الله يخليكم و يرحم واليديكم عاونوني

اللي عارفة الرابط ديال الاخت اللي حطات لينا طريقة جميع الرحيل حينت انا بغيت نرحل و ما عرفت منين نبدا وقلبت على الموضوع تا سخفت او والو اللي قدرات تفيدني فيكم ط§ظ„ظ„ظ‡ يجازيها الجنة يا رب

hggi dogd;l , dvpl ,hgd]d;l uh,k,kd

تجربتي المصورة مع الرحيل السلام عليكم ورحمة الله وبركاته اخواتي الغاليات استفدت كثيييييررر من هاد المنتدى فحياتي الشخصية والعملية وفبيتي كزوجة مسؤولة عن عائلتها وعن بيتها واليوم حبيت نحط لكم موضوع عن الرحيل لانو ماشي ساهل وما يحس بيه غير اللي جربو لانو صعيب بزاااااااااف خصوصا اني خدامة والوقت قليل وتمارة اديالو قاصحة بزاف لهدا اخواتي حبيت اني نقل لكم تجربتي لعل وعسى تنفع شي اخت من الاخوات اللي معانا الى كانت ناوية على الرحيل لاني فبداية الامر تلخبطت وبقيت بين مد وجزر اشنو نقدم واشنو ناخر خصوصا انو العوين مكاينش وكنت غير انا وراجلي نتقاتلو بالخصوص انو درنا بعض الاصلاحات فالدار الجديدة واللي خدات من عندنا وقت كبير وبقيت مشطونة بين الدار القديمة والجديدة المهم بلا ما نزيد نطول عليكم غادي ندخل فالتفاصيل ولكن ما غاديش نحط كل شي فدقة وحدة لانو عندي الافكار كثيرة والصور ايضا لهدا وقتما كان عندي شوية اديال الوقت ندخل نغني الموضوع بالافكار والصور بطبيعة الحال وغادي نقسمو على كل ركن فالبيتغادي نبدا بالمطبخ ثم السيجور ثم بيت النعاس والحمام و… و…. حتى نسالي باذن الله ونتمنى الموضوع ينال استحسانكم ونفيدكم كيما فدتوني حتا انتوما كيف ما قلت لكم اول حاجة بديت بيها هي نجمع الكراطن بديت نجمع الحوايج اللي مكنتش نستعملهم بحال الاواني اديال الضياف والديكورا وملابس الشتا بحكم انني رحلت بفصل الصيف بديت كل حاجة نديرها فكرطونة بحدها كنلوي عليها الجورنال ونديرها وسط الكرطون ونكتب عليه من فوق اشنو فيه وندير زجاج او بلاستيك باش ملي يهزوهم يردو البال الى كانو حوايج من الزجاج والحمد لله راه متهرستلي حتى حاجة فالرحيل والكسوة جمعتها فصيكان كبار وهادي بعض الصور لكراطن وصيكان الملابس الفراش صبنتو ولويتو فغطاوات كبار درت الوسايد بحدهم واللحوف بحدهم والمانطات درتهم فالغطاء اديالهم سمحولي نسيت مصورتش هاد المرحلة من بعد ما تفهمنا مع مالين الدار درنا عند الموثق وعد بالبيع واعطيناهم العربون والحمد لله كانوا ناس مزيانين اعطاونا المفاتيح وخا هما باقيين ساكنين فالدار من اجل الاصلاحات لربح الوقت اول حاجة بدينا بيها هي المطبخ درنا له بلاكارات الفوق وتحت لانو كان فيه غير لتحت النصف فقط وصبغناه بالابيض حيت اللون اللي كان فيه معجبنيش وخدينا كويزنيير بلاهوت اديالها نخليكم مع الصور قبل وبعد باش يبان لكم الفرق ونتمنى يروقكم التغيير اللي درت هادي لكوزنيير ولاهوت مارك روايال خديتها فالابيض باش تكون مناسبة للبلاكارات وحتى للالات الاخرى اللي عندي لانو عندي الثلاجة بيضا الميكروند بيضا وحتى المطبخ والبلاكارات صبغتهم بالابيض لانو كيعطي مساحة واسعة فالبيت والله يخليلي راجلي هههههههههههه لانو ديكوراتور وعندو ديبلوم فهاد الشي نفعني بزااف ها هي صور المطبخ قبل وبعد هنا من بعد ما صاوباها ودرنالها لبلاكار ولكن باقي ما صبغناها من بعد صبغناه وبديت كنقل لحوايج اللي جمعتهم من قبل فالكراطن نردهم فالمكان اديالهم بالبلاكار لاني مغاديش نستعملهم فالدار القديمة تقريبا خليت غير حوايج المطبخ اللي يكفيوني انا والزوج اديالي وهنا كنا باقي مدرناش مكان للكوزنيير ومانعاودلكمش نهار صاوبناها كيف ولات الدار بالغبرة ههههه الاعصار وليت كنغوت في صمت هههههههه لاني كنت نقيتها نهار قبل محسبتش غادي تكون كاع هديك الغبرة هنا صافي درنالها مكانها تحت لاهوت بديت نرد كل حاجة لبلاصتها وخصصت كل بلاكار لحاجة حسب الاستعمال كثير او قليل اللي عندو استعمال يومي درتو قريب لي واللي مرة مرة درتو بعيد شوية ودرت بواطات خصصت كل وحدة لحاجة وكتبت عليها الاسم اديالها باش يسهال علي نلقى الحاجة منبقاش نجبد ونرد وبالتالي نخسر الوقت والنظام اديال البلاكار اديالي وهاهي صور توضيحية هاد الجهة خصصتها لبعض للتقضية اديال الدار ومازال باقي الخير فالماعن البويض غير باقي مساليت التستاف وقتما نخرج للسوق ضروري نتقضا شي حاجة منهم نظفت اواني العطرية من بعد ما كانو توسخو بمافيه الكفاية نظرا لانشغالي بالرحيل مكنتش نمسحهم وتعجو مزيان شوفو الغبرة هههههههههه فرحانة وكنقولها بوجهي احمر هانتوما شوفو الحداكة رديتها تضوي هههههههه نمشيو دبا للمحروسة الثلاجة واللي خدات مني الوقت الاكبر حممتها حمام العروسة ههههههههه ولكن بقاو معاي فاصل ونواصل هههههههههه يتبـــــــــــــــــــــــع ربـــــي لا تذرني فردا وأنت خير الوارثـــين إضافة رد رد مع اقتباس 27-09-2019 12:15 Read more: https://www.anaqamaghribia.com/vb/sho…#ixzz2OH9v84t6

