المروزية بالملج ياسلاااااااااام

تم التثبيت بواسطة *ليلى ام سارة* بتاريخ 3/6/2019 السلام عليكم بالنسبة ليا ط§ظ„ظ…ط±ظˆط²ظٹط© ماشي غير أكلة وصافي ط§ظ„ظ…ط±ظˆط²ظٹط© هي النخوة والأصالة والبنة اللي معروفة بها أكلاتنا المغربية في جميع أنحاء العالم واللي حنا كمغاربة مفتخرين بها فيما كنا فيها كتخلط حلاوة العسل وملوحة السمن وريحة القرفة والعطرية اللي كتأسر الحواس وكتجمع أفراد الأسرة على مائدة وحدة مائدة عربية مية في المية0 في هاد المرة حاولت نبدل شوية وفي بلاصة اللوز مقلي إستعملتو محمر وجا روووووووعة في المداق0 سمحوليا إلا طولت عليكم ولكن هادشي غير من عشقي لهاد الأكلة هههه نبداو على بركة الله أنا درتها ط¨ط§ظ„ظ…ظ„ط¬ تقريبا 750غرام 2بصلات زلافة لوز محمر زلافة زبيب نص كاس زيت رومية سكينجبير إبزار راس الحانوت خرقوم قرفة عواد شوية سمن لتر ما ملحة ومعلقة عسل سمحولي ماصورتهومش ولكن غادي يكونو في الصور الماجيين 2بيضات مسلوقين للتزيين رطبت اللوز المحمر في الما شي ساعتين باش يسهال عليا نقشرو حكيت التومة زدت عليها السمن والملحة وسكينجبير وراس الحانوت والإبزار والخرقوم وشوية ديال الما رقدت فيها اللحم أنا حيت كنت مزروبة رقدتو غير ساعتين هو فالحقيقة من الأحسن يبات باش يتشرب مزيان العطرية منبعد حيدت اللحم وعلى نفس الترقيدة شلضت البصلة وزدت نص كاس ديال الزيت شحرتهاشوية رجعت عليها اللحم وعواد القرفة واللوز منبعد مارطاب وقشرتو زدت الما الكافي اللي غادي يطيب اللحم واللوز وخليت كلشي على عافية مهيلة لمدة ساعتين ونص في ها دالوقيتة رطبت الزبيب في شوية ديال الما وكإضافة زدت ليها شوية من روح الزهر اللي عطا ليه نسمة رائعة منين قرب يطيب اللحم زدت ليه الزبيب منبعد ماصفيتو من الما كنتمنى لو كنتو معايا تشمو الريحة اللي طالعة مممممم ياسلام منين طاب اللحم واللوز والزبيب زدت معلقة كبيرة ديال العسل خليتو شي 5دقايق بينما اللحم يوقف في إدامو وهاهي ط§ظ„ظ…ط±ظˆط²ظٹط© وجدات زوقتها بالبيض مصلوق وشفتو اللوز المحمر بحال إلا مقلي نفس اللون دهبي غير أكتر لدة مرحبا بيكم معانا للغدا نتمنى طريقتي تكون عجباتكم وتجربوها إن شاء الله