نفتتح دورتنا الثانية ظ„ظ„ط¹ط¶ظˆط§طھ
بكلمة شكر بحق كل من شاركتنا التميز للرقي بمنتدانا
بارك الله في الجميع و الف الف شكر
بامكانكم نسخ البطاقة و تزين توقيعكم
ستجدن هنا وصفات رااائعة و متميزة
اضغطوا على العناوين لتصفح الوصفة كاملة
1-بريوش بالزبيب 2-خبيزات بالحليب والشكلاط
4-شصون بالكاشير و صلصة البشاميل
7-مورقات بالطون والشعرية الصينية
10-سيكار معمر بالموز والمكسرات
12-البريوات بالدجاج و الشعرية الصينية
17-كيش بالشعرية الصينية وكبدة الدجاج
19-فطائر جد لذيذة و سهلة
20-الفوكاشيا بالطماطم والزعتر
22-فطائر بالفواكه
23-لفائف عجين محشوة بحبيبات الشكلاط ، بحال الشنيك
27-Empanadas argentine عجين محشو بالكفتة على الطريقة الأرجونتينية
28-مورقات بالنقانق و صلصة الطماطم الحارة
31- شوارما بالخضر و الجبن التركي
34- الضفيرات بالخميرة بلدية أو العادية
hg],vm hgj;,dkdm gguq,hj hg[.x hgehkd >>>>>> hgtdk,h.vd fHk,huih >>> Hjp]n hgjhkd ahx
بسم الله الرحمان الرحيم
بريوش بالزبيب
المقادير
400 غ دقيق
3 معالق ك سنيدة حسب الذوق
100 زبدة مدابة
2 معالق ك حليب غبرة
كاس حليب دافي
بيضة
معلقة ك خميرة الخبز
قبصة ملح
نصف زلافة زبيب
نخلطوا جميع المقادير وندلكوها مزيان من بعد نضيفوا الزبدة وندلكوا وفي الاخير الزبيب
نخليولعجينة ترتاح شوية من بعد نعملوها اشرطة نخليوها تخمر وندهنوها باصفر البيض ونشرطوها بالموس من الفوق
وندخلوها لفران يكون سخون تيجي رطب بزاف
الصور توضح اكتر
في امان الله
خبيزات بالحليب والشكلاط
المقادير :
1 كيلو فرينا
نصف لتر حليب ومن أحسن كامل الدسم إذا متوفر
100 غ سكر سنيدة (و ضروري منفتش 100 غ حيث غادي يتحمرو بزاف الخبيزات ديالنا أو يميلوا للون البني المحروق )
50 غ خميرة الخبز
50 غ زبدة
2 بيضات وأصفر بيضة
فانيليا لتنسيم
رشة ملح
200 غ شكلاط من أحسن هدوك نقيطات الشكلاط المدورين زونين وكيعطيو منضر رائع ، ماكنش عندي عملت غي شكلات العادي وقطعتو بالموس 
أول عمل ندفيو الحليب شوية ونضيفو ليه السكر والخميرة ونخلطو مزيان ونضيفوه على الكيلو فرينا لعندنا ونخدمو مزيان 
بعد ما خدمنا الخليط ديالنا ، نزيدو الزبدة بحرارة المطبخ والبيض ونخدمو العجينة ديالنا
ومن طبيعة الحال رشة الملح والفنيلية
في الأخير الشكلاط
نغتوها ونخلوهة تخمر ، كتحتاج 40 د إلى ساعة حسب حرارة المطبخ ، كنت مشعلا السخانة فالمطبخ ستغليت الفرصة وحطيتها حدها كيف تشوفو في الصورة ، هادي فكرة إلا عندكم مطبخ بارد بزاف
بعد ما خمرت رشيت مكان العمل بشوية فرينا وحطيت العجينة ديلي بش نخدمها ، كنعون راسي بشوية الزيت أو الفرينا ومن أحسن الثانية ، ومني نحاول نشكل الخبيزات مندغطش على العجينة ونشكلوهم صغار قد ما أمكن حيت كتنفخو مزيان ، مني نكملوهم واحد 20 دقيقة يرتاحوا وإلى الفرن درجة الحرارة 180 المدة 20 دقيقة أو أكثر أو أقل حسب الفرن لعندكم وش غاز أو ضو وبصحة وراحة ، أسأل الله يعجبكم الخبيزات كصلحو الفطور على وجه الخصوص . لا تنسونا من صالح الدعاء
هادالبانيني ساااااهل ولكن مداقو راااائع ويليق للعشاء
المقادير:باكيط البانيني+طون+زيتون اسود+زيتون اخضر+زعتر+ملح+ابزار+مايونيز+كيتشوب+خيارصغير مخلل +فرماج محكوك