جزاك الله الف خير يا اختي الله يعطيك ما كتمناي

اول حاجة طفيت عليها وخليتها شوية بلما داب الثلج اللي كان فيها علما اني ملي تزوجت ما عمرني طفيتها هادي سنتين درت فالاول صابون وجافيل فسطل وبقيت كندير فيه الشفون ونشفو مزيان بالماء وندوز عليها وفالاخر دوز عليها بالخل الابيض والبكربونات باش تعطيها اللمعان وها هي من بعد ما تحممت – هههه بالصحة وها هي نقية ومعمرة بحويجاتها من بعد استعنت فتزيين المطبخ ببعض الاكسسوارات ركب راجلي الشوفو واخيرااااااااااا صورة للمطبخ وهو في حالة يرثى لها ههههههههههه وهنا بدات الامور ترجع لحالتها الطبيعية والمطبخ يعود للاصل اديالو -_- اوا كيف جاكم الفرق بين المطبخ الاول والثاني انا بعدا تبدل علي تقول ماشي هو ها هي صورتو فالاول للتذ كير فقط مقارنة مع اخر صورة ولكن الحمد لله اني شفتو فاللاخر كيف بغيتو اوا كيف جاتكم الحداكة ههههههههههههههه هذا فقط الجانب المتعلق بالمطبخ ان شاء الله نشارككم بالباقي الى لقى الموضوع استحسانكم وكل اللي كنطلبو منكم سواءا اللي شاركو بالردود ولا اللي قراو واستفدو ولو بفكرة بسيطة ومردوش ادعيو لي ولكل اخواتي المنتظرات بالذرية الصالحة المعافاة من غير زيادة او نقصان لاني تعبت الصراحة وانا كنزل الصور ونصغرهم ولي عودة بفضل الرحمن Read more: https://www.anaqamaghribia.com/vb/sho…#ixzz2OIc8UhaH