اليوم جبت ليكم الطنجية ديال الدار بلا فرناطشي بلا جامع الفنا بلا يديك بلا يخليك
المهم سمحو ليا ما صورتش المقادير بوحدهم لحقاش ماكان عندي خاطر كنت مريضة ماشكيت عليكم
ندوزو للمفيد
جبدت من فريكو اللحم كيف في الصورة
زدت شوية الملح
حامضة مصيرة
معلقة صغيرة كامون
معلقة صغيرة ابزار
معلقة صغيرة سكنجبير
و راس معلقة زعتر يابس
معلقة صغيرة زيت بلدية اللحم اصلا كيطلق ليدام و تقدرو ماديروهاش
شوية الزعفران
معلقة صغيرة سمن
و قياس 4 ضروس ثومة محكوكين انا درت كتر لحقاش كتعجبني ثومة
وماكانش عندي خودنجال اللي مهم بزاف في الطنجية و كايعطيها مذاق خطير 
كتزيدو الما جهد يغطي الحم و تسدو على كوكوط و تخليوها على عافية مهيلة بزاف و مرة مرة حركوها
و نسيت ما كتبتش بلي كلشي كيدار في مرة وحدة وتسدي عليهم
هاهي ملي طابت بعد انتضار طويل اللي بغا ينعس نعس بحكم درتها بالليل
hg’k[ddm hg;h.h,dm
