هادا واحد ديما كيكمي جوج ݣاروات
واحد النهار سولو صاحبو: علاش ديما كتكمي جوج ݣاروات؟
قال ليه لاخور: واحد ݣارو ديالي، وواحد ديال خويا اللي ف الحبس
واحد النهار هاداك السيد بان ليه الكماي كيمكي غير ݣارو واحد
وهو يسولو: صفي خرج خوك من الحبس وما بقيتيش كتكمي ليه؟
قال ليه الكماي: لا، غير أنا اللي ما بقيتش كنكمي
هادي واحد المرا كانت عند أمها ف الدار، و تعطل عليها راجلها
المرا تشطنات، وقالت لأمها: ناري يامي، عنداك يكون تجوج علي
قالت ليها أمها: نوي الخير أبنتي، غادي يكون غير دار كسيدة
واحد سول صاحبو مبوق: خوتك أشنو سميتهم؟
قال ليه المبوق: كلهم سميتهم محمد، إلا عبد الله سميتو أحمد
سولو واحد المبوق: شنو اللي حسن؟ الشمش أولا القمر؟
قال ليهم: القمر طبعا
سولوه علاش
قال ليهم حيت القمر كيضوي لينا الدنيا بالليل ملي كاين الضلام، أما الشمش كتجي بالنهار ملي الدنيا مضوية أصلا
واحد المكلخ هاز ميكا فيها جوج ليمونات
سول صاحبو مكلخ كتر منو: إيلا عرفتي شحال من ليمونة عندي ف هاد الميكا، نعطيهم ليك بجوج
صاحبو بدا يفكر يفكر يفكر، وقال ليه: ربعة؟
هادا واحد خينا ديما كياكل الفلفلة الحارة كل نهار، و ف كل ماكلة
سولوه صحابو : مالك مع الفلفلة الحارة؟
قال ليهم: راه فيها الفيتامين أحححححح
واحد البنت ديما كيصدعها واحد الولد ف التليفون
البنت كعات بزاف و ناضت بدلات النمرة
ومن بعد عيطات للولد وقالت ليه المكلخة : صافي راه بدلت النمرة ديالي، أ الحمار
قال ليها المكلخ : غادي نجبد نمرتك غادي نجبدها، واخا من تحت الأرض
hgl,j ]]dhg hgqp;>>>>> hgqp;
مشكوورة
ضحكتينى الله يعطيك لخير
الله يعطيك الصحةنكات زوينين