الفقاص كيتشقق لي ويتهرس

السلام عليكم
عندي مشكل مع ط§ظ„ظپظ‚ط§طµ وخا كنتبع مراحكل كلها المهم كنديرو حرابل ونديور في لاطة ونحاول نكرصوا شوية بيدي ونطيبو نص طيبة ونغطيها بمنديل فازك وصباح نقطعو
كيتهرس لي ويتشقق من الوجه معرفتش علاش
وعندي مشكل اخر مع الخبز ديال الدار
كيجي زوين ورطب غير هو المشكل دياله غير يدوزو يومين او 3 ايام يبدا يتفتت معرفتش باش وش بالزيت اللي كنضيفلو ولا مناش نتمنى نلقى الحل عندكم وشكرا

---

hgtrhw ;djarr gd ,djivs

ا لفقاص سمعت مؤخرا في ميد راديو انه الا مبغيتيش يتشقق مدهنيهش بالبيض دهنيه بشوية حليب مخلط مع كاكاو و غطيه بمنديل فازك وزيدي عليه بلاستيكة وجربتها والحمد لله صدق معايا رائع . اما الخبز منقدرش نفيدك

بالنسبة للفقاص0يمكن كتخليه خفيف او كتدلكيه بزاف لا ن القفاص ماكايبغيش الدليك وحتي الا كثرت الزنجلان والقوائم كايتفهرس ف التقطاع وخليه بيتيه حتى لغد عاقطعيه بلام تفكي فوطة وخص الموس يكون ماضي وفزكيه بالماء سخون وعملي فيه غير شوي اللوز او عادي اولفخوي كونفي حتى تدربي عليه وديريلو كلش بالنسبة للخبز اختي كاثري فيه الخميرة والا بغيتيه يبقالك مزيان عمليه فالفريكو نتمنى نكون فدتك وجربي غاتشوفي الفرق انشاء الله

السلام عليكم اختي الفقاص الى ابغيتي ما يتشققش ما ديريش العجينة قاسحة بزاف تكون متوسطة ما خفيفة ما قاسحة ونقصي العافية خليه يطيب على نار مهيلة اما على التهراس انا نوريك سر ديالو كنديرو دائما هو بلاستيكة ديال الطبلة ملي تخرجي الفقاص من الفرن مباشرة لمطيه بالبلاستيكة ما تخلي حتى شوي من اللاطة يتنفس دخلي البلاستيكة تحت اللاطة ابحال الى كتلمطي السدادر وعاد غطيه بمنديل من فوق راه كيولي رطب وساهل في التقطاع وما يتهرس نهائيا اما على التقراص لا اختي حربليه بلاما تقرصي على وجهو باش يجيك الشكل الزوين ملي تقطعي اه نسيت خاصك الموس باش تقطعي يكون جديد وحاد بزاف اشتريه وخبيه غير للفقاص اما على الخبز كيتفرتت ليك بسبب نوع الدقيق الى كنتي كديري دقيق الفينو راه كيشرب ويبقى يتفتت ملي طيبي الخبز الى ما كنتيش غادية تاكلي الخبز كلها ديريها في المجمد باش تبقى محافظة على الرطوبة ديالها كنتمنى نكون فدتك ادعي معايا اختي يرزقني ربي الدرية الصالحة

ونسيت دخليه لفرن بارد عاد شعلي عليه ونقصي العافية مزيان وكيف قالت ليك الاخت متكتريش اللوز حيت هو السبب في التهراس حيت بعض المرات للوز كيكون قاصح .

هادي معلومة جديدة هاد مرة نجرب مندهنوش بالبيض
فعلا حتى كاليط فاش كندهنو بالبيض كيتشقق يمكن هو السبب
غدي نجرب شكرا

مكندلكوش بزاف اه كنخيه شوية خفيف باش كيجي هشيش
اختي وش الخبز الا كثرت ليه لخميرة ميبقاش يتفتت
كنديرو في لفريجو وخا هكا كيتفتت

وعليكم السلام الحادكة حتى انا مكنديرهاش قاسحة شوية خفيفة وصافي
هاد مرة نجرب منكرصوش انا شفت هاد طريقة من هنا وقلت نكرصو شوية باش يتسطح مع درتو كبير ههههه كنقطعو غير بسكين قديم هههه
اه كندير دقيق الابيض ودقيق فينو وكنغلب عليه دقيق الفورص
كنديرها في مجمده وخا هكا كنعانيمن المشكل هاد مرة نبقى نعجن كل يومين ونهني راسي ههههه وخا فيه تمارة
الل يعطيك نا راكي تمناي ويرزقني و اياك بالذرية الصالحة يارب

اناكندخلو في فران سخون هادش جديد علي هههه نجرب ورد عليك شكرا بزاف ولهلا يخطيكم علي

انا صاوبت فقاص مالح جا لذيذ ولكن ملي كناكلو مكيكونش قاسح وقرمش كيجي رطب ومزوينش شنو المشكل عفاكم

بالنسبة للخبز هذ المرة ماديريش الزيت وغاتلاحظي كاع ماغايبقى المشكل والفقاص كايتهرس ليك حيت كايتشقق ليك فالطياب حيت يمكن كاطيبيه فعافية شوي مجهدة دغيا كايتحمر ليك من التحت ومين كاتهبطيه باش يطيب شوي من الفوق كايكون الفقاص عاد خضر وكايتشقق ومين تجي تقطعيه كايتفرتت حاولي تنقصي العافية باش يطيب مزيان بلا مايتحمر