القاضي رفضلي تدييل العقد

السلام عليكم وجمعة مباركة انا دفعت لمحكمة الاسرة طلب طھط¯ظٹظٹظ„ ط§ظ„ط¹ظ‚ط¯ ديالي وحضرت 2 جلسات ومن بعد قالولي رجعي من هنا سيمانة باش تاخدي نسخة الحكم ——- المفاجئة لقيت ان طلبي ترفض والسبب قالك بانو راجلي مزوج وما جبتش الموافقة —- شفتو هاد المنكر الي احنا فيه شكون وقع لها بحالي واشنو دارت نتمنة شي محامية او الي عندها شي فكرة نفيدو ونستافدو الله يجازيكم بخير
ولا حول ولا قوة الا بالله وحسبي الله ونعم الوكيل

---

hgrhqd vtqgd j]ddg hgur] joddl

اختي سندريلا واش قبل ما تدفعي العقد ديالك للتديل .يعني لما توصلتي به من البلد فين عقدتي سواء مصر او سوريا واش مشيتي و ثقتيه فالخارجية بالرباط عاد السفارة المصرية او السورية فين تعقد العقد عاد دفعتيه للمحكمة ولا ديتيه غير هكاك ..حيت شحال من وحدة مزوجة راجل مزوج ودارت التدييل و ما وقع ليها هاكا
الله يصاوب ليك الامور

شكرا ليك اختي نزهة على جوابك انا العقد ديالي درتو في الكويت وقبل مانتوصل بيه راجلي قام بجميع الاجراءات تماك ومن توصلت بيه انا ديتو للخارجية في الرباط وجيت دفعتو للمحكمة في كازا وتفاجئت بالرفض من القاضي قالك خاص الموافقة اوا شفتي اختي هاد لعجب لاحول ولا قوة الا بالله

Hal wata9tih fi sifara lmarribiya fi lakwit am la lah idir lik tawil lkhir atamana an tajidi lhal anti katabti mich lazim l9adi yarfoud okhti issali ay 9adi aw mohami liaana kaynin li kaybriw dhan sir issir rah machhal man bant tzawjat rajal mzawaj mahssalch m3aha hadchi

اوا الحل الوحيد تدفعيه لمحامي يقضي ليك الغرض راه يبقى بينه وبين القاضي و شوف شحال غادي يطلب ليك الله يصاوب اختي حيت التدييل ماشي صعيب …غير بغاو يعقدو باش تدهني هههههههههههههههه

العجب اختي رفض ليك التدييل مع انه ما خاصش يرفضو بزاف مزوجين ودارو ليهم تدييل يلكما عندك شي حاجة ناقصة في العقد كالمهر او الشهود او اي شي من هدا القبيل
عرفتي مسالة توئيق من الخارجية حتى لو ما وتقثيهخ يتقبل ليك تدييل وشي تاني طالما دازو جوج جلسات كيفاش ترفض الى باغي يرفضو من الجلسة الاولى
واش انتي سمعتي الحكم في الجلسة تالتة ولالا الى كنتي سمعتيه من فم القاضي انه اتحكم ليك عاودي رجعي للمحكمة ودواوري مع الموظف اللي مكلف بتسليم الحكم فهمتي

اختي وتقت عقدي في سفارة بلادي وسفارة بلاد راجلي والخارجية الكويتية يعني عقدي مافيه حتى مشكل —- غير هاد الناس الله يهديهم وخا كلشي كامل مكمول لابد ما يطلعو لك شي عجب ما كاينش الله ياخد الحق — شكرا اختي للاهتمامك لهلا يخطيك

اختي اشنو نقولك الله ياخد الحق وخا بلادنا تتشوف الحق مع الواحد وتيعميو عينيهم عليه فوضت امري لله سبحانه اما من جيهة المحامي مازال ما قررت وهاد العقد مستغنية عليه ادا غادي يطلعني ويهبطني الله يخلف على باقي الدول الي تتسامهم في الحلال وبغا بنات الناس يتسترو اما دياولنا كيفما تزوجتي يخرجوك من عين الابرة ماعرفناهم اش بغاو جا راجل وحلة ما جاش وحلة تعقيدات بسبب وبدون
حسبي الله ونعم الوكيل

ايه اختي رفضلي وبدون اي سبب المهر والشهود وكلشي في العقد مكتوب فقط ما صاب منين يعض قالك الراجل مزوج وما جبتيش الموافقة؟ اوا احبيبة كيف جاتك هدي والي شجعني بزاف وكنت متاملة اني غادي ناخد التدييل انه بنات دفعو وخا رجالهم مزوجين تحكم ليهم بالقبول انا حضرت 2 جلسات ومن بعد قالت ليا كاتبة الضبظ من نزلت للمكتب عندها واحد المقندشة غير معصبة الله ياخد فيها الحق من هنا سيمانة رجعي باش تاخدي نسخة وتعرفي اشنو كاين اوا الفاجعة تلقيتها وبكل وضوح مكتوب الرفض ياختي ماعندك معامن تهدري في هديك المحكمة لهلا يكتبها على شي مسلم او يوصل ليها يخ منها كلشي رابط غوباشتو الله يحفظ —- مشكورة اختي على اهتمامك ولهلا يخطيكم وينولكم ما في بالكم

اختي سمحي لي انتي الي بغيتي الفقصة لراسك والتبهديل عقدك كامل مكمول اش بغيتي التبديل التبديل كايدار الى السفارة المغربيه فالبلاد الي درتي فيه العقد ما صدقاتش عليه انتي عقدك مصادق عليه من السفارة ديال المغرب والسفارة ديال راجلك صافي الله يجعل البركة ما يحتاج تبديل اختي بلا ما تبرزطي راسك مع هاد القوم راه بغى غير تعطيه الرشوة وصافي ماشي من حقو يرفض العقد الى مصادق عليه من السفارة المغربيه تقدي تشكي بيه اختي
غير هني راسك وماتخافي والو وما تعصبي راه امورك تمام وقانونية