الحمل و مهنة التدريس

السلام عليكن اأخواتي الغاليات
انا يالاه درت الاختبار ولقيت حاملة هادا ط§ظ„ط­ظ…ظ„ الثاني ديالي ولدي الله يحفضولي عندو 3 سنوات ونصف
هادا اول عام خدمت فيه في ط§ظ„طھط¯ط±ظٹط³ في مدرسة خاصة مستوى الابتدائي الأول الثاني والثالث مادة الرياضيات
بغيت نسول المعلمات اللي عندهوم تجربة وكانو حاملات كيدرتو مع الوحم والخدمة كيدرتو مع الأعصاب مع الأولاد درتو شي تنظيم لحياتكوم و صحتكوم متزامنة مع الخدمة؟ جاوبوني عافاكوم حيت عندنا واحد المديرة تكره استادة حاملة وكاتبقى تحكر عليها بزاف وحاضياها كيف دايرة مع وحدة معانا عندها
4 شهور تقولها ديما انت الي فيك المشكل إلى الأولاد مافهموش ماجابوش مزيان انت كاتقيلي ناعسة مرخية مع العلم السيدة ماكادير والو من هادشي
غير هي المديرة عندنا كاتبغي دير فيها مديرة و ماكاتعاملش مزيان مع المعلمات

---

hgplg , likm hgj]vds

أختي الله يعاونك مرات لوسي ياله ولدات حتى هي خدامة في الخصوصي نهار عرفات راسها حاملة ماقلتهاش المديرة حتى قربات الكريشة تبان المهم 3 شهور الاولى ماعندك ماديري صبري وصافي وعلى الله يكون الوحم ساهل

شكرا اختي سلوى الوحيدة اللي جاوباتني من بين 180 مشاهدة.الله يعطيك مت نويتي. كتبت الموضوع وكنت متأكدة ماغالقاش الجواب حيت في هاد المنتدى كانحط شحال من تساؤل ولا مجيب.شكرا لكن.
نتمنى اختي يدوز وحمي ساهل يا رب حيت وحمي الأول كان صعيب والحمد لله كان جاني كانت عطلة السنة.

الله يهون عليك لوحم ربي معاك يسخر ليك كل الضروف المناسبةمتقلقيش راه الزوار كيدخلو بزاف هما لي زادو عدد المشاهدات

ana tani ya okhti mo3alima wana tani lwham jani wa3ar manakdabch a3lik dit 3otla maradia mnhar li 3raft rassi hamla kol chhar njadadha wdaba rani fch har 7 rabi yasserak omourak

اختي اهم شي انك تبقاي دافعي على راسك و نهار تشوفي راسك عيانة بزاف احسن ديري شهادة طبية احسن متجي و انتي مريضة و انا عندي ليك سؤال آخر شنو نوع الدبلومات اللي خصهم يكونوا عند اللي غيقريو الابتدائي في الخصوصي و سمحلي

الله يكمل رجاك ويفوت كلشي على خير كيف قالت ليك واحد الاخت ماتقوليش دابا حاملة تاتبان الكريشة وان شاء الله كلشي يدوز بخير

كما قالو ليك الأخوات ولادك أهم حاجة و المديرة ديري معها لحيلة و راه لا يكلف الله نفساً إلى وسعها

شكرا اخواتي على الاجوبة
بالنسبة للاخت للي سولات على الدبلومات باش تقري في البتدائي اختي على حسب المدارس معايا بنات عندهوم الاجازة وكاين اللي تقني وكاين اللي باك دفعي والمدرسة هي اللي كاتحدد

أختي
انا العام اللي فات كنت معلمة في مدرسة حرة و كان ممنوع علينا الجلوس ضروري نبقاو واقفين الوقت كله

الوحم عذبني مع التلاميذ كنت تانتعصب بزآآآآاف راك عارفة الوليدات ما شاء الله اللي باغي يلعب اللي ما تايسمعش ليك وووووو

اوا دوزت معاهم 4 اشهر و من بعد رجلي تنفخوا لي في الشهر الرابع بزآآف و قالت لي الطبيبة ضروري تجلسي في الخدمة شفت حتى عييت و جلست من الخدمة