السفة المدفونة من يدين سندريلا ولثاني مرة فحياتها ههههههه

في 2024 – 21 – 08

السلام عليكم صحاباتي وحباباتي اليوم درت هاد ط§ظ„ط³ظپط© وقلت تعطيوني رايكم
حيت الفضل كله كيرجع ليكم من بعد الله سبحانه وتعالى باش تعلمت ليها

نبداو على بركة الله الطريقة مع المقادير وقبلو علي را يدي بوحدي
كناخد الدجاج وكنشرملو بالملح وسكين جبير والابزار والخرقوم وضامة زعفران الحر
ونخليه واحد 2 ساعات من بعد نديرو فالكوكوت ونزيد عليه بصلة كبيرة مشلضة
وشوية الزيت بلدية والزيت الرومية اللي قلينا فيها اللوز وشوية السمن ونقلي مزيان

ملي يتقلى الدجاج نزيد المعدنوس مربط انا مكانش عندي درتو مقطع ونمرق

كناخد شوية المشماش وشوية البرقوق محيد ليه العظم ونديرهم فكسكاس الكوكوط ونخلي الدجاج يطيب

فهاد الاثناء كندهن ط§ظ„ط³ظپط© مزيان بالزيت ونديرها تفور واحد 20دق
فالتفويرة الثانية كنخوي عليها الماء طايب وهي فالكسكاس نسقطرها واحد الشوي
ونبدا نحلها بيدي فالقصعة حتى تشرب ثم نعاود هاد العملية مرة ثالثة
فاتويرة الرابعة كنيرلها واحد كاس الحليب والملح باش تجي بيضة وفقاع الكسكاس كندير
الزبيب اللي رطبناه فالماء من قبل وندير ط§ظ„ط³ظپط© فوق منه ونخليها تفور مرة اخيرة
كنخويها فالقصعة ونديرلها الزبدة والعسل كتجي لديدة حسن من سكر ونحلها مزيان بيدي

فالطبسيل اللي غنقدمو فير البع ديالها وندير شوية المرق اللي خليناه عقد ودغمر

نديرو فوق منه الدجاج اللي فرتتناه وحيدنالو العظم

ثم ندير المشماش والبرقوق اللي فورن وقطعناهم صغار+اللوز مقلي ومهرمش مزيان

فالاخير كنغطي بالسفة المتبقية وكنزين باللوز مقلي والسكر والقرفو انا خليتهم الوسط حيت ماما واختي ماكايبغيوش الحلاوة بزاف والقرفة
اكتفيت بيهم فطبيسلات صغار سمحولي التصوير غي من الكوزينة حيت كان معانا الزايد ههههههههههه