الله اخليكم عندي استفسار

عفاكم البنات بغيت نسولكم على لي دايرا الباش فالسطح حينت انا وراجلي مشينا عند واحد وجبناه ودارو لينا فالسطح حينت ط¹ظ†ط¯ظٹ السطح داير جيهة كنشر فيها وكلت جهة الاخرى نستغلها مي المشكل لي وقع انو ماكدوش لي مزيان وخصرنا فيه 30 الف ريال هكاك خلالي لفراغ من جيهت الحيط ولباش لي تلبط منو جابو ناقص وكاليك راه داكشي لي بقا عندو وزاد ليه طريف وهادشي ماشتو حتى دارو كلت راجلي اكوليه اعاودو راجلي كاليك ماشي مشكل ماعلينا راه هادشي شهر باش درناه وماكملو ومشا كل مرا يكوليه راجلي اجي كيعتدر اوا لي مفقصني دبا انو ملي داز داك البرد كتسمعي الحديد كيتهز وجات الشتا وعمر لي الوسط بالما وجابو اليوم وراه مازال ماكمل الخدما ديالو مع راجلي خدام لعشية كاليه حتى نرجع ملي تلعت نشوف فقسسسسسسسسسسسسسسسة بمعنى الكلمة زاد لي الوان خرى فالجناب ودكشي غير مدمق بغيت الى جا نقوليه هاديك راه ماشي خدمة باش تنصحوني ط§ظ„ظ„ظ‡ ط§ط®ظ„ظٹظƒظ… واش نخاصمو وواش نكوليه اعاود لي داك الباش ودير واحد مقاد ط§ظ„ظ„ظ‡ ط§ط®ظ„ظٹظƒظ… عتقوني بالحل وحتى لي قدرات توريني تصاور ط§ظ„ظ„ظ‡ اجازيها بالخير

---

hggi hogd;l uk]d hsjtshv

معندي تفكرة غير وكان درتيه درتيه كون درتي ديال ضو كون كون المنضر زوين او فنفس الوقت مغطي مزيان
يطلعليك رخيص لكنت عندك المسافة صغورة وخرج عينك فالمعلمية انا راه عندي فداري جارولي السكار والملحة مصاب غير امت نكمل
اوا اللهي عاونك ويطلعليك دكشي كيف بغيتي

أختي الله يعينك، فكرتيني فواحد النجار كان راجلي غادي يسلخو
خدا لفلوس وسد الحانوت ووقت ما مشينا عندو كايتهرب، 8 شهور عاد جاب لينا الصالون و حالتو ما مخدومش مزيان
وما درنا ليه والو حيت جارهم، الله غالب.

خاصك تهدري معاه وتقولي ليه هادي ما شي خدمة
راه طلب فلوسو وعطيتهم ليه إيوا يخدم خدمتو
وكاع الا بغاكم تزيدوه غير يعاودو ليك بالعبار مزيان
المهم هدري معاه غير بالاداب الا شفتي ما كاينش تجاوب
خلي زوجك اللي يتفاهم معاهم ويقولو يخدم خدمته وفكريه أن الله يحب من يتقن عمله
اني فاهماك اشنو كتحسي ، الشمتة، الله يهديهم هاد الحرايفية ولاو أعظمهم غشاشين
الله يعاونك ويوفقك، ماتفقصيش راسك، هادشي راه كلنا كنعانيو منو
الله يهديه ويخدم خدمتو مزيان
طمنينا عليك

شكرا اختي على الرد ديالك كيفاش ديال الضو والله الى لفقسة صافي

انا زين ديالي راجلي من النوع لي مايغوتش ليك مع بنادم كلتليه من النهار اللول ملي دارو ولقيت طروفة غير مدامقين شوف كوليه اعاودو ودير لي واحد مقاد قالي حشومة راه من الصباح وهو مدابز معاه وووو والمشكل انو عطاه ارزقو بقات غير 100 درهم كلتليه داكشي علاش كايتفلى دبا ماعرفتش اش ندير الصراحة انا راجلي كايقولها نيت ماعندوش الخبرة ومعا هدشي كانشوف الرجالة تبارك الله ديال لعايلة كايكونو فاهمين بحال هادشي وزعما انا كانحاول نعاونو ونتاخدو القرارات بجوج دابا العشية اقدر اجي وشوف واش اكمل خدمتو ولا لا

اختي إلا جا هاد المرة رميه من السطاح وتهناي منو وهني الاخرين هه غير كنضحك معاك الحبيبة وليني بصاح كيفقصو بحالهم بحال النجارة والخياطة سبحان الله.اختي غير عطي الخاطر لراسك وراجلك معندو حتى ذنب اكيد عندو خبرة فمسائل اخرى.الله يسر ليك وتصوبي داكشي كيما بغيته ويخليلك راجلك ويرزق سعادة الدارين

ههههههههههههه ضحكتيني داكشي لي صلاح ليهم

اختي ممكن تقوليلي المساحة ديال السطح اللي مغطي بالباش.حيث جاني الثمن اللي تقام عليك رخيص بزاااااااااف.
جاوبني اختي على المساحة و نرد عليك.
تحياتي.

أختي لوكان سقفتو بالألومنيوم مع الزاج ديالو ، شفتي الشراجم ديال الألومنيوم ، إيوا بحال داك الشكل ، وهو خاص ڢ=يديروه للسطح والضواية ، يجي المنضر رائع ، والثمن معقول ، حنا في دار بابا دار غطا بيه الضواية فيها 3.30/3 نقاملو 3000 درهم