الخرجة ديال العمرة معرفت مندير عاونوني

السلام عليكم
عندي عجوزتي مدوزة عليا الكحلا من نهار جيت عندها و انا فالعداب و الدموع دوزت عاماين ط¯ظٹط§ظ„ البكا الله يجعلها مغفرة للدنوب وليت انسانة مكتابة و نكدية غير فجرتها و راجلي حتا هو مرض من مور المشاكيل اللي كترو بيناتنا المهم هي غتمشي للعمرة هاد رمضان و انا صراحة بغيت نشري المحبة ط¯ظٹط§ظ„ راجلي و نديرليها خرجة ط¯ظٹط§ظ„ ط§ظ„ط¹ظ…ط±ط© وخا غير نفاق و مجاملة معليش فوجهو ندير انا هاد الصواب
حيت حتا ولادها شي مكيهدر مع شي ادن بغيت ندير شي ليلة كبيرة نعرض على كلشي و تكون شي حاجة ط¯ظٹط§ظ„ الهمة و ط¯ظٹط§ظ„ الناس لكبار

عافاكم منصحوني شنو كيدار فالصواب ط¯ظٹط§ظ„ هاد المناسبة بالضبط

شكرا

---

hgov[m ]dhg hgulvm luvtj lk]dv uh,k,kd luvtm hg]v[m

انا دخلت باش ندعي معاك الله يسهل عليك ما صعاب والله يجازيك على صبرك اختي

علاش غتنافقيها ؟؟؟؟؟؟ كيف مكان الحال ام زوجك وجده اولادك
او مافيها باس تهار تجي تلقاك موجده ليها الحلاوي ومسمن ………. وتستقبلي الناس وتفرقي ماء زمزم والتمر هادشي للكاين من بعد هي الي بغات تجمعهم راه كدار عشا كبير من بين عائله وجيران

و ملي هو غير نفاق و مجاملة بلاش عليك. اللي كيبغي يدير شي حاجة كيديرها لوجه الله قبل أي أحد
سمحي ليا أختي و لكن هاد الكلمة اللي قلتي ماعجباتنيش واخا عجوزتك مكتصرفش معاك مزيان.

شكرا اختي الله يجازيك بخير

شكرا اختي انا بغيت ندير الخرجة يعني قبل ماتمشي اللي ندير لعراضة ملين ترجع يحن مولاانا

اودي محاس بالمزود غير اللي واكلة بيه منلومكش على الرد ديالك و شكرا على كل حال

السلام اختي.* تجربتي مع الام ديالي كنا دنا ليها خرجة بالمسمعين دازت عشية غزالة.**
أول حاجة خاصك تعرفي التوقيت** اللغادي تمشي فيه عجوزتك للمطار باش تعرفي واش غادي تديري العشاء او الغداء. ثاني حاجة تفكري فالماكلة (كنا درنا بسيطلة حوت و دجاج في الفرن و الديسير* + الحلويات و المملحات و العصير* و اتاي).

عن طريق : samsung – SM-G900F

ختي مغاديش نلومك ولا نانبك كاينين لعكيزات لي ميتعاشروش ولكن الصبر وصافي غير نويها لله وتعبك فهاد لعراضة غادي يكون في سبيل الله متديش عليها عيشي حياتك وربي معاك
المهم على حساب الناس لغادي تعرضي عليهم وعلى حساب الميزانية لعندك لمخصصة لهاذ العزومة لكانو الناس كتار وبغيتي ديري صداقة خاصك الدبحي حولي واخا غير متوصط حيت لشريتي اللحم غادي يطيح غالي وديري اللحم بالبرقوق وبسطيلة ديال الدجاج والحلوة صوبي شي شكيلات زوينين
ومتهضري فحماتك مع حد وعامليها مزيان بحال لمكاين والو وانشاء الله تمشي وترجع بقلب صافي

اولا الله يحنن قلبها عليك تانيا اختي ازمني اللقب للي عاطيا لنفسك الارملة السوداء فيه كتير من التشاؤم سمحي ليا الا اطفلت عليك واعلمي اختي ان كل هموم الدنيا زائلة المهم نرجعو لموضوعنا للي هوا العراضة ديال الخرجة ياريت اختي تحددي الميزانية للي ناوية تخصصي لهاد القضية او عدد الافراد للي غيحضرو لهاد المناسبة باش الانيقات يقدرو يعطيوك اقتراحات تقبل الله منك والله يبدل الساعة باخرى احسن منها او ترجع حماتك من داك المقام الشريف انسانة للي يحب خاطرك