الخبزديال الدار وبالصور من مطبخي .

سلام الله عليكن

بغيت نوريكم طريقتي في تحضيره واخا عارفاكم حادكات ومانساوش ان باقيين اللي مازال محتاجين لينا نوريوهم شغل يدينا نبداو باسم الله

2زلايف متوسطين من القمح+ 1زلافة متوسطة من الدقيق سبيسيال ميمونة

غربيلهم

وحطي الملح والخميرة المعجنة القياس

زيدي الماء الدافئ شوية بشوية وماتجريهاش وانتي تاتدلكي كل ما حسيتي بها انها نشفت زيديها شوية الماء

من بعد ماتحسي انها شربت الماء وتولي بحال اللي في الصورة كملي الدليك بالكف وماتزيديش الماء نهاءيا

دردري شوية الدقيق سبيسيال في القصرية ورولي العجين فيها

عملي كوريرات كبار بسطيهم شوية وخليهم يرتاحوا شوية

كرصيهم مع اضافة الدقيق المسمدسبيسيال

غطيها وخليها تخمر

هاهي مللي خمرات تقبيها بالفورشيط وتطيب

وهاهي مللي طابت

ممكن تعملي منها البطبوط ويكون رقيق ويخمر ويطيب
بالصحة والراحة
لا تنسوني من صالح دعواتكم فانا محتاجة اليها

hgof.]dhg hg]hv ,fhgw,v lk l’fod>>>>>>>>>>> l’fod