القريشلات او البويوص بالصور

الطريقة
كنخدو الحليب كندفيواه كنخدو منو كاس كندوبو فيه الخميرة ….كنخلطو البيضتان مع السكر كنزيدو عليهم الزيت و الحليب الدافىء و الكاس الي فيه الحليب مع الخميرة و نضيفو الزنجلان …وفي الاخير الطحين نبقاو نزيدو شوية شوية حتى نحصلو على عجينة تكون خفيفة و نديرو فيدينا شوية ديال الزيت باش العجين ميلصقش فيدينا … اوا و نعملو بولات بحال ديال المسمن و نخليوهم يخمرو على خطرهوم انا كنديرهوم مور الظهر و كنطيبهم مع المغرب لان الحال بارد المهو كنعمل كويرات صغار حتى كيتنفخو مزيان عاد كندهنوم بالبيضة مخلط معها شوية ديال زعفران الملون و نديرو الزنجلان من الفوق و ندخلوهم يطيبو في الاول من تحت و من بعد نشعلو الفوقاني باش يتحمرو و كلها و فرانو هههه … ملي يخرجو من الفران ديروهم في بواطة و غطيوهم بالبلاستيك الغذائي و شي منديل باش يبقاو رطبين

افاذة …. ملي يبردو ناخذو الي غاد ناكلو في ديك النهار والباقي نقسموه في ميكات ديال الثلاجة و نديروهم في الكنجيلاطور وكل مبغينا نستعملوهم نجبد الميكة في الظهر باش تجي معا الكاسكروط هي هاديك… وبصحتكم و راحتكم