السلام عليكم
اخواتي بما ان عيد الاضحى قرب فعندي شي طلبات ليكم يا الحدكات
اولا بغيت مقادير و طريقة تحضير المروزية علما انني ما شي فالمغرب وباش يمكن لي نعوض البهارات الخاصة بيها
ثانيا بغيت نعرف واش نقدر نعمل الخليع بلا شحمة لانني كنظن ان الناس القدام كانو كيديروها باش تحافظ عليه في غياب الكونجيلاتور
جاوبوني الله يخلييييييييييييكم ويرزقكم الجنة ونعيمها
hglv,.dm>>>hgogdu fgh aplm>>>ad t;vm hglv,.dmhgogdu aplmad
أختي إذا كنت في دولة أوروبية راه كاين كل التوابل ماعليك غير تخلطهم
لكن خليع ميمكنش إكون بلا شحمة على حد علمي
بسم الله الرحمن الرحيم
خدي اللحم من الافضل البقري وقطعيه شرائح طويلة بحال القديد تكون غير الهبرة فقط ثم رقديه في الثومة والقزبور يابس مطحون . ملح زايد الكامون وخليه مرقد 3ايام ثم عمليه في
كوكوت زيدي الماء الكافي وسدي عليه حتى يطيب ثم نشفيه من الماء مزيان حتى يبقى غير
اللحيمات عمليهم في قريعات معقمين مزيان وعمري عليهم زيت الزيتون واقفليهم.
ملاحظة. ممكن استعمال اللحم طري او ميبس .. الطري يجب ان يوضع في الثلاجة وملي تاكلي اللحيمات بالصحةوالراحة ممكن استعمال الزيت في الطبخ …
منقول …
كنرقد طريفات اللحم فملعقة ص راس لحانوت، م ص عطرية لمروزية، إبزار، سكينجبير،سمن، ملح، كركم،1 ثوم مهروس، قزبر ومعدنوس، زيت الزيتون
كنخليهم مرقدين فالطنجرة حتى يشربو مزيان عاد كنشعل عليهم يتقلى اللحم
كنضيف زبيب مرقد من قبل وعويدات القرفة ونخليهم على لعافية لمهيلة
من بعد كنعسل اللحيمات كنكب العسل على اللحم فقط باش مايتحرقش لمرق
وكنقلي اللوز ونشفو بالورق النشاف
من بعد ما تعسل اللحم وعقادت لمرقة
كنقدموها مع اللوز للإشارة فقط مادرتش الماء
هذه لمروزية وجدات بالصحة والعافية
ولاتحرموني من ردودكن
اللهم آدمها نعمة واحفظها من الزوال
نصف ملعقة كبيرة ابزار
نصف ملعقة صغيرة سكينجبير
زعفران حر
نصف ملعقة صغيرة من القزبر اليابس مدقوق
3 بصلات متوسطات
3 فصوص ثوم +قزبر ومعدنوس مدقوقين بالمهراس
ملعقة صغيرة من السمن
كأس الا ربع صغير من الزيت
ملح
زبيب
نضع الزبيب في الماء حتى يرطاب ونقلي اللوز في الزيت
عندما ينضج اللحم نضيفوا اللوز والزبيب نتركه قليلا ثم نزيله من فوق النار
جزاكن الله كل الجزاء وجعله في ميزان حسناتكن اخواتي على هاته الوصفات المبهرة
المشكل انني مقيمة بالسعودية وماعرفتش اش كايكون فالعطرية دالمروزية
و شكرا
السلام عليكم و رحمة الله و بركاته
مكونات راس الحانوت
1 كلغ كروية
100غ حبة حلاوة
80 غ بسباس
100 غ قرفة عود
150 غ كسبر
100 غ فلفل اكحل
50 غ سكنجبير
80 غ كبابة
40 غ عرق اصفر
6 حبات جوز الطيب
40 غ قنطس
20 غ ورد يابس
20 غ نجمة الأرض
بالنسبة للعائلات التي لا تستعمل بكثرة راس الحانوت
تستطيع استخدام نصف
كمية الوزن
و يتقاسموه مع العائلة أو مع الأحباب
لأن مدة الصلاحية عام بالضبط
20غ ديال لسان الطير
شي 30 غ ديال بسيبيسة
واحد 30غ ديال كبابة
واحد 30غ ديال حبة الهيل (قعقلة)
واحد 20غ ديال بزار أسود
واحد 20غ ديال سكنجبير
واحد 5 غ زغفران حر
20غ ظهر الفلفل
2 حبات الكوزة
20غ أوراف ورد دادس
10غ نافع
20غ جنجلان
10غ خودنجال
10غ قرفة
20غ نويويرة
20 غ كوزة صحراوية
10 غ خزامة
أبصحة