الخطوبة

السلام عليكم و رحمة الله تعالى و بركاته
كيفهم يا أنيقات، الله يحميكم و يرزقكم الخير و البركة
الموضوع لي بغيت نهدر عليه هو خواتم ط§ظ„ط®ط·ظˆط¨ط© يعني الشكل .. الثمن ..
حيث سمعت هاذ ليامات الذهب رخاص شوية مشي بحال هاذ الشهور
و كنخص الذكر لي مزوجات و دازو من هاذ التجربة
و لي قدرت تنزل شي صورة تنزلها مرحبا بكم
و الله يحفظكم و يرزقكم الجنة

---

hgo’,fm

انا عن نفسي غادي نقولك الخواتم دالخطوبة كنفضلهم رقاق ماشي دوك الغلاض حتى يانا سمعت الذهب رخاص ولكن معرفتش مشحال ؟؟ ممكن تقوليلي مشحال هبط الذهب

حتى أنا أحبيبة كنفضلهم إكونو رقاق و simpel ماشي داكشي لي كبيير و فيه 3 مكيعجبونيش، المهم الذهب ماما لي سولات عليه هذي une semaine لقاتو ب 350 dh غير كنتسنا إرخاص شوية باقي نمشي نشري أنا و خطيبي خاتم الخطوبة و ناخد شي سنيسلة و خاتم أخر

انا خديته قبل شي 4 شهور دابا
فيه 2
الفوقاني فيه الحجرة
و التحتاني في 3 لخطيطات عامرين بالحجر
و لكن هو رقيق و سامبل حيت انا كيعجبني داكشي سامبل و يدي رقيقة بزااف
خديته ب 2024 درهم

بصحتك أختي ريحانة الإسلام أه عرفت بحال هدوك غزالين و حتى الثمن ديالو زوين منين خدتيه ، زعما منين أنت أختي؟؟

اه داكشي واخا سامبل كلشي عجبم بزااف
انا من الدار البيضا
و خديته من قيسارية الحي المحمدي

متشرفين أحبيبة أنا من أكادير

انا اللي نصحك بيه الى كانو صبعانك رقاق وصغار فالافضل يكون صغير ماشي كبير اما الى كانو يديك غلاض وكبار من الافضل يكون كبير يلاه كيبان فاليد واحسن حاجة منين كتكون بسيطة
انا يدي كبار كنت خديتو كبير بصح هادي عامين

انا كنفضل نوع للي رقيق و بسيط ما كيعجبنيش هدوك الكبار لكن هدا كيبقى حسب الوسط للي انتي فيه.
بغيت نتاكد واش فعلا ذهب نقاص حيت عندي شي 30 الف ريال و كنتظر دهب يرخاص باش نشري بيهم شي حاجة قبل ما نطرطقهم ههههههههههه