مساء الخير فتيات و عواشر مبروكة بغيت نستشر مع المتزوجات. .انا يا الله شهرين باش تزوجت و عندي بزاف د الخلافات مع راجلي هو متسرع و عصبي و انا ما مولفاش الصداع و المعيار وليت مكتأبة الفرحة اللي كاتبان على العرايسات انا ما حسيتش بها قلت يا كما la pilule سبب اا كتئاب قطعتها هاد الشهر..عفاكم واش ديما البدو هاكا صعب و لا راني اسأت الاختيار ؟؟
hglah;g hg.,[dm
اختي اولا مبروك زواجك نتي بقا عروسة خاصك تكوني فرحانة ملي كون معصب خليه مترضيش عليه بدلي ساعة باخرى حاولي نتي تخلق جو رومنسي دريه داك شي ليكيعجبو حاولي تحاوري معاه عرفي حويج لكيعصبوه بدليهم واش فهمتني حتا بنت خويا راجلها بحال راجلك كتعمل معاه نفس طريقة اي سؤال انا معاك
المشاركة الأصلية كتبت بواسطة nada chada 
اختي اولا مبروك زواجك نتي بقا عروسة خاصك تكوني فرحانة ملي كون معصب خليه مترضيش عليه بدلي ساعة باخرى حاولي نتي تخلق جو رومنسي دريه داك شي ليكيعجبو حاولي تحاوري معاه عرفي حويج لكيعصبوه بدليهم واش فهمتني حتا بنت خويا راجلها بحال راجلك كتعمل معاه نفس طريقة اي سؤال انا معاك شكرا اختي على الجواب ديالك. .مانكدبش عليك حاسة بحال المصدومة ماشي هادشي اللي كنت متخيلة كلشي ولا كايبان خايب ما بغيت باغة ندير والو فقدت الحيوية و النشاط ديالى
Salam khti allah itawikom lkheir kif 9alt lokht hawli tjanbih ila chaftih ka3i o f nafs lwa9t 9arbi mano rah l ayam l oula zwaj fach tadiro l intila9a lahyatkom l asas 3lik basbar allah iwaf9ak
علاش تفقدي الحيوية و النشاط وانتي في اول حياتك الزوجية ،، راه غير الشيطان لي كايبغي يدخل بيناتكم ،، ماتخليلوش فرصة ،،ديري مجهودك و حاولي ماأمكن تفهمي طبع زوجك بدون تنازلات و عطيه فرصة يفهمك و عيشي حياتك و قولي فخاطرك لي دارها زوجي حبيبي على قلبي عسل ،، يمكن العصبية لي كاتبان ليك ملي تحاولي تفهميه و تعاملي معاه برحمة مشي بندية ماتبقاش تبان ليك ،، غرقيه فالعسل ورومانسية ،، حبوب منع الحمل كايديرو العصبية و الاكتئاب و لكن فترة و غاتفوت حيت جسمك غايتعود عليهم حاولي تعطي راسك فرصة و عيشي حياتك انتي و زوجك قبل ماديرو وليدات باش تكوني تبتي علاقتك بيه مزيان ،، وربي يسعدكم و يجمع بيناتكم على خير ،، و نصيحة مني كتري من الدعاء لزوجك بزاااااااااااف و غاتلقاي نتيجة تفرحك
السلام عليكم، الله يثبت الغرس الالة العروسة هههه غي صبري شوية دابا تولفو عل دفوهات بعضيتكم هههه عطي لراسك فرصة تشدي التوازن وتولفي عل تسيير امورك وهو كدلك تلقايه مسكين باقي داهش . نصيحتي المهمة هي متقطعيش الفنيد عيشو حياتكم العام الاول عل الاقل عل مارسيتو راسكم وعرفته بعضكم عن كثب من الاحسن لا قدر الله لهلا يجعلها بعيد البلا والباس الانسان متفاهمش ميضيعوش الوليدات . (ختي تقبلي مروري مخصنيش نقولك هاد الهضرة ولكن كلام للي يبكيك احسن مللي يضحكك ويضحك عليك) الله يكملكم بالخير ويجمع بينكم في الحلال ويدوم محبتكم، في امان الله.