وبيضو و..ولكن اختي الملح وش مكيتقتلش الغرس والثومة مكتخليش الريحة مثلا فالنعناع والاعشاب المعطرة مثلا انا مرددوش راه مبقاش كيبان بناو عليه بالتراب دارهم فحال شي جبل راه هاجمين في كل شي سبحان الله
بالنسبة لحل الفريخات الي كنعمل غير بعض المرات لانهم كيبقاو فيا وكيبغيو يخضروا مرة مرة
كنشد عود ونربط فيه بلاستيكة يعني ميكة كتخرشش يعني كتعمل الصداع قاصحة من كتهب ريح شوية ولا من كيطيورا قدامها الفراخ كتقرشش مشي فحال الميكة الرطبة ولكن مرة مرة بدليها وعملي بالالوان اذا توفرت لانه اذا ولفوا معاها بزااف مكيبقاوش يخافوا منها وركزيه فالتراب او علقيها لك الاختيار .او عملي شجيرات صغيرة من قراعي البلاستيك وصبغيهم بلون الاخضر وحتى هما كيخرشوا ويمكن لك تعمليهم على شكل فرفارة الي كنا كنلعبوا بها من كنا صغار وهي كتبدى دور وبذلك كتجري على الفرييخات اتمنى هذه الحلول تعجبك لانني مجرباها وكتنفع غير انا كنحن وكنحيد الحصار بعض المرات عليها هههه وكيهجموا وكيندموني وقالك الي حن كيتمحن تحياتي لك اما النمل بقى ملقيتش الدوا ليه
المشاركة الأصلية كتبت بواسطة عربية عمان وقربت شي مرة في المنتدى حتى الخل مزيان رشيه من بلايص لي كيخرج منه النمل فهو مكيحملس ريحتو
عليكم السلام ورحمة الله تعالى وبركاته
جزاك الله خيرا اختي على مرورك الطيب وبارك الله فيكن ولكن اختي هل جربت الملح للغرس لانني كنخاف نقتلهم او يتحرقوافعلا الملح مجرباهافي اماكن اخرى فالدار ولكن مشي فالتراب دالغرس
اما الخل عمري مسمعتوا مع انه معندوش غير بلاصة او جوج كيخرج منها راه ساكن فكلشي التراب كلوا مفتول وفيه مخارج ديالوا والله العظيم البارح قبل منكتب هاد الموضوع قلبت واحد المحبق باش نبدلوا لمحبق آخرقلت يمكن يبعد النمل شوية من فوق ولكن غير بديت وهو يهجم سبحان الله العظيم على منظر راه جيوش خرجات بالبيض ديالها منظرهم كيدوخ الراس مدركت غير نقلب كلش فالارض بديث كنسوس حوايجي ونغسل يدي والي لصق فاليدين كيقرص ونفطت رجلي وهربت من السطح وخليتوا طايح والحمد لله غير من ممشاش التراب كلوا فالمجرة وتغلق لانه الشتاء طاحت فالليل. وهبطت نيشان كتبت هاد الموضوع وجزاكن الله خيرا على ردكن الطيب واتمنى اختي تجاوبيني وش غير نعمل الملح والخل وش مافيهش ضرر وتحياتي لك
هاد شي لي قريت حتى انا كين لي كينصح بالخل والملحة وكين لي كينصح ببودرة الاطفال و لي كيقول تخلي التربة مبللة حيت هو ماكيتحاملش مع الماء
وقريت على بودرة الفلفل الحار كيهرب منه هاد شي يلا كان فالاوعية ديال الغرس اما يلا كان فالارض كيكون عنده وكر كبير وغريق صعب التخلص منه غير صبري وخليه شاد راحته حتى يرحل بوحده ههههه