السلام عليكم و رحمة الله و بركاته
بغيتكم الحبيبات تعاونونا بشنو احسن ما استافادتي منه لعلاج ط§ظ„ط؛ط§ط²ط§طھ للرضيع خصوصا و انهم ماتانقدروش نعطيوهم الادوية بزاااااااف
نتمنى من كل واحدة فينا تحكي لينا تجربتها مع هدا المشكل اللي تايعانيو منو اغلب المواليد الجدد و تيخلع اغلب الامهات ………
الله يشافيهم و يقر عيونا بيهم و نشوفوهم كيف بغينا ان شاء الله
hgyh.hj uk] hgvqdu
اختي في الله حتى انا كان ابني عندو مشكل الغازات والحمد لله بفضل الله كندير ليه راس المعلقة الصغيرة ديا ل النافع مدقوق فالحليب والنتيجة جيدة وممكن كل مرة تبدليه إما بحبة حلاوة اما بالزعتر والله يحفظ لينا وليداتنا وولاد المسلمين من كل شر
انا تندير 2 وريقات من لويزة شوية كامون صوفي، شوية نافع فاش يغلى ماء نخويه عليهم نخليهم يطلقو يدفاو نعطيه لولادي يشربوه
تنشد زيت بلدية ندفيها نبدا نمسد ليهم بطن بشكل دائري بحال عقارب ساعة تنبدا من سرة وترتاحو
أختي أنا كندير شوية ديال الكامون الصوفي مع شي 5 أو 6 ديال حبات الكروية ونزيد عليهم الماء طايب ،كنخليهم حتى يدفاو ، كنصفيهم ونديرهم في الرضاعة ونزيد عليهم غير شوية ديال سنيدة ونعطيه لولادي يشربوه .
وثانيا كندير واحد الساشيات غزالين ، ديال "لاكامومي" أو مايعرف ب-"المانزانيا" ، كنشريهم من الشمال، صراحة غزالين، كندير ساشي مع شوية ديال الماء طايب وشوية سنيدة، ومنين كيدفا كنعطيه لولادي !! هاد الساشيات كنديرهم نهار أيه ونهار لا ! وراهم غزالين، منها كيزولو الألم، ومنها كيهدنوهم وكينعسوو مزيان !!
غير حاجة نديرها لكم في البال، راح اللويزة هي بنفسها كتعمل الغازات، وبالتالي قليل ونادرا فين كنستعملها، وداكشي علاش كنستعمل فبلاصتها "لاكامومي" !
وبالنسبة للفكرة ديال الماساج بزيت العود دافي، حتى هي زوينة بزاف، على شكل حركات دائرية في بطن الرضيع !
وهذا ماكان 🙂
ملي كيبكي وكنعرف بلي الغازات لي دايرينها ليه، يا إما المساج بزيت الزيتون أو كريم الأطفال، يا إما كنهزو بطريقة كتخفف الأوجاع: تهزي الطفل على السواعد ديالك وهو على البطن، تقريبا كما في الصورة، وممكن من غير المخدة:
ايوا اشغنقوليكم راه كرشي شوية غالباني الى كان على المشروبات و العصير فحدص و لا حرج زيادة على الماكلة الحريفة ايوا الله يسمح ليا من عدابو و خلاص ….اما النافع و اللويزة لااه كنعطيهم ليه مسيكين و شوية تايتهدن ليا و لكن ما براش مسيكين من نهار بديت نرضعو و الغازات فيه الله يشافيه و يشافي كبيدات تاعنا كاملين يا رب العالمين
المشاركة الأصلية كتبت بواسطة shamess 
ايوا اشغنقوليكم راه كرشي شوية غالباني الى كان على المشروبات و العصير فحدص و لا حرج زيادة على الماكلة الحريفة ايوا الله يسمح ليا من عدابو و خلاص ….اما النافع و اللويزة لااه كنعطيهم ليه مسيكين و شوية تايتهدن ليا و لكن ما براش مسيكين من نهار بديت نرضعو و الغازات فيه الله يشافيه و يشافي كبيدات تاعنا كاملين يا رب العالمين
السلام عليكم و رحمة الله تعالى و بركاته
اختي اذا كنت كترضعي ضروري تراقبي الاكل ديالك و تقدري و نتي كترضعي تاخدي فوطة صغيرة و تعملها فالما دافي(ماشي طايب )وتعصريها و تحطيها على اسفل بطن الرضيع هدي نصيحة كان قالها لي الطبيب وجربتها و نفعتني بزاف فاش كنت نرضع ولدي و مرة مرة كنت نعطيه شوية حبة حلاوة مطيبة فالما
والله يشافي وليدك و يخليه ليك و يشافي وليدات المسلمين كلهم امين