الكورساج الأساسي بـ بنسة الصدر corsage de base

كيف ما وعدت بعض الأخوات ، هاهو درس ط§ظ„ظƒظˆط±ط³ط§ط¬ ب ط¨ظ†ط³ط© الصدر
أتمنى يكون الشرح والصور واضحين ومفهومين
أي استفسار أنا رهن الإشارة حسب ما يسمح به وقتي

من الأحسن تطراسيو ط§ظ„ظƒظˆط±ط³ط§ط¬ على ورق البترون بالحسابات العادية باش ما تكترش عليكم الحسابات
ديال المينياتير وتخربقكم،

المقاسات لي خدمت بيها هي مقاسات لاطاي 42 وهي كالتالي :
دورة العنق =tour d encolure = 37 cm كنقسموه على 6
كارير الأمام = carrure devant = 35 cm كنقسموها على 2
كارير الظهر= carrure dos = 38 cm كنقسموها على 2
محيط ط§ظ„طµط¯ط± = tour poitrine = 94 cm كنقسموه على 4
محيط الخصر= tour taille = 70 cm كنقسموه على 4
طول الأمام = longueur devant = 44 cm
طول الظهر = longueur dos = 41 cm
طول الجنب = longuer cote = 19 cm
طول الكتف = longueur epaule = 13 cm
إرتفاع الصدر= hauteur poitrine = 26 cm

كنلاحظو أن المقاسات الأفقية هي فقط لي كنقسموها لأننا غدي نخدمو على نصف الجسم من الامام ونصف الجسم من الظهر
المقاسات العمودية ما كنزيدو فيها ما كنقصو ما كنقسمو

البداية كنرسمو الخطوط الأفقية ،

ـ كنخليو 5 سنتيم هامش في طرفي الباترون باش يسهل عليكم الرسم ، و نرسمو مستطيل
المسافة بين الخطوط الأفقية لي فيه هي طول الأمام = 44

الخط التحتاني هو خط taille أي الخصر ، و الخط الفوقاني خط encolure يعني العنق

ـ من النقطِة A كنطلعو من خط لاطاي ب 19 سنتيم لي هي طول الجنب ، و نرسمو خط متوازي مع خط لاطاي وخط الرقبة
أنا درت لكم اتجاه السهم في كل خطوة باش تفهمو المراحل

ـ من النقطة B كندخلو ب 1/6 دورة العنق + 0.5 = 6.8 و نرسمو نقطة E
1/6 tour encolure +0.5 = 6.8 cm

ـ كنزلو من النقطة B على خط منتصف الأمام ب 1/6 دورة العنق + 1.5 ونرسمو نقطة *F

ـ كنزلو من خط العنق ب 4cm ونديرو نقط متقطعة لتحديد نهاية الكتف

ـ من النقطة A على خط الخصر و النقطة G على خط ط§ظ„طµط¯ط± كندخلو ب ربع محيط ط§ظ„طµط¯ط± + 2 cm * توسعة*
1/4 tour poitrine + 2cm = 25.5 ونرسمو النقطتين Xو Y ونلاقيوهم بخط عمودي

ـ على خط ط§ظ„طµط¯ط± من النقطة G وخط العنق من النقطة B كندخلو بنصف الكارير = 17.5
ونرسمو النقطتين V و Z
1/2 carrure devant = 17.5

ـ إنطلاقا من النقط AGF كندخلو ب نصف تباعد الثديين ecartement poitrine لي هو 20.5 /2= 10.25
ونرسمو خط متقطع

ـ من النقطة E كنزلو على هاد الخط المتقطع ب مقدار ارتفاع ط§ظ„طµط¯ط± = 26 و نرسمو نقطة P لي هي بمثابة حلمة الثدي
يعني أعلى نقطة في ط§ظ„طµط¯ط± وهي محور البنسة لي غدي ننطلقو منها فيما بعد في تحويل موقع البنسة على حسب الموديل

ـ كنحسبو المسافة بين النقطة L و النقطة V ونقسموها على 2 ونعملو نقطة O

كنلاقيوها مع النقطة P بخط ، باش نرسمو البنسة

ـ كنحسبو البنسة بهاد القاعدة : 1/20 tour poitrine +0.5 = 5.25

يعني (مقاس ط§ظ„طµط¯ط± مقسوم على 20 )+ 0,5= 5,25

ـ من النقطة O كنحسبو مقدار البنسة 5.25 ونحطو نقطة ، هي لي كتبان لكم خارج خط الكارير باتجاه النقطة Y

ـ كنحسبو المسافة ديال طرف البنسة الأول من النقطة P للنقطة O . كنحطوها نفسها من النقطة P لطرف البنسة الثاني و نرسمو النقطة U

ـ من النقطة Y كنحسبو 1.5 للداخل و نحطو نقطة T
ـ كنلاقيو النقطة T و النقطة U بخط ونحددو المنتصف ديالو ونزلو ب 1.5 للداخل باش نعملو تقويرة الكم

ـ كنرسمو تقويرة الكم من النقطةU إلى النقطة T مرورا ب 1.5 لي نزلنا بيها في المنتصف بين النقطتين
التقويرة هدي كنعملوها براس البيروكي

ـ كنحسبو الفرق بين ربع محيط الخصر على البترون وربع محيط ط§ظ„طµط¯ط± ،
25.5-17.5 = 8
ـ كندخلو ب 3 cm من النقطة X
ـ ناخذو 3 cm أخرى نوزعوها على ط¨ظ†ط³ط© لاطاي بحيث يكون مركزها هو الخط المار من مركز ط§ظ„طµط¯ط± P وطولها هو 13 cm
وبهذا كتبقى التوسعة لي في الخصر هي 2 cm ويلا بغيناه أوسع ممكن ن دخلو من النقطة X غي ب 2cm
ونصغرو البنسة ديال لاطاي

بالنسبة لتقويرة العنق ، كنلاقيو النقطتين E و F براس البيروكي

البنسات باللون الأحمر و ط§ظ„ظƒظˆط±ط³ط§ط¬ باللون الأزرق وبهكذا نكونوا انتهينا من رسم الأمام

طبقو الخطوات ورسموه ومنين تساليوه نحط لكم بترون الظهر باش متخربقوش