الطريقة:كنديرو المايونيز +كيتشوب+زعتر+خيار مخلل محكوك+ابزار+ملح(اختياري حيت كلشي مالح)
وكنخلطو الكل وندهنو بيه الباكيط من الفوق والتحت ونديرو شوي فرماج والطون والزيتون ونختمو بالفرماج ونديروه فالالة الخاصة د البانيني حتى يتحمر ونقدموه سخووووون وبالصحة والراحة
اليكم الصور
شصون بالكاشير و صلصة البشاميل
مقادير العجين :
300g دقيق
100g زبدة
20g بودرة الحليب
4 قطع فرماج مثلت
2 أصفر بيض
1 م ص موتارد
قليل من الملح
قليل من الإبزار
قليل من الكوزة محكوكة
قليل من الماء
طريقة التحضير:
في إناء نخلط كل من الدقيق + بودرة الحليب + الزبدة + الفرماج + أصفر البيض + الموتارد + الملح + الإبزار + الكوزة جيدا برؤس الأصابع تم نضيف قليل من الماء حتى نحصل على عجين لينة نقسمها كويرات و نلفها بالبلاستيك الغذائي و ندخلها لثلاجة لمدة 30min
مقادير صلصة اليشاميل :
1/4l حليب
1 و 1/2 م ك دقيق
1 و 1/2 م ك زبدة
1 قطعة جبن مثلت
قليل من الملح
قليل من الإبزار
قليل من الكوزة محكوكة
طريقة تحضير البشاميل :
في إناء فوق النار ندوب الزبدة ثم نضيف الدقيق و نترك الكل يطبخ قليلا ثم نضيف الحليب و الملح و البزار و الكوزة و نترك لكل يغلي مع التحريك المستمر حتى يعقد الخليط تم نضيف قطعة الجبن و نحرك الكل جيدا ثم نرفعه من على النار و نتركه ليبرد
مقادير الحشوة :
80g تون معلب في الزيت
80g جبن مبشور
60g كاشير الحار محكوك غليض
60g كاشير المنسم بالأعشاب محكوك غليض
60g كاشير بالفرماج محكوك غليض
2 بيضات مصلوقين و مقشرين و محكوكين غلاض
قليل من الزيتون لأخضر مقطع رقيق
معدنوس مقطع رقيق
صلصة البيشاميل المحضرة من قبل
طريقة تحضير الحشوة :
في إناء نقوم بخلط كل من الكاشير + التون + الفرماج + البيض + الزيتون + المعدنوس جيدا حتى تندمج العناصر مع بعض تم نضيف صلصة البيشاميل و نمزج الكل جيدا
مقادير التزيين :
عجين محضر من قبل
حشوة محضرة من قبل
2 أصفر بيض مطربين مع 1 م ك حليب لذهن شصون
قليل من الفرماج محكوك لتزيين شصون
طريقة التحضير :
يطلق العجين بالمدلاك بحيث يكون سمكه رقيق جدا تقريبا 1mm و يقطع حسب الرغبة أي دوائر أو مربعت أو مستطيلات أو ……. و نضع قيل من الحشوة ثم نتني العجين أو نغطيه بقطعة أخرى من العجين و نضغط عليه بالشوكة من الجوانب أو نستعمل قولب الشصون أنا استعملت قالب على شكل قلب بعد ذالك نتك الشطون بإبرة و نذهنه بالبيض و نرشه بالجبن و يطهى في فرن معتدل الحرارة تم يقدم بالصحة و العافية
أتمنى أن تعجبكم الوصفة و تومو بتطبيقها
بيزا مشكلة
500 غ فرينة من أحسن الخاصة بالبيزا
300 مل ماء دافئ
10 غ ملح
13 غ خميرة العجينة
معلقة كبيرة سكر
3 معلق زيت زيتون
أول حاجة نعملوها نقسمو كمية الماء لعندنا إلى إثنان ، وحدة ندوبو فيها الخميرة والسكر والثانية ندوبو فيها الملح ونزيدو فيها زيت الزيتون
نعملو حفرة وسط الفرينا ديالنا ونبداو بالخليط ديال الماء والخميرة والسكر بشوية بشوية وحنا كنجمعو ونكملو بالخليط ديال الملح والزيت الزيتون نخدموهة مزيان حتى نحصلو على عجينة رطبة وجامعة راسها نعملوها فشي إناء ونخلوه تخمر حتى ضاعف الحجم ديالها ، أنا عملتها كويرات صغار عطوني ربعة الأسس ، بنسبة لتخميرها نحسبو لها من ساعة حتى ساعة ونصف أو حتى ضاعف حجمها حسب الجو ديال البيت
