السلام عليكم و رحمة الله
في هد الموضوع ان شاء الله ستكون ط§ظ„طھط·ط¨ظٹظ‚ط§طھ و التعليقات المتعلقة بهد الموضوع
الكورساج الأساسي بـ بنسة الصدر corsage de base (الدروس فقط )
hg;,vsh[ hgHshsd fJ fksm hgw]v -hgj’fdrhj- hgj’fdrhj hgs]v
اختي حبيت نسألك بالنسبة للمقاسات بغيت تشرحيلي حساب القياسات على الباترون اذا سمحتي
المشاركة الأصلية كتبت بواسطة نرجس الحياة 
اختي حبيت نسألك بالنسبة للمقاسات بغيت تشرحيلي حساب القياسات على الباترون اذا سمحتي
العفو أختي نرجس الحياة
مرحبا بيك في القسم ، يالله جلسي وشدي بلاصتك في الطبلة الأولى قبل ما يوقع الزحام
مفهمتش سؤالك مزيان ، بالنسبة للقياسات كتخدمي بيها على البترون كيما هي في الدرس
حنا كنخدمو نصف الأمام ونصف الظهر ،
دكشي علاش كنقسمو المقاسات الأفقية على 4 ،
يعني ملي نبغيو نرسمو الكورساج الأمامي كنحسبو ربع المقاس الكلي
و بالنسبة لدورة العنق كنحسبو السدس ، و الكارير النصف
و كنزيدو التوسعة في الصدر و الباسان و لاطاي
من الأحسن خدمي بمقاسات لاطاي 42 لي فدرس ، وملي تفهمي الدرس مزيان رسمي باترون آخر بمقاساتك الشخصية
ونوريكم من بعد طريقة باش تحتفظو بيه و تبقاو تخدمو بيه كل الموديلات بلا ما تحتاجو كل مرة ترسموه من جديد
نحاول نتبع و نطبق معاك إن شاء الله
الله يجعلو في ميزان حسناتك
الله يبارك فيك ويجازيك خير حتى أنت، وها أنا معكم خطوة بخطوة إن شاء الله
اختي عفاك قوليلي المسافة بينEوLواش هي طول الكتف اي13؟لانني جاتني في الباترون ديالي قبل من مستقيم VوZ.واش اخطات؟وشكرا اختي انتضر اجابتك فانا تلميدة عندك جالسة في الطاولة الاولى بجانب اختي فاتو هههههههه
بالنسبة للمصطلحات ساهلة و دغيا غدي تحفظوها إن شاء الله، كلمة كورساج كتعني بترون الجذع يعني الجزء العلوي من الجسم وكيشمل البطن و الصدر و الظهر و الأكتاف. ومنو كنطلقو في رسم أي موديل على الباترون تمهيدا لتفصيله،
بالنسبة للمقاسات ضروري خص شخص ثاني ياخذلك مقاساتك لأنها تحتاج الدقة وشي مناطق في جسمك متقدريش توصليهم، بالنسبة لأخذ مقاسات الزبونة خصها تكون واقفة وقفة مستقيمة وراسها لفوق، خصها تكون لابسة حمالة الصدر لي متعودة عليها باش ميجي صدرها نازل أو طالع بزاف، خصها تكون لابسة ملابس عادية ماشي تجيك لابسة la gaine مثلا أو سوتيان رياضي وجسمها مضغوط أو تدخل كرشها ، أيضا الزبونة خص تكون لابسة شي خفيف مثلا بودي، ماشي تاخذي لها القياس فوق تريكو ديال الصوف أو جاكيت ، هذي أشياء خص ننتبهو لها لأنها كتأثر في المقاسات، الطريقة هي أنك كتدوري شريط القياس من الظهر على الصدر بالضبط على الحلمات مرورا تحت الإبطين وتخلي 2 أصابع بين شريط القياس والجسم بحيث ميكونش ضاغط عليه أو لاصق فيه، نفس الشي بالنسبة للخصر كتدوري شريط القياس على منطقة الحزام وديما 2 أصابع بين المتر وبين الجسم، الباسان أيضا كتدوزي شريط القياس دائري على أعلى نقطة ، العنق نفس الشي، الكتف من نقطة التقاء العنق بالكتف إلى عظمة نهاية الكتف، الكارير من نقطة التقاء الذراع بالجذع ، طول الظهر من 3 فقرة من فقرات الرقبة مرورا بالعمود الفقري إلى الحزام، الأمام من نقطة التقاء العنق بالكتف مرورا بحلمة الثدي نزولا تحت الثدي و شريط القياس في وضع مريح يعني ماشي نجبدوه وصولا إلى الحزام، طول الكم كناخذوه و الكم مثني شوية ماشي ممدود من عظمة نهاية الكتف إلى عظمة الرسغ، دورة الكم كندوزو شريط القياس على أعلى نقطة في الذراع يعني على عضلة الذراع الداخلية، دورة الرسغ كناخذوها على الرسغ، سمحولي راني كنجاوب غي من الموبايل منقدرش نحط الصور، لكن راه شي أخت كانت حطت فيديو لطريقة أخذ المقاسات دبا نقلب عليه ونحطولكم.