الشم عند الاطفال

السلام عليكم انا البارح ولدي بدا يبكي و كتجيف حتى يولي زرق ومبغاش يسكت و مبغاش يرضع و معرفت مندير كينة غير بوحدي ناديت على جارتي مرة كبيرة و دارت ليه قطران و لميعة و سكت و رضع انا درت ليه كامون الصوفي و غالت لي ولدي شام وليوم داتني عند واحد راجل فرك ليه و كوى ليه و قال لي نحجبو ف3ايام اش بان ليكوم

hgal uk] hgh’thg hgwl

اختي الموشكل هو انني ما كنتيقش هادشي ،ولكن راه بصح راهم كيديو الوليدات يربكو ليهم و كيرجعو بحال الى كانوا يكذبوا انا لوستي حى هي معرفت ولدها واش خلت شي وحدة هازة شي حجاب ولا دايرة شي سحور المهم الوليد بداراسو كيتنفخ ليه، داوه مسيكين عند شي مرا كتربك شي 3 ايام وهما كيجيبوه مع 6 الصباح و الحمد لله راه تبارك الله غير ينقز ولا عندو واحد الراس اى ضرك ما تنوضي هههه الله يشافي لك وليدك و يخليه لك ، غير توكلي على الله

السلام عليكم اختي جدتي رحمها الله كانت تتداوي الشم وهي تتقول باللي هو ميكروب تايشمه التربية و تايكون مجهد كانت تتداوي باعشاب وزيت العود ومريوت والحمد لله تايجيوا فيهم الموت وبفضل الله سبحانه ثم بدواها تايوليوا بحال ايلا كدبوا تخايلي انها داوتنا حنا كلنا فالعائلة والحومة و ناس المنيدة كلهم تايعرفوها ويدعيوا ليها بالرحمة منهم اطباء وناس كانوا تايجيوا يزوروها مللي كبروا اختي الشمان تايجي من ناس تتعلق حجابات فيها شي حاجة كريهة ولا عيالات اللي تايعدلوا الشعودة اللي يستر ويحرقوا ديكشي ويلا شماته التربية تايضرها بزاف ولا من جنابة الزنا اللهم عافنا واي ريحة خايبة تتضرهم تا ديال البكار اعزك الله ربي يشفي وليدك اختي رقيه ديما

السلام عليكم حتى انا ديت بنتي جوج مرات ما كملتش الثالثة..قالو لية بنتك راسها محلول…صراحة انا ما عندي حتى شي فكرة على هاد الشم واش حقيقة اولى غي عادات…واشنو راي العلماء فيها… وانة شفت حالت كثيرة واحد ولد اختي كان راسو ولى مطولل فركات ليه مو و راه ولى مقاد… حشومة على العيالات يدخلو على تربية بديك النجاسات..را غي الجنابة كضرهم ما بالهم بالشعودة الله يشافي ولدك و كل اولاد المسلمين امين

CHOKRAN bezaf 3la rodokom dito 3 marat ana kanit sakna tiht mini wahda kadir bkhor khayb wa daba had semana khirjat hit tchikina lmol 3imara walakin ana dayman kandir 9oran daba hamdolilah weld bda yisah lah yihfad likom wlidatkom

شنو هو الشم؟

المشاركة الأصلية كتبت بواسطة minatalah84 CHOKRAN bezaf 3la rodokom dito 3 marat ana kanit sakna tiht mini wahda kadir bkhor khayb wa daba had semana khirjat hit tchikina lmol 3imara walakin ana dayman kandir 9oran daba hamdolilah weld bda yisah lah yihfad likom wlidatkom على سلامته اختي تجنبي العرنسية باش ماتتحذفش مشاركاتك المشاركة الأصلية كتبت بواسطة New’mum شنو هو الشم؟ الشم اختي عند وليدات الصغار ولا التربية هو تايشموا ميكروب من الهوا كيف ما كان نوعه خصوصا امور الشعودة الله يستر بالتالي تايمرضوا فصحيحتهم وكاين اللي تايتنفخ ليه الراس الله يستر

البنات بغيت نسولكوم شنو هي الميعة يعني مناش تتكون و واش ما فيها شي حاجة اللي ضر و كيفاش تستعمل حيت تيقولو ضروري منها الا غادي تخرجي البيبي باش مايشم شي حاجة خايبة و فين تتباع و شنو رأي الدين فيها عافاكوم جاوبوني

