السرة

شكون لي بحالي انا ولدي عندو دابا شهر او 15 يوم السره ديالو كتبان ليا خارجه ليه اشنو الحل انا بعد خلعاني واش غادي تبرى ليه او لانعمل ليه شي حاجه فيدوني اخواتاتي

---

hgsvm

السلام اختي حتى ولدي كانت عنده هاكا و نصحني طبيب الاطفال باش ندير ليه 5 ولا 10 الدراهم فوقها ونحبسها بالفاصمة ديال سبارادرا و الحمد لله رجعات ليه دابا راه عنده عام ونص والله الا بحال الا كنت كنكدب حتى انا كانت خالعاني طبيب كان قال ليا راه ماشي شيحاجه والا وصل لبيبي 3 سنين و مارجعش ليه راه خاصه يعاود يجمعه ليه بالجراحة واغلب الحالات كترجع الحمد لله …الله يخليه ليك ا رب

على سلامتك اختي غير عودي حزميها
حتى انا ولدي ملي كان صغير كانت خارجة له وكنت نحزم له حتى رجعات الحمد لله

السلام عليكم حتى انا كان عندي نفس السؤال وقالت ليا واحد الاخت باش ندير ليها خمسة ديال الدراهم و ان شاء الله خير و دابا بديتها ليها ملي كان عندها عشر ايام و ان شاء الله نعاودها ليها باش يرجع مزيان بادن الله

ام ريتاج خاصك تبقاي تحزميها حتى تبان لك رجعات
حيث الى بقتي تحيدي وتردي مغترجعش

شكرا ليكم غادي نديرها ليه من اليوم

هادشي الي كانو والدنا كيديروه لنا
والا خفتي حزمي له كرشو على منطقة السرة بالباندة لكن الفرة ديال الحلقة المعدنية زوينة وما تديريهاش مباشرة على السرة

استغربت ان طبيب ينصح بالقطعة النقدية يت الاغلبية كيقولو ممزياناش
اختي هداك راه فتق بسيط اوعدم سماكة ديال االجلد فديك المنطقة
متخافيش مدريلها حتى حاجة راه ترجع لراسها
ولدي كانت عندو قداش ودبا مزال مكمل 4اشهر وتقريبا مشات بلا نديرلو والو
حيدي عليك داكشى