السلام عليكم و رحمةالله تعالى و بركاته كيفكوم البنات مع تجهيزات العيد الله يدخله عليكم باش ما تمنيتوا انتم و احبتكم جميعا البيوم غنشارككوم طريقتي بتحضير ط§ظ„ظ„طظ… ط¨ط§ظ„ط¨ط±ظ‚ظˆظ‚ ان شاء الله تعجبكم 
اولا اختاروا الملج فهاد لطجين لانه كيكون زوين و حطته فالطبسيل كتعمر العين اللحم عملوا لقياس حسب عدد الافراد مثلا لكيلو لحم عملوا بصلة كبيرة او زوج متوسطين راه سر طويجناتنا و دغميرتهم البصلة و قطعوها مربعات صغيرة باش تدوب فالمرقة قليوهم شوية مع زيت بلدية و رومية واضيفوا لملح و الابزار و السكين جبير و زعفران و خرقوم و عود قرفة و قليو شوي مع اضافة القليل من الما باش متحرق العطرية عاد ضيفو 2 ضرس ثوم واضافة الثوم اختيارية بعد المرات مكنضيفهاش وروييو بالقياس متكتروش الما باش تجبكوم المريقا مدغمرة و بنينة ضيفوا ربيطة قزبور و معدنوس متقطعوهش باش تطلعليكوم المرقة نقية وخليو الطاجين يطيب على عافية متوسطة جهزوا البرقوق غسلوه مزين و عملوه فطاوة مع حبة بصيلة صغيرة و عود قرفة وضيفوا الماء الي يغطيع مع رشيشة الملح بهاد الطريقة ديك ريحةالبرقوق المجهدة كتمشي ملي يطيب صفيه ضيفي رشة قرفة مطحونة و سكر او عسل و مغرف من المرقة داللحم و خليه يتعسل اللوز فسخوه و قليوه دائما بيت باردة و متنساوش ترشوا عليه شوي الملح قبل متقليوه كيطلع تحفة و بالصحة و الراحة 
عواشركوم مبروكة
hggpl fhgfvr,r aid,m hgud] , hghtvhp f],k lkh.u f’vdrjd
ممممممم تبارك الله عليك أم البنات طريقة زوينة و تبيسيل كايشاهي
تبارك الله عليك اختي
المشاركة الأصلية كتبت بواسطة **ام البنات ** 
السلام عليكم و رحمةالله تعالى و بركاته كيفكوم البنات مع تجهيزات العيد الله يدخله عليكم باش ما تمنيتوا انتم و احبتكم جميعا البيوم غنشارككوم طريقتي بتحضير اللحم بالبرقوق ان شاء الله تعجبكم اولا اختاروا الملج فهاد لطجين لانه كيكون زوين و حطته فالطبسيل كتعمر العين اللحم عملوا لقياس حسب عدد الافراد مثلا لكيلو لحم عملوا بصلة كبيرة او زوج متوسطين راه سر طويجناتنا و دغميرتهم البصلة و قطعوها مربعات صغيرة باش تدوب فالمرقة قليوهم شوية مع زيت بلدية و رومية واضيفوا لملح و الابزار و السكين جبير و زعفران و خرقوم و عود قرفة و قليو شوي مع اضافة القليل من الما باش متحرق العطرية عاد ضيفو 2 ضرس ثوم واضافة الثوم اختيارية بعد المرات مكنضيفهاش وروييو بالقياس متكتروش الما باش تجبكوم المريقا مدغمرة و بنينة ضيفوا ربيطة قزبور و معدنوس متقطعوهش باش تطلعليكوم المرقة نقية وخليو الطاجين يطيب على عافية متوسطة جهزوا البرقوق غسلوه مزين و عملوه فطاوة مع حبة بصيلة صغيرة و عود قرفة وضيفوا الماء الي يغطيع مع رشيشة الملح بهاد الطريقة ديك ريحةالبرقوق المجهدة كتمشي ملي يطيب صفيه ضيفي رشة قرفة مطحونة و سكر او عسل و مغرف من المرقة داللحم و خليه يتعسل اللوز فسخوه و قليوه دائما بيت باردة و متنساوش ترشوا عليه شوي الملح قبل متقليوه كيطلع تحفة و بالصحة و الراحة عواشركوم مبروكة تبارك الله عليك يأاختي شهيتيني فيه أن تبارك الله عليك شهيتيني فيه كيعجبني بزاف ولكن واحد الأولاد عندي مايبغيو يأكلوالملج و ما يحملو البرقوق و غبر قولي لي أش ندير معاهم
ماشاء الله شهوة منو الله يعطيك الصحة احبيبة دائما اطباقك مميزة
مممممممم ماشاء الله تبارك الله طويجين غزال تبارك الله عليك و على فكرة اطباقك كلها مميزة و جربت منها الكرواصة بالعجينة المورقة المختمرة جات فنة و اليوم ان شاء الله نجرب طاجين د السردين ,,,و انا متاكدة ان شاء الله غايجي زوين حتى هو
تبارك الله عليك طبق كيشهي
الله اعطيك الصحة
ما شاء الله طاجين كيشهي