من بعد ما خمرات كنطلقها بالمدلك حسب السمك لبغيت ، أنا بغيتها رقيقة بش تجي مزينة مع العمارة لموجدة لها ، منين نكون ندلك فيها ندير الفران يسخن ، من بعد نطيبها مكيطلبش الأمر وقت كثير ، مخصش تحمر لينا ، غي طيب نخارجوهة من الفرن
وجدت هل صلصة ديال طون ومايونيز بش ندهن جوج منهم
وهادي درتها بصلصة الطماطم والأنشوبة المملحة وزيت الزيتون ، بنسبة لصلصة الطماطم كنسخن المقلة كنزيد عليها توم مقطع وزيت زيتون ملح بزار وعافية تكون مهيلة بزاف بش ميتحرقش التوم وتعطي مدق الحرق ، من بعد كنحك بصلة صغيورة هادي اختيارية وكنزيد طماطم الواجدة المطحونة وشوية زعتر نحكو مزيان ، معلقة صغيرة سكر كتهرس الحموضة ديال الطماطم وربيع مقطع فالأخير قبل مانبغي نطفي البوطة بشوية ومن طبيعة الحال ليبغي يزيد سكين جبير أو أي حاجة أخرى منكهة (الأنشوبة هادي مالحة بزاف ، أصلاً تصبير ديالها تيكون غي في الملح بكميات كبيرة ، حضيو منها إلا كنتو دروها على حساب الملح . كتعجبني بزاف بزاف هههه )
ههيا كندير غي شي وحدات صافي فيهم البركة ومكنتيبهاش نصف طيبة عد ندير لها صوص ديالها ، لا ، حيت أصلاً رقيقة غادي طيب هي هديك
هاهما جوج البيزات الأولين طابو ، شفتو ممحمرينش وتيجو طريين
الأولى دهنتها بصلصة المايونيز ورشة ربيع درت فوقها خص وطريفات الطون معلب ورشة ابزار اختيارية وبصحة وراحة
هادي دهنتها بزيت الزيتون وعملت لها الجرجير والبارميجانو ، هادي واحد نهار كنت كليتها في واحد pizzeria وعجبتني بزاف ومتصورش المداق ديال هاد جوج عناصر شحل تيوالم بعضياتو ومن داك نهار بقات عزيزة عليا وخا بلا بيتزا تجي حتى سلاد مع طماطم صغيرة
ههيا عن قرب ،هههه
بنسبة لهذي نفس الصلصة ديال مايونيز وطون وزدت عليها الأنشوبة المخللة وجزرة محكوكة ، بني وبينكم أول مرة دقتها مني جيت هنية ستغربت وبقيت نتعوج ههههه زعمة كيفاش كيفاش أنشوبة طيبة في الخل مدخلتش ليا لراسي ولكن خلوها ايطاليين نيت ، عمرك تقولي عمرك يعني ، jamias dire jamias ، أو mai dire mai ، ههههه يعني بإختصار ولات عزيزة عليا وولفت مداق ديالها ههههه الله المستعان
اخواتي هدو تبقو مجرد أفكار يمكن لكل وحدة تعمل الحاجة لكتعجبها وترتاح لها وأسأل الله يكون عجبكم هدشي لقدمت لكم بكل حب وإخلاص والله لا يحشمنا معكم والله يسر أموركم يا رب ، أغلب صور صغرتهم بش ميتقلش عليكم بزاف كبرت غي ديال البيزة وجدة بش يوضح لكم الشكل ديالها ، والسلام عليكم ولا تنسونا من صالح الدعاء
بيتزا اوشنيك بمذاق لبيتزا
مقادير العجينة
200غ دقيق لفورص
200غ القمح
3 معالق ك زيت بلدية
معلقة اوزوج ديال الزبدة
الزعتر يكون كتير
خمير الخبز
نخلطو كلشي بماء دافئ وندلكوها مزيان ونخليوها تخمر
الحشو
فلفلة مشحرة في زيت بلدية
بصلة مشحرة
صلصة مطيشة
الطون
فرماج محكوك
الطريقة
نطلقو العجينة بالمدلك ونعمروها بالحشوونرش عليهاالزعتر تم نلفوها ونقطعوها انا بعض المرات تندخلها لفريكوتشدراسها عاد نقطعها باش تجي مقادة في التقطاع وميخرش الحشو
من بعد ندهنها بالبيض ونرش عليها لفرماج والى الفران
الصور توضح اكتر
في امان الله
تحياتي
