الفيزا الى فرنسا

سلام الله عليكم الانيقات الموظفات لي سبق ليهم مشاو لفرنسا يفيدوني في الا وراق المطلوبة +الموعد من القنصلية واش كيتخاد هو الاول عاد نوجد الاوراق ام العكس فيدوني الله يرحم الوالدين

---

hgtd.h hgn tvksh

السﻻم اختي انا بعدا لي عارفة كتاخدي رونديفو من القنصلية هو الاول او كاتعطيهم نمرة الباصبور او كيعطيوك الرونديفو امتى والى كنت بعيدا كتعيطي في التليفون كتبقاي تسناي صراحة كيسخسخوك عاد اعطيوك الرانديفو انا هادشي قلتو ليك حيت الواليدة ديالي كتمشي او الاوراق ختي معقلتش حتى الغدا ونسوليك انا عارفة غير الورقة ديال الناس لي غادا عندهم ديال البنكة ضروريه غير نسول او نجاوبك

اختي انتي موظفة راه متلقاي حتى مشكل ان شاء الله تاصلي بالقنصلي وخودي رونديفو انا على حساب العلم ديالي كيعطيوك الرونديفو على شهر وسوليهم على الوثائق المطلوبة حتى انا يا الله صايفت للام ديالي باش تجي عندي سايفط ليها راجلي سرتيفيكا دوبيرجمو و 3 اوراق الصالير ولكرا ديال الدار والخلاص ديال الضرائب والخلاص ديالالما والضو وشهادة العمل ومعرفتش في المغرب شنو غادي يطلبو ليها

كنتمنى تجاوبي الاخت وتجاوبيني حتى انا الله يخلي ليك لميمة ديالك عفاك شنو كيطلبو للوالدة ديالك انا الوالد الحبيب ديالي متوفي الله يرحمو واش الام ديالي خاصها تدفع شهادة الوفاة ولا لا

السلام عليكم اختي انا عاد خديت الفيزا دخلي لموقع القنصلية الفرنسية تلقاي جميع المعلومات خودي اولا رونديفو راه الاتصال من الهاتف النقال فقط باش تاخدي الرونديفو راه الرقم في الموقع خاصك ديري على الاقل خمسمائة درهم راه كيحسبو بزاف للدقيقة غير تلقاي الالة المسجلة كتجاوبك قطعي كتاكل الفلوس بزاف حتى يجاوبوك ويكةن الباسبور في يدك باش تقولي ليهم اي معلومة واهم شيء اللي ما كيصعبو عليك فيه هو حجز الفندق اما الى كانت عندك بيرجمو غادي يسخسوك بالاوراق وغادي تعدبي الناس اللي يسردوها ليك وملي تمشي القنصلية يفرعو ليك الراس بقوة الاسئلة انا عملت حجز الفندق ما كتخلصي حتى ريال ورقة من الانتيرنيت كتجبديها وتهناي انا واخا عندي العائلة في فرنسا ما جبدتهومش قلت لهم ماشيا نتسارى قالي شكون يلاقيك في المطار قلت ليه الطاكسي تاخدني الفندق ما قال والو ومن الاحسن شوفي مكتب سياحي اللي كيساعد في الفيزا يشرح ليك كلشي انا هو اللي قالي على قضية الفندق ودارلي الحجز وقاد معايا الوراق حتى مشيت القنصلية وهدشي كامل ب 350 درهم اعطيتها لصاحب المكتب والموقع ها هو
https://www.consulfrance-ma.org/-Fes-

اه نسيت خودي اتصلي بالقنصلية في الصباح بكري مثلا غير يفتحو ويبداو اتصلي انتي الاولى او في المساء ملي يقربو يخرجو راه النهار كامل والخط مشغول والفلوس تمشي ليك راه شي وحدين مساكن خسرو الفين درهم وما شدوش الرونديفو

او عليك السلام شكرا اختي بزاااف على المعلومات والله يخلي ليك الوالدة انا كنتسنا باقي الاوراف جزاك الله خيرا

شكرا اختي على المعلومات الله يخلي ليك الام ديالك هد الاوراق لي قلت نفسهم قالهم لي واحد السيد في القنصلية ضاص يصيفطهم لي هداك الشخص من فرنسا ان شاء الله غادي عند خوي او خفت نسخسو بكثرة الاوراق او عاوتاني صحبتي قالت لي درت سياحة في اوتيل مطلبوش بزاف الاوراق

شكرا بزاف اختي على هد المعلومات ان شاء الله ندير هد شي لي قلت لي هو ليندير عفاك عطيني شي مواقع ديال مكتب سياحي واشنو نطلب منو كترت عليك بالاسئلة .سمحي لي بزاااق و الله يرحم ليك الوالدين
اان شاء الله ناوية نمشي عند خوي ولكن منين كنسمع كثرة الاوراق خاص هو يصيفطهم لي كنقول غادي نعدبو وخ هو قال لي غيتكلف .مبغيتش نتصل بالقنصلية حتى تكون حندي معاومات كافية على لي اسهل

اختي شوفي انتي فين مدينة كاينة وسيري عند لاجونس ديال السفر اللي كتقطع ورقة الطيارة والباطو والكيران هاد المكاتب هما اللي تقدري فيهم تلقاي وكالات الاسفار كتكلف حتى بالفيزا انا في مدينتي شفت غير اللافتة اللي كاتبين على المكتب ف الوكالة الاسفار وقريت انهم دايرين حتى الفيزا ودخلت واتفقت مع صاحب وكالة الاسفار هو اللي شرح لي كلشي وعمر لي الفورميلير ها هما الاوراق اللي خاصك تجمعي دخلي هنا للموقع

https://www.consulfrance-ma.org/Sejou…ou-touristique