العوائق اللي صادفتها في أول خدمة لك في دار الغربة

في الصراحة طرحت هاد الموضوع حيت ناوية نخدم لاول مرة هنا ف ألمانيا مازال مكنتقنش اللغة مزيان
وأنا شوية حشومية مكنزعمش أخايفة نتعرض لشي مواقف يا محرجة يا نزبلها لمهم انني نفسي خايبة
إلى درت شي حاجة مرادينش عليها لاخرين كنمرض أكنتفقص

هادي هي العقدة ديالي دكشي باش بغتكوم تشجعوني أتعودو ليا اش كتكون ردة فعلكم ف المواقف المضحكة ولا المبكية ههههه

---

hgu,hzr hggd wh]tjih td H,g o]lm g; ]hv hgyvfm

بارك الله فيك

موضوع رائع غاليتي

ولا مشاركة

يا حتى وحدة ما عمرها خدمات يا كلكم حادكات

اوا غي شجعوني بعدا

السلام عليكم ورحمة الله وبركاته:1 حاجة اللغة كتساعدك بزاف
2 بالحجاب صعيبة تلقاي الخدمة الا مكانش معاك لعاونك
3 الا عندك الاولاد هدك مشكل اخر- الحريرة محررة-
4حتى الا خدمتي خاص تكون عندك شخصية قوية ادا لم اقول حديية لان هدك المجتمعات شوية صعيبة واحنى المغاربة نفسنا خايبة مع دلك ما انكسرش معنوياتك الحبيبة واتمنى لك حظا سعيدا حاجة واحدة الخلاص -فلوس-زينين في راس الشهر

ختي الله يوفقك في العمل ديالك
غير هي ما تكونيش حساسة بزاف, يعني ضروري تسمعي الهدرة و تقبليها النفس خليها على جنب وكوني امينة ومخلصة في عملك والله غادي يوفقك
والعمل غادي يساعدك باش تنمي اللغة وتقنيها
سولي على حقوقك و قراي عقد العمل مزيان قبل ما توقعي
شوفي الساعات القانونية والاضافية باش ماضيعيش في حقك
وخا في الصراحة مع هاد الازمة خاصك تحدري الراس وتقبلي بالمعقول اكيد فهمتيني اختي
تانقول لك هاد شي عن تجربة شخصية حيت اختك جامعية و كنت سكرتيرة بالمغرب وفي الغربة بديت كعاملة نظافة ومن بعد مضيفة استقبال في فندق
وحاليا شادة الحسابات في سوبر ماركت, تمنيت ناخد شهادة دراسية هنا او دبلوم ولكن البعد عن المعاهد ومع المسؤولية الاسرية مامكنش ليا نضحي بهم فقبلت بالامر الواقع هههه
واقيلا طولت عليك ههههه
ونزيدك علاقاتك مع اللي غادية تخدمي معاهم سواء اجانبيات او عربيات ما خاصهاش تجاوز الزمالة في العمل راه اللي حن تمحن هههه

كنشكركوم بزاف أنا مشكلتي معنديش الثقةفي النفس رغم أن الأساتدة ل- درسوني اللغة كيشهدو ب- الدكاء ديالي حتى أنا عملت كسكرتيرة ف المغرب ولكن هنا طالبة ر menage وش عاد غنشرط راه المهم هما لفلوس هنا

الحمد لله بعد راجلي واقف معايا ماعندي مناش نخاف بالنسبة للعقد

شكرا بزاف على النصيحة