ناخد الفلفة والبصلة مقطعين وتومة محكوكة ونشحروهم فزيت البلدية ونضيفو التوابل (ملح+ابزار+كامون+تحميرة+هريسة مدرتهاش على ود البنات صغار)+المعدنوس وفالاخير الطون+زيتون اخضر مقطع+شعرية مطلوقة فالماء +الزعتر محكوك باليد ونشحرو الكل شوي ونتركوها تبرد ونضيفو فرماج محكوك وناخد العجين مورق(انا شريتو جاهز) ونسرحوها ونبداو نعمرو كيفما واضح فالصور وندهنوهم بالبيض وندردرو الجنجلان والسانوج وندخلوهم للفرن يطيبونقدموهم سخونين بالصحة والراحة
والطريقة مشروحة اكتر فالصور
نتمنى من الله ينالو اعجابكمولا تنسونا من صالح الدعاء ولكن بالمتل اخواتي
هدي كرواصة بطريقة الرغايف كتجي ممتازة واقتصادية في نفس الوقت
المقادير
الشكل الاول على شكل مربع
نصف كيلو فورص
شوية الملح
خمير الخبز قياس م ك ونصف
1خمارة الحلوى
بيضة
100 غ الزبدة لدة
3 م ك سكر سنيدة
كنخدمو هد المواد كاملة ماعدا الزبدة وندلكوها مزيان عاد نضيفو الزبدة ونبداو ندلكو حتى تدخل الزبدة في العجينة ونعملوها كويرات
كنورقو الكرة بحال المسمنة عادية وندهنو بالزبدة ونطيو وندهنو حتى نكملو الطي نتاعنا ونعملو الشكلاط ونعملوها على شكل مربع
ونعملوهم في طاوة حتى تخمر شوية وندهنوها بالبيض مع نسكافي وندخلوها الفرن تطيب مني تخرج نرشوها سكر كلاصي او التزيين حسب الاختيار
الشكل 2 على شكل هلال
حتى هي نورقوها على شكل مسمنة ونعملوها مربع من بعد ناخد المربع واحنا كندهنو بالزبدة ونعلوفيها الشكلاط ونلويها على شكل هلال وندهنوها حتى هي بالبيض من بعد مخمرات وندخلوها تطيب
وبالصحة والراحة نتمنى تعجبكم
البيتزا بالطون المعلب , وخلية النحل من نفس العجينة .
مقادير العجينة :
2 كأس كبير ماء دافئ
2 بيضات
4 ملاعق حليب بودرة أو مايزينة ( أنا درت مايرينة)
1 ملعقة أكل خميرة الخبز
1 كيس سكر فاني
2 فنجان قهوة زيت
الملح حسب الذوق
3 ملاعق أكل سكر سنيدة
دقيق حسب الخليط ( الكمية حسب النوعية )
الطريقة :
نخلط المواد السائلة مزيان ونضيف = الملح – السكر – المايزينة – الخميرة – السكر فاني – ونخلط كلشي مزيان
نضيف الدقيق شوية بشوية حتى تجمع العجينة
ندلكها مزيان ونخليها ترتاح حتى تخمر
مقادير صلصة الطماطم:
حبة طماطم محكوكة
2 فصوص ثوم محكوكين
قصبر ومعكنوس مقطعين رقاق
ملعقة أكل مركز الطماطم
نصف ملعقة = كمون – تحميرة – إبزار – زعفران ملون ( نسيت ما صورته )
الملح حسب الذوق
الزيت البلدية ،
الطريقة :
ندير الزيت في المقلاة ونضيف عليها كل المقادير ونخليهم على نار هادئة حتى طيب الصلصة
مقادير التزيين :
بصل مقطع طويل ورقيق
فلفل حلو مقطع شوية طويل
الطون معلب
قصبر ومعكنوس مقطعين رقاق
ملعقة صغيرة = كمون – تحميرة – ثومة جافة – إبزار – زعفران ملون .
الملح حسب الذوق
الزيت البلدية
جبن محكوك
الطريقة :
ندير الزيت في المقلاة ونضيف عليها البصل والملح ونخليها حتى طيب وطيح
نضيف الفلفلة نخليها طيب شوية ونضيف عليها العطرية ونخلط الكل
ملي طيب البصلة والفلفة نضيف عليهم الطون والربيع ونخلط كل شي مزيان ونطفي عليهالنار ونخليها تبرد
ملي تخمر العجينة نقطعها كويرات صغار بحجم المشمشة ونبسطهم نتقبهم بالفرشيط
ندهنهم بصلصة الطماطم وندير الحشوة من الفوق وندردر عليهم الجبن المحكوك
ندخلهم للفرن على درجة حرارة 220 حتى يطيبو ، ونقدمهم سخان
بالصحة والراحة
موعدنا لاحقاً مع خلية النحل