بغيت نفتح هاد الصفحة الخاصة بالمغتربات والموضوع هو واش ط¹ظ‚ظ„طھظˆ على اول يوم ليكم بالغربة؟عقلتو على التاريخ والساعة والاجواء ؟ ط¹ظ‚ظ„طھظˆ على اول حاجة درتوها ملي دخلتو لداركوم في الغربة؟
الصراحة انا استغربت حيت ملي داز عام ونا فالغربة نفس التاريخ لقيت راسي كندير داكشي اللي درتو نهار الاول ليا فداري في الغربة وسبحان الله غير بالصدفة.
المهم بما انني انا اللي اقتارحت الموضوع نبدا بقصتي.
انا بعدا نهار اللي جيت فيه للغربة جيت بوحدي مع العلم انها اول مرة نركب الطيارة ماعارفاش منين نبدا لكن زعمت والحمد لله تيسرات ليا الامور كلها.جيت لهاد الغربة الله يفكني منها نهار30/01/2019 ركبت معا 9:30 ديال الليل وصبحت في بلاد الغربة نهار31/01/2019 معا 5:20 ديال الصباح كان الجو سخوووووووووووون هنا بزاف وجاني هنا مغآآآآآآير لبلادي تماما وكان راجلي كيتسناني كنت فرحانة وفنفس الوقت مقلقة حيت دغيا تواحشت الميمة وخوتي وخواتاتي وعائلتي .المهم وصلنا للدار ودخلت اول حاجة درتها هي اني تساريت فالدار كاملة البيوت والكوزينة وووووووو….
وكان وقت الفجر صلينا عاد نعسنا شويا.ملي فقت لقيت الفطور موجود وفطرت وباش تعرفوني عربية بديت بالتخمال منهار الاول هههه. وقاديت الدار كيف بغيتها وسبحان الله ملي داز عام يعني نهار 31/01/2019 لقيت راسي كنخمل وماعجبنيش الحال حيت داز عام ولقيت راسي فنفس السيستيم.
لا جيران لا صحابات لا عائلة قريبة مني وطاح عليا الضيم ههههه.
اوا هادي هي قصتي وماكرهتش الاخوات ط§ظ„ظ…ط؛طھط±ط¨ط§طھ يبصمو فهاد الصفحة ويقولو لينا رأيهم فاليوم الاول ديالهم فالغربة ورأيهم حاليا.واش نتوما ولفتو؟واش حققتو شي حاجة ؟اولا حتى نتوما كتمناو ربي يسر ليكم وترجعو لبلادكم حداالاحباب.
وفي الاخير كنتمني من المشاهدات يبصمو في صفحة ط§ظ„ظ…ط؛طھط±ط¨ط§طھ ولو بدعوة صادقة ولهن بالمثل.
hglyjvfhj ,ha urgj, ugn h,g>>>>?!!! h,g?
المشاركة الأصلية كتبت بواسطة Soma84 
شكرا لمرورك اختي وتبارك الله راه دابا 4 سنين كيف دايرا معا الغربة؟ اكيد ولفتي.
المشاركة الأصلية كتبت بواسطة chmiaa آمين الحبيبة شكرا لك على النصائح القيمة الحمد لله اختي دابا شاغلة راسي ماشي بحال الاول.كاين شوية ديال التحسن غيه هو ملي كنهضر معا العائلة وكلهم مجموعين وبالخصوص فشي مناسبة مثلا فالاعياد ديك الساعات كتجيني القنطة.
وشكرا لك علي الدعاء والله ييسر ليك وتلتاحقي بزوجك عما قريب.انا اختي فالغابون.ويلاه لقيت انيقة وحدة هنا فالمنتدي حتى هيا ساكنة فالغابون ههههه.
شكرا لمرورك نورتيني.
المشاركة الأصلية كتبت بواسطة omadam2019 مرحبا بك اختي نورتينا وشكرا لمشاركتك معنا بتجربتك.الله يخلي ليك وليدك.اليك لوحة المفاتيح بالعربية حتى لا تحذف مشاركاتك في المنتدى لانه ممنوع الكتابة بالعرنسية
المشاركة الأصلية كتبت بواسطة omadam2019 مرحبا بك لي الشرف ان اول مشاركة ليك تكون في صفحتي.1000 مرحبا
و مكينش احسن من القرآن الكريم يكون انيس , و نصيحتي حفظو القرآن ما دام عندكم الوقت و الذاكرة خاوية , عمروها بالقرآن