السلام عليكم الشم فعلا هو موجود مكنتش كنتيق بيه حتى شفت حالات منهم ولد بنت خالتي و تبارك الله غزااااال وملي كان عندو شهرين داتو للجردا والللي جا يبوسوا حيت كان زوين ما شاء الله وباسوه عيالات كاع مكتعرفهم ملي رجعاتو للدار الولد تبدل عطاها للبكا اللي عطاتو مكيسكتش داتو للسبيطار والو مقداو معاه معرفو اشنو بيه رجعاتو للدار وبدات كرشو كتبكبار وكتنفخ وسبحان الله ديك الليلة امي حسات بشي حاجا وحلمات انها كانت هازا ولد بنت خالتي فحجرها شوي ولا طير ووطار ومشات كتجري لعند بنت خالتي لقات عندها الناس ولدها مسكين مات كتنفخ كرشو حتى قربات طرطق وكلشي قالها ولدك شم ليك شي حرز ولا شي كميسا فيه دم كسيدا الله يستر هادشي اللي قالوه ليها والله اعلم تاني غير مؤخرا وحدا من عائلتنا دات ولدها للعرس وشم ليها وبدا راسو يكباااار واللي شافو يتخلع مداتو حتى شي بلاصا ولات كتمنى غير يموت ولا يتعدب اللي شافوا كيتعجب ليه وراه مسكين حتى هو مات الله يحفظ العيالات اللي مكيخافوش الله كتار وخصنا نحضيوا وليداتنا ونرقيوهم ونداوموا ليهم الرقية مغنخافوا والو وانا عمر مديت بنتي لا عرس ولا عقيقة حيت بحال دوك البلايص فاش كيجيبوا الوليدات الضربا والله يحفظ وليداتنا من كل سوء

السلام عليكم ورحمة الله تعالى وبركاته يارب تشافي لك وليدك انا ولدت بعملية قيصرية وبعد الولادة بأسبوعين تقريبا توفى شيخي الله يرحمه ويوسع عليه, واخا كلشي قال ليا بلا ماتجي لأن المسافة بعيدة بزاف وبنتي صغيرة بزاف على السفر, انا مقدرتش منمشيش لعندهم, شدينا الطريق في هاداك الليل و كانت صعيبة لأن الفتحة عطاتنى الحريق بزاف, وصلنا لقينا الدار عامرة والناس مخلطين واللي كيتلاقاك ماكيعرف واش يقولك مبروك ولا البركة في راسك. دازت شي يومين بنتي مرضت ليا بزاف جاها الاسهال وكتقيا حتى حاجة ماكتبقا في كرشها وغير كتبكي, ديتها لطبيب دوز ليها وخرج ليها SMECTA و MOTULUIM و واحد دوا كيرجع البكتيريا النافعة اللي كتكون في الأمعاء واللي كتنقص بسبب الاسهال و حليب PICOT AD, وقالي ندير ليها تحاليل ديال كاكا باش نشوفو واش كاين شي ميكروب في الأمعاء, بديت كنعطيها الدوا ولكن بدون نتيجة تذكر البنت بقى فيها غير الراس وعينيها غير كيزيدو يذبالو واللي شافها كيقولي هاد البنت راها شمات شي حاجة من الناس اللي كانو في الجنازة, جات عجوزتي قالت لي كون غير تديها تفرgي ليها, انا الصراحة داك شي جاني غير خزعبلات ولكن في نفس الوقت حشمت نقول ليها لا المهم مشينا عند واحد السيدة ساكنة في الحومة عندهم, هاد السيدة مرا كبييرة وكتبان فيها طيبة المهم شدات بنتي وعبرات ليها راسها بواحد الخيط وقالت لي راها شامة شي حاجة راسها كبر وشدات واحد لعشبة شعلاتها وطفاتها ودوزاتها ليها على صبيعاتها وقرات عليها المعوذتين وايه الكرسي ودعات ليها بالشفاء وعطاتني شوية ديال الشبة والحرمل وقالت لي نبخر ليها بيهم وقالت لي تجيبيها ليا غدا وبعد غدا المهم داكشي لي درت والحمد لله لاحظت تحسن من اول يوم مبقاتش كتبكي فحال الأول وبدات كريشتها كتجمع مع العلم انى مقطعتش ليها الدوا اللي خرج ليها الطبيب, الحمد لله حالتها تحسنات واخا دابا ضربها البرد وكتبقا تكحب حتى كتقيا ولكن هادو هوما الدراري الصغار, ماكيكبرو حتى كيشيبو والديهم الله يسمح لينا من الواليدين الا لقيتي شي حد يدير ليه الرقية الشرعية -الامام ديال المسجد مثلا- المهم الواحد يدير السبب والشفاء من عند الله, واهم حاجة تفاداي تدي ولدك للأماكن اللي فيهم الناس مخلطة والله يسير الأمور للجميع