السلام عليكم يا انيقات

كيف راكم لباس ط¹ظ„ظٹظƒظ… ان شاء الله دائما بخير بغيتكم تعاونوني الله اخليكم غيجي عندي واد الضيف مهم من خارج المغرب وغادي اكلس اسبوع ان شاء الله وبغيتكم الله اسهل ط¹ظ„ظٹظƒظ… كل نهار شنو ندير
في الاكل الفطور الغداء الكوتي + العشاء بغيت الافكار ديالكم راه ضروري الله اخليكم الله انوركم
كنتسنا جوابكم
الله اسير اموركم الي بقا عزباء الله ازوجها والي مزوجا الله اسعدها والي مكاتولد الله ارزقها الدريه الصالحة والله ايسر اموركم

---

hgsghl ugd;l dh hkdrhj

حولي ديري بحت في جوجل أفكار للفطور
** خاص تحطي الحليب والقهوة كحلة معصرة،عصير ليمون وممكن تنوعي كل مرة نوع عصير،اتاي..
**خبز الدار ديري خبزات صغار،مرة ،خبز توست مرة ،باكيت مرة،مهرشات مرة..
** الزبدة والكنفتور جوج أنواع ..الفرماج عادي وزيت العود و زيتون..العسل وأملوا ..فرماج حمردواور كاشير مزيان..
** البيض أمليت..البيض مسلوق..البيض بلفرماج..البيض بالخضرة..
** شنيك ..بيتيبان ..كيكة ..مسمن كريب..بغرير ولكن ديري الحجم الصغير
الغداء :
** الاثنين : طاجين اللحم بالانانس ،سلطة منوعة في طبسيل كبير،خاص،روز، بيض، طن، خضرة،زيتون أسود،صلصات،وديسير طبسيل الفواكه..
** الثلاتاء : طاجين الحوت أو حوت في الفران،صلصة طماطم،شوية عدس أولوبية ف تبيصلات،سلطة بالورقيات والخضر،وكلامار دواور وكروفيت الكل يقدم في إناء كبير وكل واحد ياخ لي بغا
** الأربعاء : الدجاج محمر بحال ديال المناسبات باللوز وزيتون وحامض مصير.. سلطة خضار منوعة على شكل طارت .. salade de fruit
** الخميس : بسطيلة الحوت..سلطة مشكلة من دوائر طماطم،دوائر الخيار،والفرماج أبيض حتى هو دوائر،مع الخص لي تيقولو ليه الفريزي،ديسر طارت glasser وفواكه في كويسات فردية
**الجمعة : الكسكس باللحم وتفاية..اللبن..dessert النوكا
** السبت : اللحم مبخر..خضار مبخرة: بطاطا ،خيزوا،لفت،لوبية خضرا،كورجيت.. دسير فلان
** الأحد : الحوت مقلي كلمار،ميرلا،كروفيت،سردين..تكتوكة..فريت..زعلوك..
الكوتي :
الكيش،البيتزا،الكريب مالح..مملحات مشكلة
أنواع الكيكات،بالاناناس بالخوخ بالشكلات ،تشيز keke
حلويات مشكلة..دواز اتاي..
العشاء :
الكراتان ،سباكيتي،
القطبان،مرة ديال الحوت،مرة ديال لا داند،مرة ديال الحوت ،سمك القرش غزال..
شعيرية سفة بالدجاج
ستيك اللحم
نتمنى نكون ساعدتك وخى غي شوية..
حولي ديري جدول،ندمي فيه كل نهار شنو غدي ديري،وباش تعرفي شنو تقداي..والله يعاونك..

تبارك الله عليك اختي ربي اخليك وعطيك الي تمنيتي

اللهم أمين يا رب العالمين..ربي يخليك يا لحبيبة..