السن المناسب لاءخبار الطفل بحقيقة التكفل به جزاكن الله خيرا

السلام عليكن أخواتي الكريمات لدي صديقة تكفلت بطفلة يتيمة من المتخلى عنهم باءحدى المستشفيات والطفلة الان عمرها سنتين ونصف تريد ان تعرف متى وكيف تخبرها بالحقيقة والسلام عليكن.

---

hgsk hglkhsf ghxofhv hg’tg fprdrm hgj;tg fi [.h;k hggi odvh hgaz f]rdrm

اختي معنديش خبرة بالاطفال و نفسيتهم لكن فنظري تخبرها من دابا واخا متستوعبهاش لكن غدي تعرف ان هاد الام ماشي ام بيولوجية و مادام البنت عندها والدين و هي يتيمة مزيان يخبروها ان والديها توفاو و انهم الوالدين اللي كبروها ، مع الوقت كيف تكبار غتبدا تستوعب ، احسن تعرف من سن صغيرة واخا متستوعبشو غتجيها عادي : ماما و بابا الله يرحمهم ، و هادو معاش عايشة بابا و ماما اللي مكبريني ، باش متصدمش ماللي تكبار او تعرف بعد سن كبيرة و الله اعلم

سمحيلي عاد قريت انها طفلة متخلى عنها كنت ظنيت انها يتيمة توفاو والديها يعني عندها اسمها العائلي الخاص ، لكن ماشي مشكل تعرف من هاد السن ، غير هو غتجي صعيبة الى خلاوها حتى تكبر و هي عرفات انها طفلة لقيطة ، غتولي تحاسب هاد السيدة باش تلقى لها امها الحقيقية او تعقد لان والديها تخلاو عليها ، صراحة الافضل استشارة اخصائي نفسي

شكرا اختي منال على اهتمامك وردك على تساؤلي أسأل الله أن ينولك الجنة

اختي كنت اسمعت بان من صغرهوم لان باش تكبر معاهوم الحقيقة اما الى حتى كبرو تتصدىهوم الحقيقة الله يجازيك بالخير على عمل الخير اختي

شكرا اختي على اهتمامك بالموضوع بوركتي حتى انا مع رأيك

انا تنفضل حت الواحد يكبر و يدير مستقبله و يدير داره و ديك الساعه نقوليه الحقيقه
حيت كاين لي تيتعقد و ميقراش و زيد و زيد ، اللهم تا نوصلو لبر الامان و ديك الساعه ويولي قاد براسه كبير وواعي، تجنبا للمشاكل

اولا تانشكرك على ردك بزاف انا اختي قلت ليها انها تخبرها من الصغر كيما قالو لحاقاش راك عارفة امالين الحسنات يقدرو يوصلوها ليها بطريقة تجرحها وتعقدها

من الاحسن تقولها ليها دابا بطريقة مبسطة على حسب سنها متقولهاش كلشي دقا وحدة بحال تقولها انا ولديها غائبيين ومين تكبر شوية تزيد تفهمها هاكدا احسن باش تكبر فراسها مشي حتى تكبر ويقولوهالها راه تصدم وتخافي تعقد وﻻ تمرض اللهم تكون عرفا حقيقة من دابا وتقولها اخا مشي ماماك حقيقة ومين تكبري نفهمك مزيان وهدشي ميعنيش انها مهديش تبغيها بحال امها الحقيقية ولكن را الام الحقيقية هيا الحب والحنان اﻻ حنات فيهع راه هدي تعقل عليا

بوركتي اختي على اهتمامك بالموضوع والله كون تشوفيها كيفاش كاترعد عليها وتفششها داكشي اللي كالدير معها عمري مادرتو مع ولدي الله يقبل عملها ويصلحها ليها ويصلح وليداتنا اجمعين