الناسور الشرجي

الله يخليكم عتقوني شكون لي عندها شي علاج ط§ظ„ظ†ط§ط³ظˆط± ط§ظ„ط´ط±ط¬ظٹ fistule anale

---

hgkhs,v hgav[d t a g s

الله يخليكم عتقوني شكون لي عندها شي علاج الناسور الشرجي fistule anale

غسلي بالصابون فينما دخلتي للمرحاض ونشفي مزيان ودهني بالزيت البلدية والله يجيب الشفاء

اختي الله يشافيك للاسف معندو علاج سوى العملية انا درت عليه عملية في شهر 9 لي فات الحمد لله دبا لاباس عليا واخا دازت عليا من مورا العملية وخصوصا ملي تدخلي الحمام الحريق المهم منخلعكش راه العملية كتدوز بسيطة كان دارها لي البروفيسور حمداني عبد الكريم راه معروف تيجيو عندو الناس من كل بلاد الى كنتي ساكنة في الدار البيضاء سيري عندو انا كنت فايتة دايرة عملية على الشرخ الشرجي في 2024 كانت دارتها ليا واحد الطبيبة ولكن عدباتني العم كلو وانا مريضة مبريت غير بزز كانو قالو على هاد الطبيب وحشمت نمشي عندو حتى عاود خرج لي الناسور في الاول معرفتش اش عندي كنت ماتنقدرش نبرك بزاف تيعطيني شوي الحريق وكنلقى راسي فازكة ملي جيت نقلب كنلقى القيح مشيت عند واحد الطبيبة اخرى اختصاصية في الجهاز الهضمي والبواسير قلباتني وقالت لي ضروري من الفتيح قلت ليها الى كاين شي دواء نديرو بلا مانفتح قالت لي هاد الناصور ماتينفع معاه لادواء ولاوالو حيت خاصو يتحيد من الجدر وهي لي نصحاتني بهاد الطبيب لي تصبت انا عارفاه ومشيتش عندو حيت فايت فتح لشحال من واحد في العائلة عندنا
اختي واش باقا ماشفتيش طبيب الى كنت باقا ممشيتش نصحك تشوفيه بلا ما تبقاي تعدبي وتخسري في الدوايات على والو الله يشافيك

المشكل هوا راني فايتا درت عملية عليها ،تعدبت بزاف و من ورا العملية 3 شهر وانا جالسا فدار، داز شي عام و نص عاودات جاتني ف جيها أخرى، مشيت عند طبيب آخرقلت ليه مستحيل نعاود ندير عملية عطاني دوايات تبعتهم حتا تفرقعات لبلاصا لي كانت داراني عاد رتاحيت، دابا دازت تقريبا عامين هاهيا رجعات تاني، دابا متبعا دوايات ،و موشكيل يالاه بديت واحد لخدمة،مانقدرش ندير عملية و نجلس تاني فدار 3 شهر

لله يشافيك ختي سري لطبيب كيف ما قالت ليك الأخت صحة هي لولا ختي